مشكلتي ابوي .. ابي رايكم ك

a

amal free time

عروس جديدة

12-08-2010 | 03:41 AM

السلام عليكم ,

شخباركم؟ انشالله عسل يا عسل انه اختكم امال من البحرين الصراحة انه توني جديدة اهني لكن الصراحة الي لاحظته انه التفاعل مع القضايا وايد حلو فحبيت اعرض مشكلتي و ياريت اتكونون وياي
من قبل سنة و تسعة اشهر كانت احلى ايام حياتي . كنت توني مخطوبة :adore:و كانت امورري عسل في عسل بعد ستة اشهر من الخطوبة امور خطيبي :cool:ما كانت اوكي في الشغل بس كنه امشين الحال بعد سنه فنشوه يعني انهو خدمته الصراحة انه توكلت على الله الي مالي غيره و تصبرت على الحال لكن المشكلة انه ابوي مب راضي افكني من اجوفني لازم اتزوجون مع انه اهو اعلم بالحال مادري شاسوي؟؟؟؟؟
احس انه الامور وايد قاعدة اتعقد علي وانه احس اني مب قادرة و دايما اصيح عند خطيبي ساعات اقول انه لازم ما خبر خطيبي بلي يصير مادري احس اني صرت ممله من كثر ما صيح

خلكم وياي فيدوني شاسوي

ح

حياة جدة

عروس ذهبية

12-08-2010 | 03:47 AM

الله يفرج همك يا قلبي
ادعي ان الله يفرج همك وييسر امورك واصبري الصبر مفتاح الفرج وخليها على الله ترا المكتوب لازم تشوفه العين

و

والحل ؟

عروس مشاركة

12-08-2010 | 03:51 AM

اختي العزيزة

الله يعينكم وييسر اموركم

وربي يفرج عنكم ويفتح لكم ابواب الخير

بس على قولة السوريين

"ياللي ببيت اهلو على مهلو "

انتي لا تعقدين حياة خطيبج اكثر

ولا تزيدين همه

اكيد اللي في قلبه اقسى عليه منج

واكيد حاس بالوضع

ترى مو سهل ان الريال يصير محبط ماديا

فانتي لا تصيرين انتي والزمن عليه

ترى تخرب حياتج

الحل اختي العزيزة

فهمي ابوج الوضع

لانه الاساس في المشكلة

وعطيه رد نهائي ان الزواج مؤجل للأسباب اللي يعرفها

وخلي له اسباب ثانية مثلا

انج ما تفكرين في الزواج حاليا لانه مسؤلية كبيرة

والله يوفقكم
والحمد لله انها مو مشكلة كلش كلش معقدة تطمني ...

p

pnncEsS M!Ss

عروس ماسية

12-08-2010 | 07:57 AM

الله يفرج همك يا قلبي
ادعي ان الله يفرج همك وييسر امورك واصبري الصبر مفتاح الفرج

ا

البحـNooRــرين

عروس فضية

12-08-2010 | 11:10 AM

الله اكون في عونج و اساعدج يا ربــــــــــــــــــــي
و فهمي ابوج وقعدي معااااااااااااااااااااااه قعدة مصارحة ...

a

amal free time

عروس جديدة

12-08-2010 | 03:02 PM

تسلمون ولله و ما قصرتوا ماتخيلون اشكثر انه مرتاحة لانه شاركتكم في الموضوع لانه من صج انه من النوع الي مايفضفض مع احد بس صج ما قصرتي حياة الجدة و تسلمين و الحل كلكم ماقصرتوا miss pnncess,البحـــــــــــNOOrـــرين و مسامحة اذا ما كتبت النيك مثلج

و الصبر من عند رب العالمين و دعاكم ماقصرتوا

ف

في بيت ابوي

عروس مبدعة

12-08-2010 | 05:10 PM

الله يسر امرج ان شاء الله ادي صلاة الليل واقرئي ادعيه زيادة الرزق عشان ربي يوفق امرج وتتزوجين واذا زوجج عنده مكان خلاص تزوجي ومو لازم حفله ومصاريف بس عشان ترتاحين نفسيا مع زوجج وابوج والله يوفقج وتخيرينا قريبا بأن امرج تيسر ان شاء الله

a

amal free time

عروس جديدة

14-08-2010 | 11:06 PM

مشكورة حبيبتي في بيت ابوي ادري انه ما لي غير ربي من جذي انه ما تكلم مع احد لكن اتعرفين احتاج افضفض و الصراحة انه حاولت اقعد مع ابوي و اكلمه لكن الصراحة الوضع ما يساعد احس انه ابوي قاعد يزعل على اقل الاشياء مادري شاسوي

بس الصراحة انه هالوضع ساعدني وايد احس اني كبرت و بديت افهم اشيا وايد من قبل ما كنت اعرفها بس الحمدلله احاول اتعلم

@

@ green apple @

مشرفة سابقة

14-08-2010 | 11:07 PM

الله يرزق خطيبك ويهديلك الحال

أ

أحلى خجل

عروس مشرقة

14-08-2010 | 11:15 PM

الله يوفقه و يشتغل أحسن شعر
و ييسر أمركم و ينفرج الحال
و يعطيكم مرادكم.

..تحيآتي..