كيف تعلمين طفلك دو الثلاثة أعوام الأشكال والألوان في وقت واحد ؟ !

اليوم حبيت أشارك بموضوع بس ياريت ألقى تفاعل :thumbs_up: من خصائص الطفل دو الثلاثة أعوام سرعة الحفظ وبهدا تستطيع الأم استغلال هده الخاصية لتعليمه عدة أشياء في وقت قصير وبأسهل طريقة :-o قبل كل شي لما فكرت في هدا الموضوع رجعت بي الداكرة الى أيام الدراسة :study: وياحلوها من أيام الأكاديمية وبالمناسبة أرسل تحية لكل زميلاتي المقربات حتى اللي انقطعت علاقتي بهم بانتهاء الدراسة وحتى اللي مايعرفون أني عضوة في هاالمنتدى الرائع F: المهم هدا نشاط تعليمي كنا دائما نستخدمه كمثال لسهولة توفره عند أي كان ولسهولة تطبيقه حتى لغير المتخصصات بتعليم الطفل :worn_out: ( تعبتون من المقدمة الطويلة العريضة صح ! ! ) النشاط : تحضر الأم صورة سيارة من احدى المجلات وتعرضها على الطفل قائلة : ماما شنو لون السيارة فيجيبها الطفل مثلا أحمر ومن المهم أن تكرر الأم اجابة الطفل أو تعليمه الاجابه الصحيحة لتركز في داكرته، صح أحمر بعدين تسأله شنو لون التاير ( العجلات ) فتخبره لونه أسود وتطلب منه أن يكرر وراءها أسود بعدين تسأله شنو شكل التاير ؟ يعني توضح ليه التاير مثل شنو مثل ( الربية ) أو العملة المعدنية بعدين تخبره التاير شكله دائري وتجيب ليه أمثلة ( الكرة ، البرتقالة . . الخ ) وتطلب منه تعداد أمثلة دات شكل دائري وبعدها تقول ليه تعال نعد كم تاير في السيارة وتبدأ العد والطفل يكرر وراءها 1، 2 ، 3 ، 4 وبهدا يكون الطفل تعلم الأعداد والألوان والأشكال في وقت واحد بس بعد لاتشوشون الطفل تقدرون اتأجلون شكل أبواب السيارة وعددهم لوقت آخر . . ادا عجبكم الموضوع لاتنسون التقييم :thumbs_up: