شــــــــــــــوارمـــــا العجل
رمضان كريم وينعاد علينا وعليكو بهداة البال
هالطبق عملته قبل رمضان بكم يوم ومغدرتش انزله بالمنتدى
المقادير:
1 كيلو غرام لحمة شوارما 
ملح (حسب الرغبة)
معلقة زيت زيتون
الطريقة:
في طنجرة بنحط معلقة زيت زيتون وبنترك الزيت يسخن شوي وبعدين بنضيف لحمة الشوارما وبنرش رشة ملح وبنغطي الطنجرة
بنحرك اللحمة كل خمس دقايق وبنرجع بنغطي الطنجرة
رح تشوفوا انه رح ينزل مي من اللحمة
خلال هالوقت وعلى بين متستوي اللحمة بنحضر صحن طحينة ( بنحط طحينة بالكاسة وبنضيفلها ليمون وملح وبنحركهن وبعدين بنضيف شوية مي باردة وبنحرك)
انا بحب مع الشوارما اقسم بندورة
وكمان بقسم بصل جوانج وبرش عليه سماق
وممكن كمان نحط عنبر بكاسة للي بحب
مدة طبخ الشوارما حوالي ساعة وعلى نار متوسطة
اذا المي نشفت فالمفروض انه اللحمة استوت ( في حال كانت اللحمة بعدها قاسي بنضيف شوية مي وبنرجع بنغطي عالطنجرة)
الطبخة كتير سهلة والذ وأنظف من اكل المطاعم
ملاحظة: اذا اللحمة مكنش عليها بهار شوارما بنضيفلها معلقة بهار كبيرة.
