قصة ولادتي في البيت اهي اهي

السلام عليكم خواتي العزيزات على قلبي الله يسلمكم كان موعد ولادتي 24\4طبعا بيكون فيه مدارس فانا يلست ادعي ربي واقول ان شاء الله اولد عقب المدرسة وقلت في خاطري ان موعد الولادة مو لازم يكون نفس اليوم عشان جذيه حتى مشى مامشيت بس قمت كل يوم اودي عيالي البقالة القريبة من بيتنا يمكن كيلو بس وعقب اردهموقبل الولادة بثلاث ليالي كان ايني الم باليل بس خفيف وعادي طنشت وقلت بعدة بعيد لا شنطه مجهزه ولا ملابس ولا اوراق يعني كل شي في وادي وفي ليلة الاحد وفي الساعة اربع حسيت الله يعزكم اني ابي اروح الحمام فرحت عادي ورجعت اكمل نوم الا بعد شوي احس انه بلونه ماي تحتي انفجرت وسيدة ركضه على الحمام ولا شو ان كيس الماي انفتح وانا راقده وهاذي اول مرة تصير لي بعدين ريلي قام وراي ويقول شو فيه وانا اقول له مافيه شي بعده في وقت لاني انا اولد في مستشفى الكورنيش وانا ساكنه في بني ياس يعني يمديني اجهز الشنطه وريلي يقولي بنادي امي فيات امه وقالت بس بصلي وبعدها بنروح فعاد يلست اجهز الشنطه وريلي مسكين يساعدني وكل ماتيني الليه اياس اتعصر واتالموبعدين شل ريلى الشنطه وراح يوديها السياره ةالاانا يالسه البس الشيلة وشوي عورني بطني زيادة في دخلت ريلي فيلست اصرخ ولقول له انه في شي نزل وانا اصيح وهو يقول لي انزين شو اسوو فقال لي بشلك فيوم يي يشلني وحط ايده تحت حس انه مسك شي كنه كوره فقال لي شو هذا فقلت له انه هي الراس طلع وانا واقفه واصيح صياح فقام مسكين وخلاني على الكرفايه وقام يصرخ على ولدي هزاع مع انه كان نايم ويقوله روح نادي يدوه مسكين هزاه شاف ابوه يصيح وهو بعد يصيح مايعرف السالفه وانا خلاص منتهيه على الكرفايه الراس طالع ومتعلق فيات عمتي مسكينه وسحبت الراس ونسو يسكرو المكيف فاول ماطلع البيبي كان في ويه المكيف بعدين تذكروا وسكروه وراح ريلي عند حرمه اخوه ويقوله لحقي على فلانه وتركض على الغرفه وهي تقولي هاذي سواه تسويها وانا اقول لهل خلاص انا بموت ووصيتي عيالي وهي تقول بعيد الشر مافيش الا العافيه وانا اصيح عاد المشكله بعدي انا المشيميه ماطلعت وعمتي واخت ريلي وسلفتي يلسو يمسحو على بطني بكمل محد يرد لين ماكمل الموضوع

هلا حبيباتي اعذروني على التاخير مو بيدي انزين وعقب اسمع صوت ريلي وهو يقول حق امه شو اسوي ادق على الا سعاف فقالت له بسرعه شو تتريا وطلع بره الغرفه ويلس يدق عليهم واسمع عمي ابو ريلي يصارخ على عمتي شخبارها شو صاير عليها وعموه تقول له اذكر الله صار خير وشوي دخل ريلي وقال حق امه مافيه الا رياييل في الاسعاف وانا اول ماسمعت ريياييل اقوله لا لا الا الريال مابيه يتكشف علي وعموه تقول حق ريلي ماعليك منها شو عاجبنك انتي بتموتي من ايدنا والبيبي معلق بالحبل السري فدق عليهم الا والله يمكن خمس دقايق الا ووصلو واول شي سووه قصو الحبل السري بعدين شفطو الوسخ اللي في حلق البيبي ولفوه بعدين سحبو المشيمه وفشلاتاه وخزياه وظربوني كم ابره مادري حق شو وبعدين سوو لي مغذي ونظفو لي من تحت وبعدين بسم الله علي ربطوني كني ميته موديني القبر واسمعهم يقولو واحد اثنين ثلاثه وشلوني وخلوني على كرفايه الاسعاف عاد الفشله منو شلني اثنين مسعفين وريلي واخوه وبسرعه بسرعه على سياره الاسعاف وراحت وياي في السيارف اخت ريلي لانها كانت شاله البيبي ولانها تدرس الطب وبسرعه على المفرق مع اني اكره ها المستشفى بس للضروره احكاموسيده في غرفة المعاينه عاد الممرضات شلو البيبي ونظفوه وخذو وزنه يعني شيكو عليه كامل عاد ييي دوري بعدهم يلو يظربوني ابر وريلي فديت فوق راسي ويقول لي يعورك شي قلت له اصلا انا مو حاسه بجسمي مول من التعب والارهاق والااشوف ملابسه كلها دم فراح البيت وبدل وشوي بعد اسمع صوت اخو ريلي كان يايب المشيميه نسوه في البيت وعمي مسكين ورانا يقول لي سلامات سلامات فيات الدكتوره وتقول لي ليش مليت المستشفى تولدين وكانت بلا رحمه حتى يوم انها تخلي ايدها فوق بطني بدون احساس فقلت لها اهم شي فيه خياطه قالت لا فقلت الحمد لله بعدين وصل ريلي وعرفته من ريحه عطره ويلس يمسح فوق راسي وقالي والله اليوم خليتني اصيح يوم شفت هالموقف الرهيب فقلت له مو بايددي وبعدين عشان تعرفو ان رحنا تتطلع واحنا نولد عيالكم بعدين طلعوني فوق بعد غرفه تشييك فقلت لهم الله يخيلكم عطوني غير ها الملابس فشلت العبايه واللي تحتها كامل في الزباله بعدين تميت عندهم ساعه والا الاتصالات بدت مبروك وشوي يطيحو في يالكبشه ليش ربيتي في البيت وها منيه ومناك وانا شوي اضحك وشوي اصيح بعدين ودوني غرفتي فقمت واتسبحت لاني كنت خايسه وعد ريل يالس فوق راسي صيحتني اليوم يوم يلستي تقولي هلا هلا في عيالي وانا اشوفك تتالمين وتميت يومين وبعدين طلعت وقبل لا نطلع فالو لنل والله نبى نعرف السبب ربيتي في اليت اونه قصدهم يمكن ولد حرام استغفر الله فيلس ريلي يقول لهم كل شي استو بسرعه بسرعه وبعدين اعتقونا ونزلنا فقال لي ريلي اذا خلتيني اسمي الولد على كيفي بعطيك هديه فقلت له معروفات هدايا الحريم الذهب والا التلفون فقال لا هذا ولا ذاك قلت له اوكيه فسماه حمدان ورحنا البيت وتعرفو شو حصلت الهديه شو تتوقعو عقد ايجار شقه لانا احنا ساكنين ويا اهله في غرفه وحمام الله يكرمككم فطرت من الفرح وفي فتره الاربيعين قام هو اخوه يجهزو الشقه وخلصت الاربيعين وسيده طيران على الشقه الحمد لله ويه حمداني خير ورحنا الشقه وارتاحت نفسنا والحين ريلي دووم يقول حق حمداني انت اللي نزلت دموعي ووايد يحبه وتوته توته خلصت الحتوته وعمر حمداني الحين ثلاثه اشهر واسبوعين