حامل ومرضع وصائمة في نفس الوقت.. ساعدوني

عزيزتي بنتج ما تاكل وجبات اضافة للحليب؟

حاولي تعوديها ع الوجبات

هلا حبيبتي أني صادني مثل الشي بس مو في رمضان يعني كنت حامل وبنتي عمرها 5 شهور
وطبعا سألت الدكتور وقال عادي انك ترضعينها لما توصلين للشهر ال9
لكن اني خليتها ترضع لما كملت 11 شهر بس وفطمتها لانه بعدين بتعب وااااااااااايد وخصوصا لما بولد وبترقد في المستشفى من بيقدر يجودها وهي ترفض الصناعي

فقررت اني أفطمها وطبعا قبل لا أفطمها أول شي تميت أنقص عدد الرضعات
طبعا قبل كانت أي وقت تبغي أو تصيح على طول أرضعها
بس بعدين لا قمت أعطيها بس مرة الصبح ومرة الظهر وقبل لاتنام
وشوي شوي تركت رضعت الصبح وبعدين الظهر
وتميت بس أرضعها قبل لاتنام
لما فطمتها
طبعا يبي له صبررررررررررر من قلب لانه على طول صياح صياح :'(:'(
وبعدين تميت أخلي لها عصير في الرضاعة لانها ماتحب شي اسمه حليب


وأما المخاطر اللي على الام من كثر الرضاعة وبعد الحمل ينقص الكاليسووم في الجسم
وكله احساس بالآم في اليد والرجل في العظام
فلازم تاخذين أشياء فيها كالسيوم يعني تشربين حليب لبن روب جبن عشان تعوضين الكاليسوم اللي تفقدينه

والله يوصلج بالسلامة :thumbs_up:

الله يساعدش خيو حاولي تفطمينها بالتدريج

والله بيساعدش ويثبت لش يارب

هلا اختي الف مبروك عالحمل مع انه متعب بكون لج لأن بنتج صغيرة بس اللي ابي اقوله اضافة على اللي قالوه خواتي لازم تفطمينها بالتدريج واشبعيها بالأكل حتى تكتفي ويكون سهل عليش الفطام لأني سمعت والله العالم ان حليب الأم اذا حامل يفسد فيضر الطفل فالأفضل افطميها مع ان في كتيبات المستشفى عادي الرضاعة اذا حامل بس اعملي بالاحتياط احسن
والله يسهل عليش ويثبته لش ويخلي لش بنتش يالله يا كريم

10 شهور المفروض بتاكل وجبات

المفروض كمان تفطميها بالتدريج

طبعا ما فى اى مخاطر عليكى ولا على البنت

اختي انا فطمة بنتي عمرها سنه وثلاث شهور حاولت افطمها واهي عمرها 5 شهور لكن تمسك الرضعه وتحذفها بالارض تسويلي لا تكسر الخاطر كملت لين صارت سنه وثلاث شهور ليس لاني حامل لكن تعبت والرضاعه خاصه بليل سببتلي الام بالرقبه ماعملت لها لاتدريج برضعات ولاشي لان كان لزم افطمها باسرع وقت وثلاث ليالي ماشفت النوم والراحه بليل تقوم تبجي احطلها برضاعه عصير واسويلها اكل واعطيها شوكلت تاكل وتشبع ولكن تبجي على الحليب وتدور وانا حاطه حنه وهي تشوف وتسكت وبعدين ترجع وتبجي وانا ابجي معاها والحين ماترضع رضتها او ماتقعد بحظني لزم ايدها ماسكه صدري يااااااعمري ماكان ودي افطمها لكن اظطريت

انا انصحك انك تفطمينها بتدريج عوديها على الرضاعه حطيها فيها ماي عصير شوي شوي يبي لها حليب كاكو حليب فراوله حليب موز وان شاء الله تفطمينها وربي يتمم لك حملك وتولدين بالف سلامه يارب