ارجوكم ساعدوني....

هلا يالغلا..

تو كتبت رد لموضوع قبلج اقتبست ردي

يااعمري عليج

الله يساعدج هالفترة الين 3 شهور

ابعلمج سالفتي

اول ماطلعت من الاربعين رحت بيت اهل زوجي
وكان ولدي يصرخ من العصر لليل وانا خلاص

فيني الغبنة
اول مرة اطلع من طلعت من الاربعين
والولد يصرخ ماني عارفة شسوي معه

تالي اخذته مرت حمااي
ولانها من عايلة لها خبرة في المراخ وكذا

وعلمتني

فتحت الحفاظ وبدت تضغط خفيف على السر وحوله في الاربع اتجاهات
تتحسس مكان تجمع الغازات..
وخلتني اجيسها انا بعد

وبعدين تحرك بشكل دائري باتجاه حركة الساعة بالصلاة على محمد وال محمد

طبعا مسحته بشوية زيت الورد <<< ملين رااائع

وهدأ على طوووول

يمكن استمرت دقيقتين او 3

طبعا وانتي تسوي كدا تكوني تحركتي الغازات في بطنه مما يسهل خروجها
تاالي مسحت منطقة المؤخرة بشوية زيت

عشان لو كان عنده امساك
تكون المنطقة لانت بفعل الزيت ويعملها بسهولة

وقالت لي بعد شوي ان شاء الله بيعملها في الحفاظ

المهم هي لفته باللفة وناام بعد تعب الصياح

ورجعت بيتنا

وبمجرد دخولي البيت الا اسمع ذيك الاصواات خخخخخ

تقريبا نص ساعة من بعد المساج

وصرت اسوي له كدا كل مرة

والحمد لله ألف مرة انها علمتني..

بس لو كبر علاووي وجيتي بسوي له كدا بيغار وبيضحك خخخ<< ولدي في نص صياحه ابي اسوي له مسااج يغار ويضحك خخخخ

وان شاءالله امومة سعيدة

تحياتي لج

اما بالنسبة لج

حاولي تبتعدي عن الاشياء الي تسبب لج غازات
انا لما كنت تو والد وتأذيني الغازات
احاول اصوم روحي عن الاكل

واشرب عصيرات بس
لمدة نص يوم او يوم

وانظم اكلي
وابتعد عن البقوليات وكدا

والله يعطيك العافية ويقومك بالسلامة

كلام ياقوت صح وجربي فكرتها وانشالله تنجح وياش والأهم انش تبتعدين عن كل شي يسبب غازات ( البقوليات ، المكسرات ، الطعمية ، البيبسي ، البيض .. . ) اكيد انتين عارفة شنوتاكلينه ويسبب ليش غازات ابتعدي عنه أريح ليش وللبيبي حتى لوتحبينه أحسن من السهر والبييبي يصير الضحية طول الليل يعاني وتعانين وياه ! والأهم لاتشربين المشروبات الشعبية ( زموتة ، حندبان ، ....الخ ) لأ،ها ساعات صح تريح الطفل بس انتين لما تشربينها تهد البطن ( وانتون كرامة تجيب اسهال ) والطفل كل شوي يبي يرضع في هالسن فما ينفع تشربنها لأن لو احتجتين للحمام بتظطرين تتركين البيبي وهويرضع ! ما عليش من اللي يقول عشان ينزل ويا الحليب أنا سويتها وكانت نصيح فاشلة من احدى قريباتي ادا كان ولابد اعطيها الطفل مع تخفيفها بالماء .

الاخوات ماقصرروا

جربي له ماي الحلوة والحندبان والمررقدوش للاطفال واليانسون
خفيفهم بالماي وضيفي لهم شوية نباتة وخليهم في الرضاعة
وراح اطلع الغازات من بطن البييبي

واني اسوي جذي لعيالي من أول مايولدون لما يكملون 3 شهور

وأعطيهم بعد شاي بالاعشاب للاطفال من ميلوبا ترريح البطن وتمشيه وتخفف من الغازات

واني مثل ماقالو البنات حاولي تخففين من المشروبات الغازية والبقوليات والسوالف اللي تسبب الغازات

وماعليه شر

جزاكم الله كل خير ويريح بالكم\\

اشكركم من كل قلبي

الله يحفظكم