الله يخليكم ساعدوني والله رح اين من اهلي

ابدا اقولكم عايلتنا عشان تفهمون مأساتي وتقولولي حل لاني والله طقت جبدي
وقعد انام ودمعتي على خدي واصحى وانا متضايقة اني بهذا البيت
اولا احنا 3 بنات وولد صغير وانا الابنة 2

الاب: انسان عصبي لكن حنون كلمة (لا )تجري بشرايينه_لكن قلبه طيب اكثر من الام بس كله واقف ويا الام ويسمع الموضوع من طرف واحد الي اهوا من طرف الام

الام : انسانة دايمة مشغوولة بدوامها وبالحش بخلق الله (( نظام شفتي فلانة وعلانة
))_ تغار من بنتها الي اهيا انا_ مافيها حنان او امومة_عندها بنتها الكبيرة الكل بالكل وتعتبرها ملاك بين البشر_ دايما تشيش الابو على عياله واي شغلة بالبيت كبيرة ولا صغيرة تقولها للأب وتكبر الموضوع حتى لو كانت شغلة بنات وما تخص الاب_ ما تحب تقعد تسولف مع عيالها ولا تسالهم شننو يبون او ما يبون_ تعلي صوتها في اي مشكلة عشان يسمع الاب(( يعني نظام تعال اسمع وشوف بناتك قعد يتهاوشون معاي)) عشان يصرخ علينا ويزفنا واهيا تستانس من هالمنظر لان تحس ان وراها سند ياخذ حقها حتى لو كان مو حقها

الابنة1: ملاك بين البشر _ الكل بالكل_ دايما اهيا الزينة _ حتى لو تغلط الام والاب يشوفونها ملاك ويسامحونها_ حلال عليها تطلع وتدش وحرام علينا_اانانية وتفكر بنفسها بس_ تحب تكون الكل بالكل_ما تحب الاهتمام للبيت يروح لغيرها_واذا راح الاهتمام لغيرها تنتقم منه مثل انها تشيش الام والاب على الي خذا الاهتمام منها_ كل همها كشختها ورفيجاتها والمواعد والطلعات وعقلها صغير_ باول سنة جامعة

الابنة2: لاهية بالدراسة حياتها كلها دراسة_ تحب تساعد الكل _عصبية وتتحلطم وايد_بس قلبها ابيض وما تحب تنام عالمخده الا الكل راضي عنها _ انسانة طيبة والكل يشهد على هالشي_ يعني الي ياذيها تسامحه وتوقف معاه اذا احتاجها وتكسر عينه بطيبتها _ عقلها اكبر من سنها وتوها متخرجة من الثانوية

الابنة 3: بحالها كل همها التلفون وبنت عمها_ كريمة_ بس ما تخش السر وكل شي تقوله لبنت عمها _ ملسونة بس حسها بالبيت _ ما تهمها كرامتها




القصة يا بنات ان
المشكلة الاولى ان امي حيل قاسية علي وبدون سبب
ولدرجة انها تعاملني معاملة مرت الاب
والمشكلة الثانية اهيا الابنة 1 دايما حقيرة معاي وتحب تفضحني وتسويلي مشاكل وانها تكون احسن مني لاني احسن منها بالاسلوب والجمال والجسم وهذا الشي يحرها وايد ويخليها تعاملني معاملة العدو:badly:




