صباح الورد لكل الورد F:
صباحكم بركة ومبارك عليكم الشهر
توني من كمين يوم رادة من تركيا وبالتحديد اسطنبول
أخيرا سافرت أنا وزوجي شهر عسل بعد 5 سنوات زواج :lol: لأن المادة ما كانت تساعد والله فرجها :D
السفرة كانت ولا في الأحلام
حسيت اني عروووس توني
حتى الناس كانو يسألوان إذا في شهر العسل وكنا نستانس أنا وزوجي :thumbs_up:
ما يدرون وراي عيال موزعينهم عالأهل حبايبي والله :)
الوجهة مثل ما ذكرت كانت لتركيا وبالتحديد اسطنبول
المدة 11 يوم بالتمام والكمال
رجعنا ثاني يوم رمضان بالليل يعني جربنا الرمضان عندهم وكانت تجربة حلوة :-#
المنطقة اللي نزلنا في اسمها سلطان أحمد وتقع في الجانب القديم من القارة الأوروبية لإسطنبول
أحب أخبركم ان اسطنبول تقع بين القارة الأسيوية والأوروبية
المنطقة رووووعة لأن أهم معالم اسطنبول التاريخية هناك مشيء يعني 3 دقايق للجامع الأزرق بتشوفوا صورته بعد شوي
و3 دقايق من آيا صوفيا أو حاجية صوفيا وهو متحف كان بالسابق كنيسة وبعد دخول المسلمين تحولت إلى مسجد ومن ثم الحين إلى متحف
و5 دقايق لقصر كوبكابي تحفة معمارية وكنوز العثماننين والخلفاء
وكمين دقيقة من yerebatan sarnici للأسف ما اعرف اسمه بالعربي بس هو تحت الأرض برك مياه وفيها أسماك وآثار رووووعة شوي عليه
مممم ويش بعد...أها في حديقة عامة تطل على البحر وفيها مقاهي رووووعة الجلسة فيها وهذي بعد 5 دقايق مشيء
وأشياء كثيرة حتى ما أذكر أسمها :confused:
خلوني احط لكم الصور أحسن :biggrin:
هذي صورة الجامع الأزرق بأول يوم رمضان أول ما أذن شغلوا الليتات على هالعبارة وما عرفت معناها حاولت اترجمها بجوجل طلع مرحبا بكم في سلطانة في 11 شهر!!!! حد يفسرها
وهذي زاوية ثانية للجامع الأزرق
وهذا من داخل
وهذا أحلى ساندويتش لسمك مشوي ذقته بحياتي
يمييييييييييييييييييييييييييي
وهذي صورة من كوبكابي بس للأسف ممنوع التصوير داخل لانه يحتوي على كنوز الخلفاء العثمانين
وهذا خبز تركي يااااااامييييييييييييييييييييي
وهذا أحد آثار تركيا طبعا هذا مجسم عندهم حديقة يسموها مينيتورك او تركيا الصغرى وفيها اهم الاثار والمباني والمناطق القديمة والاثرية في تركيا بمجسمات قمة في الابداع والدقة
وهذا أثر ثاني للعهد الروماني عندهم
وهذا الفيري بوت او العبارة اللي اخذتنا لبورصة وهي المناطق الرائعة في تركيا قريبة من اسطنبول حوال 3 ساعات ونصف
وهذا الكولا التركي هاههاهاهها كأني حاطة صور أكل أكثر من المناظر؟ّ!!!! شكلي جوعانة بس لا تحاتوا عندي صور بالهبل بنزلهم على دفعات
والله بأمانة ما أذكر وين خذت هالصورة !!!
منظر من الحديقة العامة اللي خبرتكم عنها واحنا جالسين نشرب شاي تركي على واحد من المقاهي هناك
تعبت
انتظروني بدفعة ثانية من الصور وفيها آيا صوفيا والشاي التركي وبورصة الخضراء والتلفريك والكثيرررررررررررررررررررررررررررررررررررر :worn_out:
