ŚũҝąЯ Ŋă3m;12988260:
يالغالية الحين الناس صايره تمسك الكلمة وتفصلها
الحين انتي جايه تشكيلنا مشكلتك بحسن نية ومن اللي تعاني منه .. ولقيتي نفس المعاملة
دامك انتي عارفة نيتك وتقولي ان كلامك كله ما تذكري اي شي للمفاخره .. خلاص ليش تعوري راسك
ولا تفكري تتقربي من بنات فكرهم محدود .. اللي سويتيه بقصد التقرب منهم فسرلهم العكس تماما .. واي تصرف بيملحوه ويبهروه ويصير على هواهم .. فالافضل انك تكوني على طبيعتك وتصادقي البنوتات اللي مو من هالنوع
والله يبعد عنك الحسااااااد
صح كلامج انا هذا اللي لاحظته في كثير من الناس .. انا من داخلي اشكي لهم ارويهم شلون تعاملهم معاي من خلال كلامهم .. لان الكلام هو راح يبين شلون المعامله معاي ..
شوفي ياحبيبتي صديقاتي ذيلن اذا شافوني ماشيه مع وحده على طول يخربونها علي يقولون كلام من وراي مثلا انتي شلون تمشين معاها هذي مغروره .. انا مشكلتي ماااااااااااااااااااعرف ليش مااقدر اطنش احس صعبه واااااايد :'( حااااااولت بس ماقدرت كيف اطنش هم دايما يخربون علاقاتي مع الناس .. لازم يحبون ويبينون للناس ان موزه انسانه متكبره مغروره شايفه نفسها :'(:'( الله يكون في العون وربي احس نفسيتي ضاااااايقه حيييل
..لمعة عين..;12990626:
يوووه حبيبتي انا ما اتهمتج بشي
قصدي اوضحلك اذا تتكلمين معاهم يمكن انتي مو بقصد تقولين كلام انتي شايفتها عادية بس هم يفهموا انك تتفاخري
بس انتي تقولين ان سوالفك عادية يعني اكيد هم اللي غيرانين وما عندهم سالفة
هالنوع من البنات لا تسميهم صديقات مجرد معارف لا اكثر
انا تعاملت مع هالنوعية من الناس اللي كله يفسرون ويحللون بكيفهم وصح انهم يقهروووون!!
بس الحمدلله بعدت عنهم ولا بعد لما بعدت عنهم ماسلمت من كلامهم قالوا فلانة اغترت وكبر راسها علينا
شفتي كيف كلام الناس ما تخلص
وافضل لك انك ما تتداخلين مع البنات وايد خليك سطحية مع الكل
خلاص لا تعورين قلبك على ناس ما يحبوك!!
بحفظ الرحمن :)
اها فهمت كلامج .. السموحه منج يالغلا لان بينت لج انج اتهمتيني .. صعبه اكون سطحيه احب اكون انسانه معاهم دايما .. :'( ماعرف ليش كلما ابي اكسب صديقه احصلها عكس ما ابي :'(
ويعطيج الف عافيه حياتي
العتب;12990851:
الغالية الموضوع مب موضوع بنت رجل اعمال او متكبرة او مغرورة الموضوع انه انتي ما عرفتي تختارين ربعج عدل هذيل مب ربع اللي بتتكلم عنج من وراج وبترمس فيج بالشين ... الصديق الغالية وقت الضيق والصديق لو شاف على ربيعة شيء شالة ونصحة وما راح يخليه على عماه ابدا ومستحيل مستحيل ابدا ابدا ابدا انه راح يجرحة في يوم من الايام او يطعنه بظهرة هذيل الغالية شرات القطوة تاكل وتلعن صاحبها والوفى مب موجود بقاموسها ...
