النصيب

والله حبيبتي من راي طنشي اذا الله كتب لج نصيب بتاخذيه بتاخذيه مهما كان وما بتخسري شئ عادي دشي المقابله وشوي الريال واذا عجبج استخيري والله كريم

بعد كل شي مقدر ومكتوب يا اختى وسعي صدرج ولاتضيقين خلقج على هالشي ، اذا الله كاتب لج الزواج بتتزوجين ، انا صديقتى جذي تقدمو لها ناس بس في المقابلة اذا عرفو ان عندها ماجستير مثلا يطلعون وبعد مايرجعون . ووحده ثانية اعرفها اهم بخير وفيلا وسيارات كشخة وخدم لكن مايتقدمون لها بسبب مستواهم المادي . الحين الناس على تمشى على الظاهر بس مايعرفون شنو باطن الامور

والله يسهل لج ونفرح فيج

كل واحد ما ياخذ الا نصيبه

نون والقلم;12924194:
بعد كل شي مقدر ومكتوب يا اختى وسعي صدرج ولاتضيقين خلقج على هالشي ، اذا الله كاتب لج الزواج بتتزوجين ، انا صديقتى جذي تقدمو لها ناس بس في المقابلة اذا عرفو ان عندها ماجستير مثلا يطلعون وبعد مايرجعون . ووحده ثانية اعرفها اهم بخير وفيلا وسيارات كشخة وخدم لكن مايتقدمون لها بسبب مستواهم المادي . الحين الناس على تمشى على الظاهر بس مايعرفون شنو باطن الامور

والله يسهل لج ونفرح فيج

كلامج صح اختي وفعلا هذا اللي يصير لي ولا ومن اقول بواصل ماجستير يصير نفس ما قلتي

شكرا خواتي على ردودكم فرحني مروركم وشكرا على دعواتكم كلكم وحصوصا نون والقلم حسيتج فهمتي الموضوع عدل

فديتج والله الصراحة سالفتج هينة ,, انتي بس هونيها وبتهون وترى المسألة بسيطة ولا تعقدينها وايد :D

انتي اهم شي لا تفكرين بالموضوع الله يهديج الزواج قسمة ونصيب لا بيت ولا سيارة بتوقف في طريجج اذا الله كاتب لج الزواج بصير بس انتي لا تفكرين بالموضوع وتخلينه مصيري بالنسبة لج عاد ,, والمسألة ماتحتاج شي وثانيا الاوادم الحين جذي من يجوفون البنت اعلى من المستوى يرفضون كله خايفين من المصاريف والمعاير ,,

وبعدين لا تفكرين بالزواج وايد ولا تفكرين بهالموضوع عيشي حياتج وتهني بشبابج واللي الله سبحانه وتعالى كاتبه بصير ,,

وبعدين بطت جبدي شغلة ,, اعنبوا شهالثقالة والوقاحة يسألونج من وين لج ذي ومن شرا لج ذاك :| يه توه ياي بعد :confused:

انا عمري مادشيت مقابلات لكن اذا جفت احد متقدم لي ويسألني من وين لج ذي ومن وين لج ذاك بطرده الصراحة ,, احسها وقاحة ومو ذوق كلش ,, وانتي لا تتحسفين ولا تفكرين فيهم ,, نطري الشخص المناسب يدق بابج وتوكلي على رب العالمين

وموفقة ان شاء الله F:

لا تفطرين اختي
وخلي نفسج عاااااااااااديه
وبيني لاهل الشخص المتقدم انج انسانه عاديه

فديت قلبج
في بيت ابوي حياج الله اختى ويسعدني اني قدرت اخفف عنج يابعد عمري بس بقولج شي هذى مو مشكلتج اختى ترى في ناس تفكيرهم سطحي وايد وفي ريايل وما اكثرهم مايحبون ياخذون مرة احسن منهم في شي لا دراسة ولا مستوى مادي بعدين يحسون بالنقص على بالهم ان الاشياء الدنيويه بتخلق لهم سعادة وعلى فكرة اعرف وحده حافية منتفه والله في بيت ابوها مستواهم عادي واقل من عادي يتقدمون لها بس لما تزوجت ، عذبت ريلها من الطلبات كانها مو شايفة خير من كثر ماعاشت الحرمان في بيت ابوها تبي تطلعه في بيت ريلها وتشوفينها تشتري الشي اللي تبيه واللي ماتبيه بزياده وكله في الاسواق وحياتهم كله ديون . يعنى هذى النوعيه من البنات موجودات والريال لما يتقدم لها يقول هذى بترضى بالقليل وبتعيش معاي على المرة قبل الحلوة وينسى ان القدر مو بيده وان الموازين ممكن تنقلب وان هذه المرة احتمال انها تكون متطلبة اكثر بوايد من المرة اللي عايشة مستورة في بيت ابوها .. يعنى هذى الدنيا
وعلى فكرة الانسان غنى باخلاقه ونفسيته وبأدبه وياما ناس عندهم خير بس ماغيرتهم الفلوس والشهادات ، لانهم متربين على الاخلاق الطيبة ، وياما ناس ماعندهم شي لا فلوس ولا شهادات بس اخلاقهم زفته والعكس صحيح ، يعنى هذا مو مقياس بس السطحيين يفكرون جذي
وتاكدي ان نصيبج بييج في وقت اللي الله يكتبه لج واللي يناسبج وعسى الله يوفق الجميع

شكرا خواتي محرقيه من قلب و نون والقلم ردكم منطقي وخليتوني خلاص ما بفكر لانه كلامك صح الله يجزيكم خير

الله يفتح نصيبك ، وتتزوجي الي تستاهليه ويستاهلك

بس بقولك شي لا تتندمي على شي الله اصلا ما كتبه لك

لان هالشي الله صرفه لخير لك رغم ان هالشي يكدرك ،

بس تذكري ان الله ما بينساك ، والحين فكري شلي ناقصك ببيت ابوك

معززة مكرمة ، ما انكر ان البنت تحتاج الشي الثاني ، لكن مثل ما اقولك

يمكن هالشي خيره، اصبري واحتسبي ...

الزواج قسمه ونصيب

انه مثل حالج

وصار لي مثل ما صارلج بالضبط


تقدم مره لي شخص قال لي انه ما بقدر اوفر لج المستوى الى انتى متعوده عليه!! بس لانه شاف البيت وسيارتى

معنه انه ما شفت لا بيتهم ولا سيارته

وقام يسال اساله غريبه

كلها تتكلم عن ماديات ومستويات

انه احنه كذا وانتوا كذا

ومره تقدم لي واحد غير من شاف المستوى قام يقول لي انه كنت اتمنى البنت الى اتقدم لها مستواها اقل بواااااااايد من جذي؟؟ استغربت انه بصراحه!! سالته ليش!! قال عشان ما تكون متعوده علي عز وتتطلب واااااااااايدّ!! شوفي تفكير البعض شلون

بس لو كان الشخص من نصيبج لو شنو كان بتاخذينه

والله يوفق الجميع

الله يرزقك الخير حيث كان