رمضان كريم
النهاردة هنزلكم طريقة السمان المحشي هو يشبه الحمام شوية
كنت اول مرة اجربه بس طلع جميل
المقادير
طبق سمان ((فيه 4 قطع ))
ملح وخل وليمون لغسل السمان
التتبيلة
1م صلصلة طماطم
رشة من ملح /فلفل اسمر / قرفة /بهارات /كاري / كسبرة
1 م زيت
1/2 ليمونة
الحشو
كوب ارز
بصلة مفرومة
كبد وقوانص دجاج حوالي كوب
لحمة مفرومة 3معالق كبيرة
ورق لورا / قرفة / فلفل اسمر /كاري / ملح /كسبرة
الطريقة
اول حاجة بنغسله كوويس اووي وننقعه في ماء وملح وخل
بذبل البصلة شوية في 1م زيت و1/2 م زبدة
بعدين بحط الكبد والتوابل واحمرهم شوية مع البصل بعدين نضيف اللحمة المفرومة
بنضيف الارز المغسول ونقلبه مع البصل كوويس لحد ما يتقلب كوويس مع الخلطة
بنضيف ماء دافيء بحيث يغطي الارز
واول ما يشرب المية بنوطي عليه خالص لحد ما يستوي
بنشطف بقي السمان كوويس ونجهزه للحشو
علي ما الارز يستوي بنعمل التتبيلة اللي فوق ونهن بيها السمان كوويس من جوه ومن بره ونسيبه لحد ما الارز يستوي
بنجهز الارز ونحشي السمان ونخيطه كويس بالخيط ونسد الفتحات بعدين نرجع نلفه بالخيط كوويس زي ما بنعمل بالعرق عشان مش يفرقع في الشوربة ونشطفه كويس بالميةمن بواقي الارز
بنحطه في ماء مغلي + ورقتين لورا وففص حبهان وفلفل اسمر وملح وبصلة متقطع اربع ارباع وطماطامية متقطعة نصفين بنحطه علي ظهره
لما يستوي بنحطه في مصفاة عشان ينزل كل السوائل
بنحمره في زيت سخن من كل الجوانب ولما يتحمر نشيل الخيط من عليه
وهنا الشكل النهائي بس ملحقتش اصوره بعد ما قدمته مع الارز لاني كنت مستعجلة جدا وكان ناقص اصناف كتير معلمتهاش
اقرب