عزيزتي نقي ربعج عدل وعيدي حساباتج ... ترى الناس بالدنيا معادن اختاري المعدن الصح عشان تعتمدين عليه والمرئ على دين خليلة مثل ما قال الحبيب يوصينا بختيار الصديق الخلوق
فأنا واعوذ بالله من كلمة انا اتوقع الخطأ منج في انتقاء الصحبة الصالحة .... تصاحبين ناس تكرهج وتتمنى انزياحج وانكسارج عامليهم بالمعروف صح وانا وياج بس ما اخليهم من المقربين أو حتى اجمعهم مع المقربين ... تقديري واحترامي لج
وبعدين الحركة الاخير اللي سويتيها ما كانت حلوة ... وآسفة على هالكلمة انج وزعتي هدايا على البعض والبعض لا لان الحركة اللي سويتها راح تبين صحة نظريتهم وان انتي عازمتهم زيادة عدد لا غير فما كانت حلوة انج تسويها على الاقل جدامهم فكانت حتى احراج لهم جدام الاخريات ... وراح تزيد الغل والحقد والكراهية وراح تعكس عكس اللي النية اللي انتي تبينها انتي قلتي عزمتيهم عشان ينبسطوا وتتصافوا ... فوين الانبساط ووين التصافي موقفج لو انا شفته وانا ما اعرفكم راح اقول هي ما عطتهم يمكن ما يستاهلون ... يمكن تكرهم يمكن تبي تحرجهم ... فكان من الافضل انج ما عزمتيهم من الاصل والافضل
بس السموحة الغالية ما تزعلين مني ترى هذي وجهة نظر اذا اقتنعتي فيها جزاج الجنة وإذا لا هم بعد جزاج الجنة بس لا تزعلين حبيت اوضح نقاط لا أكثر واشكرج على رحابة صدرج وسعته ورقيج في الرد على بعض الردود مع انها ازعجج البعض لكن ردك كان راقي الله يكملج بدين وعقل وزوج صالح
العتب
شوفي حبيبتي الناس الحين وخصوصا في هالزمن يشوفون بهذي النظره ... والمشكله بعضهم مصرين على هالشي ان هذي مغروره ومتكبره في اصرار بشكل ما تتوقعين وانا واجهت هذي الاشياء في حياتي .. حسيت بتعب ماعرف كيف اطنش لان احس كلما اطنش يزيدون احصل عذاب اكثر ..
لا حبيبتي بالنسبه للهدايا وزعتها عليهم كللللللهم انا من طبعي اذا حبيت اعطي اعطي لللكل ماحب اترك حد .. ابد حبيبه قلبي مازعلت ولا شي انتي على العين والراس و وجهت نظرج بعد على العين والراس ... حطي في بالج انا انسانه ابد ما اشيل بخاطري من الناس لكن كثير منهم يزعجوني .. وانتي بعد ربي يوفقج في حياتج ويحقق لج مرادج ان شاء الله
كلامج وايد ريحني .. الله يريحج دنيا واخره
أحاسيس مسموعة;12991013:
ماعليك منهم تسافرين وترجعين بالسلامة
الله يسلمج يالغلا
العتب;12992310:
وع فكرة هم بعد عقدة النقص عند البعض تولد الفكرة اللي انتي قلتيها ... يعني في بعض البنات ما عاشوا عيشتج بسبب قصر الحال وشافوا الخير الحمدالله اللي انتي فيه فحركاتك راح تكون تحت المجهر ... واي حركة تسوينها راح ينحسب لها ألف حساب .. مثال طلعتي سويتج السيارة جدامهم والسيارة نوعيتها فخمة البعض اللي يحس بعقد النقص راح يقول ليش طلعتها جدامنا الا خقة وتبي تراوينا .. فأنتي عشان تكوني في السليم وما تجيبي العيون عليك احسبي حركاتك مو خوف الغالية من كلامهم لا لا والله الخوف حتى من العين والحسد والعياذ بالله ... يعني انا كنت اشوف لما اتصل فيك الوالد الاحسن تستأذنين من القعدة وتطلعين في جو خاص بينك وبين الوالد وتكلمي معاه لحالكم ... مفاتيح السيارة كان الافضل ما طلعتيها جدامهم وانتي طالعة استأذنتي ورحتى طلعتي المفتاح برع وعطيتيها السايق فحاسبي الغالية على تصرفاتج إذا تبين تزيحين العيون عنج