مثال1:
مرة كنت قاعدة برمضان ناطرة الاذان الفجر ابي اصلي وانام
فقعدت امي تبي تسوي سحور لقتنا قاعدة انا واخواني بالصالة فدخلت المطبخ لقت مواعين غير مغسولة
قعدت تصرخ علي ليش مخلية مواعين وتصرخ من قمة راسها الفجر تبيني اغسلهم الحين وتقول انتي وحدة كسفة ومنو نظيفة ومن هالكلام
قلت لها مو انا الي ماكله ولا انا الي حاذفة المواعين وعلت صوتها ليمن قعد ابوي على صراخها وقال شنو فيه فقلت له الي سار فعرف ان امي غلطانة فقالي خلاص روحي
مثال2:
مرة كنت قعد اشتغل بالبيت واكرف من العصر لي الساعة وحدة ونص الفجر وانا حدي تعبانة والناس صيام الدنيا رمضان نسيت مقلة ما غسلتها وانا رايحة السرير اسمع امي تناديني واشتغلت صريخ فيني ليش ما غسلتي هذا
عقابا لج رح تنظفين المطبخ الحين وتسوين هذا وهذا ( يعني تبي تطيح حظي)
وحلفت ما تخليني انام اذا ما خلصت هذا الشغل كله ولا رح تخليني انام ولا اتهنى بنومي الا لما اخلص كل هالشغل
وانا تعبانة قلتلها باجر اسويه او خلي اختي الكبيرة الي ما سوت شي اليومم الا جم ماعون غسلته عالفطور
جان تتفل بويهي وتفصخ تكرمون ( النعال _ الشوز _ الشبشب_ الحذاء)<<<عشان الكل يفهم
وقامت تطقني فيه طق سنة بساعة ومسكتني من ملابسي وتصرخ علي وطقتني طراقين على ويهي( وحذفتني تكرمون بالزبالة)
وما وخروها عني الا خواتي وانا ما اقدر اسوي شي لان هذه امي حاولت اطلع من البيت على ما يي ابوي ما خلتني ( ابوي كان بالدوانية) وانا من القهر نزل ضغطي واغمى علي من كثر الطق
وطحت قدامها
ويت اختي الي اصغر مني الابنة 3 يمي وتقعدني وتبجي وتقعدني وانا مادري عن خبر كان
وتمر امي وتشوفني طايحة تخيلو شنو قالت( قالت طقوها طراقين عشان تصحى)
تخيلوا مافيها رحمة ولا فز قلبها على بنتها
والابنة 1 السوسة: تقول حق اختي الاصغر مني الابنة3
تقول لها وخري عنها هذه عاقة:-o>>>زادت الطين بله

وراحت الابنة1 ودقت على ابوي وتقول له يبا الحق اختي تهاوشت مع امي عشان بس امي قالت لها اغسل جم ماعون واختي تبي تنحاش من البيت ولما ما قدرت سوت روحها مغمى عليها وكاهي طايحة يمي
وانا ترى مو خايفة عليها انا خايفة على امي<<<الله يالدنيا بدل ما تسير [COLOR=navy]اختي عون سارت فرعون وتزيد البنزين على النار:thumbs_down:[/COLOR]

((والله قهرتني))هذه اختي وتسوي فيني جذي شنو حال الغريب

مثال3:
كنا طالعين مع اختي الكبيرة$الابنة1& وفجاة الابنة1تقول لصاحبتها الي قاعدة يمنا تقول لها: تصدقين انا كل يوم اكتشف ان خواتي زبالة:-o
بكل وقاحة تقولها حق رفيجتها واحنا يمها<< والله ما تستحي بس عشان واحد تحرش فينا واحنا بالشارع سرنا زبالة وانا والله ما عطيته ويه وصدينه لان الشباب ما يهموني انا رضا امي وابوي ودراستي اهما اهم شي عندي وانا افكر لي جدام بمستقبلي مو تفكيري بالشباب
وااخ يالقهر
واهيا والله من اول الطلعة لي اخرها اختي الكبيرة & الابنة1& ورفيجتها عينهم عالشبابويتبسمون ومصخرة<<< على فكرة رفيجة اختي اهيا الي نخربة اختي
وانا كلمت امي عن سوالف رفيجة اختي لما اطلع وياهم بس امي ما صدقتني وقالتلي اذا الطلعة مو عاجبتني لا اطلع وياهم وبطلي تخرفين كلام:-#
شنو اقول يارب حسبي الله ونعم الوكيل وانا والله لما رحت اكلم امي عن رفيجة اختي كنت خايفة على اختي منها بس ماكو فايدة
ورفيجة اختي كل يوم تتعرف على واحد

