ساعدوني يا امهات

الحمدلله على سلامتج اختي و يتربى في عزج المولود الجديد

وبالنسبة للحليب ففعلا انه يجف من الشفط

انا عانيت مع ولدي في سالفة الشفط والرضاعه كان لما ينام اشفط له ولما اخلص اهو يقعد وماكنت ارتاح ابد

وبقيت 4 شهور وبعدين جف الحليب بروحه

بصراحة معاناه ما انصحج تجربين الي جربته

حاولي كذا مرة معاه

ابحثي في النت عن هاي المشكلة لان اكيد حريم وايد عانو مثلج

او شربي ماي وحليب بكثرة واكلي الاشياء المفيدة مثل الفواكة والخضروات والشوربات والحلبة

واكلي رهش وكاكاو

والله يكون بعونج

الف مبروك ع المولود الجديد....................زجعله الله من ذريته الصالحة

انا مثلج الغالية ....اول ما ولدت بنتي ما قدرت ترضع من صدري فاضريت اشفط لها اسبوعين بعدين وقفت لان الشفط يجف الحليب ...اما الحين الحمدلله ترضع من صدري...كملت شهر وشي....والحين يحليلها تعاني من الغازات ...فقمت اعطيها نعناع مرة وينسون مخلوط معاه سكر نبات بليل....والحمدلله صحت ...بس الغازات لازم تروح وتجي ...لين 4 شهور

فحاولي انج ما تعطيه مرضعه لين اتخلصي 40 ....والله يتمم ع خير

اختج ام روان

الله يعطيكم 1000 عافية و الله استفدت واااااايد من كلامكم
بس و الله تعبت من كثر اني حاولت بس دون جدوى

ألف مبروك المولود الجديد ويتربى في عزك انشالله ، أني بعد جربت الشفط لما يكون ولدي نايم وصار ليه فترة مارضع أقصد لما يتجمع الحليب في صدري وصراحة ماكنت أحفظه ليه لأني ماكنت أبغي أعطيه رضاعة في بداية الأيام كنت أشفطه وأكبه المهم الشغلة مزعجة شوي مع اشوية ألم وبعدين كمية الحليب اللي تطلع ما تساوي تعب الشفط ! ! المهم حاولي انش تجوعينه اشوي عشان يرضع وابتعدي عن الشفط الا ادا كلش رفض صدرش وانتين موناوية تعطينه صناعي والحليب اتوقع صح كلام الأخوات بيتوقف الله لايقوله لأن الصدر يدر الحليب كلما قام الطفل بالمص ويتوقف كلما توقفتي عن ارضاعه والدليل ان كلما كبر الطفل وقلت ساعات رضاعته كلما صغر حجم الثدي وقل فيه الحليب الى أن يتوقف تدريجيا بانتهاء مرحلة الرضاعة المهم انتين حاولي تبحثين في النت عن الأشياء اللي تدر الحليب وادعي ربش ببركة هاالشهر مع الاستغفار انه يرجع يرضع من عندش والله انشالله مابيخيب رجائش . .

انا صديقتي بعد في البدايه عانت ويا ولدها ما كان يرضى يرضع بس بعدين تعود انصحج بعدم الشفط مع الوقت بيتعود وبالتوفيق

انا ولدي كان رافض يرضع من صدري
ومع الشفط جف الحليب قبل لا اكمل الاربعين

فنصيحتي لج حاولي معاه من الحين احسن

مشكورات خواتي على نصيحتكم
انشاءالله بسوي و بحاول مثل ما تقولون
جزاكم الله 1000 خير

انا كنت أعاني نفس الشي مع بنتي.. لما احطلها الحليب بالمرضعه عادي تشرب بس لما ارضعها مباشرة من صدري ما تريد و تصيييح فخذيت لي الحلمات الصناعيه اللي ينباع في بيبي شوب و مذركير .. على بالها مرضعه!! المهم بعد فتره صارت تشرب عادي من غير الحلمه الصناعيه
عن نفسي كرهت الشفاطه و حسيتها ما منها فايده و غير كذا ما تطلع حليب زين و تألم أغلب الأحيان..

الحمدلله عالسلامة اختي

انا مثل مشكلتج والحمدلله انحلت ......انا عندي حلمات صدري صغار واستخدمت ربل من الصيدلية وساعدني وااااايد في الرضاعه في البداية تغربلت كلا اشفط وصار الحليب قليل عندي والحمدلله الحين اوكي ......

شوفي شنو مشكلتج وعالجيها اوكي اختي ........وعليج بشوربة العدس ..والحليب وااايد زين وعندج الخضروات الورقية وااايد يساعد على زيادة كمية الحليب

البنات ماا قصروا

طولي بالك وحاولي معها دايما
اغلبنا كذا اول اسبوع او ابوعين نعاني على مالطفل يتعود على الرضاعه
والله يخلي لك البونته

اول مره ادري ان الشفاطه تنشف الصدر

انا شريت ماديلا بعد و جربتها جم مره بس في فتره الاربعين و قطعتها لاني تمللت

يبيلي اقعد لي نص ساعه عشان اشفط 3 شرطات

الحمدلله على السلامة
ابتعدي عن الصناعي حاليا وحتى لو ظل يصيح اعطيه صدرك ماعليك منه ومرة ومرتين بيتعود اعطيه هالة صدرك المنطقة السوداء يعني مو بس الأطراف لانه حاليا صعب يمسك علشان مو متعود والصناعي بيحسه اسهل بالمص خلي عندك صبر وطولة بال ادخلي غرفة لوحدك واجلسي على كرسي مريح وسمي بالرحمن وحاولي
صادف لي ببكري وكنت بيأس بس اصرت عليي وحدة من الأهل وكنت وقتها اصيح والحمدلله تعودنا انا والبيبي

عن تجربه ويسمحون لي العضوات ما قريت ردودهم

حليبي قليل بس اختي ما شالله واجد وكثيف بس بنتها ما تشرب عدل لكن استخدمت الشفاطه لاحطته يوم بعد يوم اقل

في البدايه خصوصا اذا كان بكر الام ما تعرف ترضع عادي الشي كنت جدي ماعرف ارضع والجاهل صغير ما يعرف امص في الاخير استسلم واصيح
لا تعطينه صناعي وتنفخين بطنه من الغازات ولين بديتي ترضعينه لا تخلين بس الحلمه داخل لا المنطقه البنيه تقريبا دعسيها في بوزه لان الحويصلات اللي تطلع الحليب اتكون فوق الحلمه كل ما عصر لروحه في المص يطلع حليب اكثر ما كنت ادري الدكتوره واني علموني وللهلم كثر مص الطفل للحلمه اجرحها

الله يعطيكم 1000 عافية
مشكورات خواتي على نصايحكم
و الله لين احين يالسه احاول معاه...بس دون جدوى
بعد بحاول و انشاءالله يسير خير