العتب
صدقتي بكلامج انا تحسفت كنت افكر نفس التفكير قلت انا ياليت ماطلعت شي :( والله وكل كلمه قلتيها صح .. يعني وين ما اروح احس كأن حد يراقبني ويراقب كل تصرف .. راح اكون حذره وامشي على كلامج وامري لله دام هذي الدنيا وكل انسان تفكيره الله يكون في العون
ربي يجزيج جنته
ღجريحة اللياليღ;12992539:
ياقلبي لاتشيلين بخاطرك منهم
ومثل الي يقولي { الي مايعرفك يجهلك}
فلاتاخذين بكلامهم وكلن يرى الناس بعين طبعه
اعذريني
في حفظ الله غلاتي
حبيبتي جريحه بالعكس انا انسانه ما اشيل شي في خاطري بس الانسان الين متى راح يتحمل انا احس بتعب من الي يصير احس مو قادره اركز حتى في دراستي من هالمضايقات ..
يحفظج الرحمن
روح فآرس;12995066:
لا تززعلي نفسك قلبووووووووو
وواثق الخطووه يمشي ملااك
والشخص ماينهار ع كلام الي حووله
لا تضايقي نفسك اذا انتى طيووبه ومتواضعه
هالناس مايعجبها العجب
فديييت قلبج ياحياتي
صدقتي بكلامج وكلامج وربي ذهب
بس حبيبتي هالشي كل يوم يتكرر معاي لو مره او مرتين او ثلاث امشي لكن كل يوم اتعذب من داخلي يتعذب من كلام هالناس ..
فديييت قلبج انا يسلمو يالغلا وماتقصرين
lona-11;12995458:
الغيرة تفعل اكثر من هدا...
تجنبيهم يا اختي..
ولا تبكي ولا شي انتي عارفة نفسك وهدا الاهم..
بالتوفيق..
يسلمو فديتج ياقلبي وماتقصرين
سديم الرس;12998852:
السلام عليكم ورحمة الله وبركاته
اختي موازة:
الناس طبقات فلازم تقيسين طبقتك مع الناس
فمثلا :(ناس ماقد شافت فنادق ............تعزمينهم على سحور..ولا وتعطينهم هدايا)
حبيبتي اذا انتي ما نمتي من البكاء والقهر
تلاقيهم هم ما ناموا من الحسد والحقد
انتي من النوع اللي يبذل قصارا جهده لكي يسعد ويسعد الأخرين وتتواضين لهم
ويكرهونك وتعزمينهم
اختي ما يصير والله مايصير
يعني
لاتكونين شمعه تحرق نفسها لتضيء للأخرين
اختي
لو ما تعزمين الا وحده وتحبك وتسرك وتسعدي بها وتسعد بك خير من ان تعزمين الكووووووووووم اللي ما يأكلون وبالنهاية يبكونك
لا انتي استأنستي ولاهم بيستأنسون ويرتاحون
أنتي حره بتصرفاتك مو دايم حكم الناس صحيح
يعني فيه الحساد وفيه اللي تحبك وتخاف عليك
انا موناسيه مشكلتك مع بنت عمك وهذا اكبر دليل انك من النوع اللي يحاول يتقرب للناس لأنه يحبهم
لكن مو بضروره علشان انتي تحبينهم هم يبادلون
ممكن يحبونك لكن الحسد والقد ما يخليهم يتحملون
وانتي بما انك وحيدة تحاولين ما تخسرين احد وهذي نقطة تحسب لك
