هذا ماحدث .. وهذه مشاكنا .. وهذا ماآراه .. ابي رايكم بصراحه ..
حدث امام عيني حادث توقف امامه السير لاكثر من ساعتين على احد الطرق بمدينة الرياض ... تواجدت في اللحظات الاولى للحادث لانني كنت متجها الى مشوار خاص وخفت ان اتاخر على مشواري .. فخرجت قبل الموعد بساعه على الاقل .. المهم يظهر ان السرعه الجنونيه كانت سبب رئيسي في وقوع الحادث ، مرافق السائق خرج من المركبة بشكل مروع نتيجة قوة الاصطدام ، والاخر ، محجوز نصفه السفلي كاملا تحت الحديد ، السيارة على وشك الاشتعال !!!
عند نظرتي للسائق في اللحظه الاولى ، احسست بشعور مخيف ، حاول البعض ومن الموجودين التأكد من وجوده على قيد الحياة ، بينما توليت انا وغيري مهمة اسعاف الآخر ، كان السائق محتجز بطريقه بشعه جدا ، حاولنا تهديئته ، واخباره بأنه بخير وسوف نخرجه الآن ، اهم مراحل هذا الحادث كانت كامنه في وجود اخو الشخص المحتجز معنا ، رايت فيه تحمل الصدمه بشكل قوي .
توقف الشارع بالكامل اضافه الى الشارع الاخر .
كيف سيتمكن الدفاع المدني والاسعاف من الوصول امام هذا الازدحام الرهيب لسكان مدينة الرياض في شارع يكفي مرور (قط) واحد في اقفاله بالكامل (الشعب يهوى الفزعات والحوادث والشوفات ).
مناظر من العشوائيه حصلت من جميع الموجودين ، الكل يرى الدخان يتصاعد من السياره والسائق محتجز ومتضرر بشكل بالغ .
تبون الصراحه دخلت السياره بطريقه جنونيه ومن معي للمساعده في ايقاف نزيف هائل كان يخرج من فم السائق ، بس وش بيسوي الموضوع يحتاج قص للسياره من الدفاع المدني .
بعد نصف ساعه وصل الاسعاف بعد عناء ، وكذلك الدفاع المدني . تم اخراج السائق قبل اشتعال السياره ، وتم نقل المصابين الى اقرب مستشفى .
بس ضحيت بموعدي لان الدم والبلاوي واصله للخشم ونومتي ذاك الليله كلها خرع وتفزز على المنظر اللي عكر صفو سعادتي ...بس ارتحت لانني قدمت خدمة للمحتاج في تلك الحادث .....
ماهي القضية المره التي احسسنا بها ذلك الوقت :
البعض بل الكثير منا رجالا ونساء لايجيد أي شي فيما يتعلق بفنون الاسعافات الاوليه ، ليت كل شخص يمتلك معلومات بسيطه قد تكون سبب في انقاذ حياة مصاب سواء في حادث او غرق ( الدقائق الاولى بعد كل حادث هي اهم اللحظات ، قدتكون حاسمه قبل وصول الاسعاف ) ، تعلم طريقة التنفس الطبيعي ، وكيفية حمل المصاب ، وايقاف النزيف بشكل مبدئي ، وانعاش توقف القلب .. وكيفيه رباط المصاب بالنزف وغيرها من امور في غاية الاهمية .
_وما ازعجني ولخبط اوراقي هو توقف جميع الموجودين ةتجمهرهم بطريقه اربكت السير واعاقة وصول الاسعاف نتيجه لتجمهرهم وبعضهم كأنه يشاهد فلم سينمائي او مسرحيه يتشفى في نهايه فصولها ليرى منهو البطل ومن هو المغلوب على امره .. ومع الاسف .. والبعض الاخر ( ياي دم ) ( ياربي ) وتلقاهم واقفين من بعيد ( طيب افسح مجال لمن يريد المساعده وانت ( ياياي ) الاسعافات الاوليه ماتبيك تعرفها شرايك .. الى متى نحن هكذا ، اعرف اننا كشعب سعودي عموما واهلي بحائل خصوصا نهوى المساعده والفزعه ( هذي فطرتنا اللي تربينا عليها ) ، بس مو لدرجة ان المساعده تكون سبب في توقف السير عند وقوع أي حادث . ونمنع من وصول الاسعافات والشرطه وغيرها من المعنيين باالامر ...
