عدم ثقتى غيرت خطيبى معاى

اخواتى بنات عروس
الحقونى انا تعبت من التفكير انا بصفة عامة ثقتى فى نفسى ليست كافية و للاسف خطيبى عرف كدة من كلامى معاه و احيانا افتح مواضيع مالها مناسبة عشان اسحب منه كلام مثلا عن ماكان فى خياله لفتاة احلامه و فى الاخر اقوله يعنى انت مو معجب بى يبقى هتتزوجنى ليه
انا مضايقة من نفسى جدا لانى عملت الغلطة ديه اكتر من مرة و اخر مرة قلتله يبقى انت هتظلمنى ان ما كنت معجب بيا و هو ما قال كدة لكن ركز على كلمة هتظلمنى قالى لا اظلمك ازاى طبيعى مافى حد بيحصل على كل ما يتمناه
انا غلطت انى عرفته و بينتله بشكل كبير انى غير واثقة فى نفسى
و حصل موقف زود عدم ثقتى و قلقى من ناحيته و ده اللى خلانى افتح معاه الموضوع الغبى ده اخر مرة
الموقف هو انى كنت خارجة معاه و لللاسف مع انى كنت عاملة وجهى بالفتلة الا ان كانت هناك شعرات فى خدى و لم اراها للاسف و هو راها و ركز و قالى ايش هذا و بعدين سكت و لم يعلق
انا اهتزيت اوى و كنت ابكى من جواى ازاى ما شفت هده الشعرات قبل ما اخرج و انا الشعر عندى بيكون لونه واضح
انا حاسة انه اتغير معاى من كتر كلامى الغبى ده اللى يبين انى معدومة الثقة

اعمل ايه انا متضايقة اوى و تعبانة و قلقة من كل شئ
يمكن عشان ديه اول تجربة حقيقية و اول خطبة لى و انا اصلا علاقاتى قليلة يمكن عشان كدة ما بعرف اتكلم و اختار مواضيعى

اعوذ بالله من الشيطان الرجيم
استغفر الله العظيم
اللهم اصلح احوالنا و ارح بالنا و يسر لنا الامور يارب