لكن للاسف الناس ما تفهم اللغه هذي
تفهم لغة عطيهم الهامشه يركضون وراك
الناس بالطبقاتها تفهم لبعض
واذا كسبتي من اي من الطبقات هذي لو وحدة فأني قد غنمتي
لا تكثر اصحابك
لأن الناس تتبع مصالحها
مثلا:(رفيقاتك ليش جوا للفندق لأنهم بيستانسون.......................وانتي كذلك لكن جبتي علة على قلبك اللي هم يكرهونك ويبكونك)
اختي دوري راحتك ترتاااااااااااااحين
لاترحين الناس على حسابك
والحياة اقصر من اننا نطاول الناس ونطالع خواطرهم
اختي ما يعني ان الله رزقكم النعمه تخليها نقمه وتولولين
لا تنسي شكر الله اولا على هالنعمة
وثانيا فكري لو احد رفيقاتك هؤلاء عندهم هالنعمه كان تكبروا فالله رزقك التواضع
فالحمد لله
(اذا كان الذي بيني وبين الله عامرا
فياليتي الذي بيني وبين العالمين خرابوا)
عيشي لنفسك فرضى الناس غايه لا تدرك
أأسف على الأطالة
وارجوا اني نفعتك بما ارى
تقبلي تحيات
سديم الرس
F:
فديت قلبج انا والله كلامج ذهب .. ريحتيني بكلامج ياجعل ربي يريحج دنيا واخره .. صدقتي بكل كلمه قلتيها .. بس تصدقين يا اختي بقولج شي
انا انسانه واعوذ بالله من كلمه انا .. مع الناس بكل الطبقات .. والله حتى انا عادي اروح معاهم اماكن عاديه واشتري مثلهم لان انا من نفسي مابي احسسهم اني انا احسن منهم او شي من هذا الكلام .. بالعكس ادخل معاهم نشتري مثلا حق حفله او حق العيد اشتري من محلات عاديه دامهم بيزوروني في البيت .. او مثلا نتعشى باماكن عاديه .. بالعكس ترى يعني انا معاهم وايد عاديه .. لكن المشكله بعد فتره تحصلينهم ينقلبون علي انتي متكبره ومادري شو .. اقولهم شو الدليل اني انا متكبره صدقيييييييييييييييني يا حبيبتي انهم يسكتون .. ماعندهم شي يوضح اني انا متكبره ..
ويسلمو فديتج وماتقصرين يالغلا
غدووورة;12999282:
حبوبة انا حاسه فيج لاني احيانا امر بنفس المواقف
حتى اني اقول حق صديقاتي اللي مايعرفني عدل يقول عني مغرورةةةةةةةة
بس اللي يعرفني ويدخل بيتي يعرف ان قلبي ابيض وكل من حولي يقولولي احنا بالاول كنا نفكرج مغرورة بس لمن تعرفنا عليج واقتربنا منج حبيناج وصرتي مثل اختنا
انا اقول اي وحدة تكلمج بهالاسلوب لاااااااااااااااااا تكلميها خييييييييييييييييير شر واكيد انتي مب بحاجتها
خليها تولي وتاكل اصابعها ندم
وصدقيني اصلا هي غيرانه منج وداخلها دم يغلي
ادعيلها بالهداية ولا تكلميها من اليوم وساير
الله يهديها ويصلح حالها وبالها ان شاء الله .. كلامج وايد ريحني تسلمين يالغلا وماتقصرين
جلاكسي24;12999428:
اكبر طاااف سوي لهم
اه تعبت من كثر ما اسوي طااااف مافي فايده
asma9999;12999515:
اختي ماعليج منهم في ناس وايد فيهم حسد... ولو الوحده تكون طيبه و متواضعه لازم يطلعون عيب فيها ...
خلي علاقتج مع اللي تحسين انهم مايدانونج سطحيه...ولا تسويلهم وايد سالفه
فديت قلبج يسلمو يالغلا وماتقصرين
والله يكون في العون