شلون ادلع زوجي؟! وانا خجووووولة لآخر الحدود

يمكن حبيبتي تبدأي بكتابة كلام الغزل في رسالة ..

أو على مرأة الحمام ..

أو على الصابون ..

................... الوقت و العشرة بينكم بتذوب حاجز الخجل .........................

فعلا الكتابة اسهل من الكلام بواجد
شكرا اختي على النصيحة وان شاءالله تذوب كل الحواجز
تحياتي

انتي حبيبتي اول شي شيلي فكره الخجل من بالك نهائيا
ولازمـ تتعودي ومثل ماقالو ابدي بالكتابه على مرايا اي كلمه حلوه مثال في الصباح اصحي قبله واكتبي صباح الخير ياحبيبي وانتي خليكي برا الغرفه لاتدخلي او رساله ع جواله غزليه وحلوه او او او مثل كذا
والله يهنيكم ان شاالله

لازم تتعودي وتقوي قلبك
هذا زوجك يعني حلاااالك واذا ماسمع هالكلام الحلو منك ... من مين يسمع ؟!!! بقى لا تستحي وحاولي بالتدريج مثل ماقالوا البنات
و انتبهي الرجل مثل الطفل يدور على الكلمة الطيبة والمعاملة الحلوة والدلاااااال فاذا مالقاه عندك يدور عليه ؟ وفهمك كفاية
وربي يسعدكم ويوفقكم دووووم

شوفي حبيبتي انا مثلك في الخجل وكمان زوجي بس ابدع بنواحي اخرى في الافكار والكتابه لحد الان استحي في نطق الكلام احلو بس اعوض باشياء ثانيه
لما ارسل مسج اكتب كل الي بقلبي
واحيانا اكتب ورقه واحطها بشنطته لما يروح العمل ومرات تحت المخده وكل مره في مكان جديد

افكار حلوة اخواتي واني احاول اخفف من خجلي شوي
وتدرون اذا هو مثل الشي يستحي احس روحي اكلم الهوى يعني اذا اقوله كلام ما يرد علي بكلام نفسه احسه ما يبينا نتعود نقول كلام حب وغزل لبعض
الله يعيني على دلعه لان هو عنيد شوي بعد :)
شكرا حبيباتي على نصايحكم ما قصرتو

حبيبتي (انتهى المشوار ) اذا كنتي توك متزوجه عااادي حبيبتي أنا كذا مثلك شوي شوي لين تعودت لاتخافين مع الوقت راح تتعوديني وأزود أيضا على إضافات البنات مثلا :اذا كنتي بالمطبخ نادى عليه بصوت عالي قولي حبيبي أو حياتي أو.......أو.....أجيب لك معاي شي ؟وأيضا رسائل الجوال اذا كنتي عند أهلك أرسلي له مثل (ياعمري أنت) أو اذا كنتي عند أهله ودخل بالغرفه اللي أنتي فيها مثلا يسلم على أمه أكتبي له رساله مثل (أنت قمريافلان ) وان شاء الله وباذن الله راح تتعودين عن قريب

..يا حياتي الله يوفقكــ ويسعدكـــ..

مشكورين الف الف شكر اخواتي العزيزات والله يوفقكم
الا بسألش اختي السكبه انتي زوجش يشجعش يعني تحسينه يبادلش نفس الكلام اذا قلتينه ليه لان اللي عندي كلش ما يشجع ويستحي يقول هالكلام
اعتذر اختي على التطفل بس مجرد سؤال
تحياتي

لا حبيبتي لاتعتذري ولا شي أنا تحت أمرك ..............لاحبيبتي أنا زوجي بالعكس يشجعني يعني من أول كنت أنا استحي لين هو خلاني أتعود على كذا .....بس صدقيني مع الوقت هو راح يتعود عليك أنتي بس قوليله هالكلام الحلو وبعد فتره راح تشوفينه يقولك كذا ويتعود عليه وانتي بعد راح تتعودين عليه واذا بغيتي حبيبتي مساعده أو شي قولي لي أنا معك حبيبتي

ان شاءالله اختي مشكورة ما قصرتي الله يوفقك وييسر لك كل امورك بحق هذا الشهر الفضيل آمين
واني بسوي نصيحتش ان شاءالله
تحياتي

العفو حبيبتي .....وزي ماقلت لك اذا إحتجتي شي أنا بالخدمه

اختي انا ياما قلت له كلام حلو وما شفت اي ردة فعل منه
يقول انا ما اعرف اقول كلام حلو وهو حتى مديح ما يمدحني قدام الناس واذا كنا بزيارة لبيت اهله او شي يقعد بعيد عني
اني بصراحة بديت اتضايق من الموضوع لان حتى إطراء او مدح ما اسمع ولا حتى مجاملات :thumbs_down:
ما صار لنا الا سنة من ارتبطنا وحاسة بالاحباط لان ما تدلعنا ولا حسيت بدلع البنات للأسف :( حدي مضايقة ابي احس بالدلع والغنج والدلال افتقد كل هالاشياء
شكرا اخواتي على نصايحكم وان شاءالله يتغير للأفضل ويقول لي كلام حلو

اتمنى انك تستفيدين اختي الغالية من نصايح الاخوات الغاليات بس و الله شكلها هالمشكلة صايرة زايدة هالايام لاني اعاني من الموضوع نفسه

انا عن نفسي حاولت اني اسحب منه كلام حلو عن طريق ارسال رسائل على جواله و الرسائل تكون على شكل اسئلة رومانسية و هو يجاوب عليها بمسج او يقول كلمة حلوة و الحمدلله شفت اللي ابي اسمعه :)

عندك ياعمري تكلمه مره هو في الدووم تتعزلي فيه من حبيبي عمري وينك يبعد عمر ترجع باسلامه ياقلبي

ان شاءالله قيد التنفيذ
قاعدة احاول بكل الطرق وان شاءالله اسمع اللي ابي اسمعه في الاخير
شكرا اخواتي على نصائحكم
تحياتي

في البدايه أرسلي له كلمة أحبك رسالة جوال وبما إنه خجول وتبين تسمعين كلام غزلي منه أسأليه وكأنك تستفسرين يعني قولي له اليوم جتك رساله مني بيقول إيه وخلي عينك بعيد عنه يعني مثلا سوي نفسك ترتبين الكنب أو السرير أو أي شي وقولي وش في الرساله ؟؟ وهو بيقول أحــــــــــــــــبك وإذا سمعتيه قال الكلمه ع طول فكي إللي بيدك وردي عليه بإحساس وأنا والله أكثـر(حاولي تكون حركة عيونك بطيئه وأنتي تردين عليه ع شان يحس إن كلامك طالع من قلبك ولاتنسين تحطين الماسكار ع شان تضبط الحركه ).. صدقيني الحركه هذي ماراح ينساها وبتعجبه كثيييييييييييييييير وشوي شوي بتاخذون على بعض بس لازم واحد فيكم يبتدي يعني مثلا وضحي له حبك له من خلال الإثناء عليه وكلمة الله لايحرمني منك ,, تسلملي يالغالي ,, إذا جاء وحسيتي إنه تعبان بيني له خوفك عليه وهو بس يحس بحبك له غصب بيروح الخجل وبيطلع الكلام الحلو والله يديـــــــــــــم المحبه بينكم ..