وانا الحين حيل مقهورة من معاملة امي وابوي يقولي روحي اتاسفي من امج وبوسي راسها بعد سالفة المواعين قلت له : انا ما غلطلت
يقولي : محد قال انج غلطتي ميخالف هذه امج
بس يليت انها رح تحس
اصلا لو رحت تاسفت لها وحبيت راسها رح تذلني وتستغل الفرصة انها تقولي : شفتي اشلون ولا تعيدين هالغلطة ولا لج حساب ثاني ومن هالكلام
وامي من بعد سالفة المواعين واهيا تسوي روحها مسكينة جدم ابوي

مثال:
لما يمر ابوي تقول لي جدامه انتي قلبك اسود حسبي الله ونعم الوكيل انتي ليش جذي
ومن وراه تقولي انتي هيي لا تستخدمين هذه الاغراض هذه من فلوسي روحي اشتري من فلوسك ومن هالكلام


والله اني مخنوقة



اختي تشيش علي اهلي عشان تكسب وتسير اهيا الزينة والكل بالكل والي ماكو احسن منها
وامي تشيش علي ابوي عشان تسويني جادامها البنت الي مو زينة الي ما منها فايدة العاصية وتروح تبكي عنده وتقول له بنتك وبنتك

واذا زعلت مني امي بيوم والله ما تنساها وتنتقم مني انتقام شديد

والي يقهر ما عندي احد اقوله ويوقف معاي
زسالفة الزواج ما اقدر اتزوج الحين لان اهلي ما يبون يزوجوني الحين

يعني مضطرة اقعد بهالبيت :'(:'(:'(
وغير هذا قطعوا علي دراستي ابوي كان خاشلي فلوس حق جامعتي وامي تقول له لا عطيني الفلوس اشتري فيها سيارة احنا محتاجين السيارة اكثر ودخل البنت اي جامعة رخيصة على قد حالنا وخلاص ومو لازم مصاريف زايدة عشان خاطرها

جج مع العلم اني تخرجت ويبت جيد جدا مرتفع
واخذت مرتبة الشرف بعايلتنا لان اول وحدة بالعايلة تييب هالنسبة واهلي ماكانو يساعدوني بالدراسة انا كنت ادرس بروحي
وعلى فكرة لما كانت تشوفني ادرس
تزفني وتتطنز علي وتقولي هدي الكتاب وتعالي اشتغلي بالبيت

ولما تخرجت تتشيحط فيني جدام الحريم عشان يقوللوا ان امها وابوها اهما الي تعبوا عليها وخلوها تييب هالنسبة ووفرولها الجو الدراسي
واهما والله العظيم طلعوا عيني بالدراسة وبالغصب خللوني ادرس واييب هالنسبة بعد عذاب


على فكرة قبل ابوي كان حيل قاسي معاي
بس الحين لا
لان عرف ان امي تبالغ بالكلام وتدور المشاكل والزلة فسار يطنش
بس ما يقدر دايما يوقف معاي عشان لا يقويني على امي

مع العلم ان امي ساعات تكون زينة معانا وتصرف علينا وجذي بس اهيا مزاج

والله يا بنات انا وخواتي نستحي نبوس راس امنا وابونا وما نبوسهم الا بالاعياد
مو لان ما نبي والله لا
بس لان اهما ما عودونه على هذه الشغلات وهذه الحنية فنستحي
لان تعودنا ماكو حنان من هالنوع انا لو احط راسي على ريلي امي تقولي اااي وخري عورتي ريلي بروحي بالغصب قاعدة
فعيزنه واحنا نتقرب منهم
وغيره وغيره
والي يقهر ان دمروا احلا حلم الي تعبت عليه سنين عمري اني ادرس بجامعة :study:زينة وبالتخصص الي ابيه والسبب ان ما خشولي فلوس حق جامعتي <<حسسوني كان اهما ما يدرون اني رح اتخرج واني احتاج ادخل الجامعة
والي خشوه لي مبلغ بسيط ما يعدي سنة للجامعة:'(:-#