_ومتى نتعلم ان السياره وسيلة مساعده في الحياة وليست وسيلة قتل ,، ماهو هاليومين ماتشوف الا طردي وتفحيط بالشوارع والعقال فوق الطاقيه
( كنا
نتمنى لمن كانوا في ذلك الحادث ان تكون العافيه والسلامه لهم ولجميع المسلمين ،
وماخطر ببالي هذه اللحظه هو ماحدث من يومين .. ;كنت في اجازة وتوجهت الى منطقة حائل وصدفتا كان فيه ( خطة طواري ) داخل مطار حائل وعند سماع البعض للاسعافات وسيارات الشرطه والمطافي .. انتشرت الى جنبات المطار بعض الاشخاص والغريبه معهم عوائلهم ( شفايه ) لا وانتشروا في اسعافات المستشفيات وكأن الامر يشكل لديهم هاجسا حتى يتم تأكدهم من هذه المصيبه ( حتى احدهم وهو كبير بالعمر ) وكنت متواجد صدفه بادارة المستشفى ويسالني وهو حزين ( كم عدد المصابين ..و وش اللي حاصل ..والطيارة احترقت والا لا ) وكلام يتفوه به فلم اعر له اهتمام لان الموضوع من اصله كذبه .. وماتسمع منه الا لاحول ولاقوه الابالله .. لعنت الله على الارهابيين .. الله يلعنهم .. امور تحصل انا افسرها بأننا غير متعودين بحائل اوغيرها من مناطق المملكة على سماع عدد 35 اسعاف و30 سيارة شرطه و15 سيارات مطافي في وقت واحد .. ماتعودنا الا وقت الحرب ومن 13 سنه صفيرا انذار ولسان المذيع سليمان العيسى خرع وخوف العالم .. بس اللي انا عاتب عليه هو ( التجمهر وقت الحادث ... وكثيرا منا يفتقد الى ابسط فنون الاسعافات الاوليه ورغم انها ماتبي شيء ( شنيطه مملؤه بالاربطه والمطهرات .. وجهاز تنفس صناعي .. ودرايه الشخص بالاسعافات ) حتى لو توجهتوا لاستراحه بها مسبح ( ولا سمح الله حدث مشكلة لااحد الاطفال او من الشباب او الفتيات داخل هذه المسابح ) يكون الشخص على الاقل لديه الالمام بطريقة الاسعافات الاوليه .. ولازم تاخذوها وانا ممكن اساعدكم في نشر الطريقه التي تخلي الواحد منكم ( طبيب ) مو ممرضه او ممرضه المهم ادراكنا بأن هذه المعلومات من الاولويات الاساسيه في حياتنا اليوم .. وسلامتكم ..
هذا ماحدث .. وهذه مشاكنا .. وهذا ماآراه .. ابي رايكم بصراحه ..
م
22-08-2003 | 05:04 PM
ع
22-08-2003 | 05:14 PM
الله يعطيك الف عافيه و يجزيك الف خير انك ضحيت بموعدك عشان تساعدهم ... وفعلا كلامك بالصميم .. هم هني بالكويت لي صار حادث الله لا يوريك ... الشارع من اوله لاخره يوقف عشان اللي يطالعون و يتأملون الحادث !!!! مادري شنو متعتهم بجذي ؟؟؟؟ يعني لا يرحم بانه يساعد اللي بالحادث .. و لا يخلي رحمة الله تنزل بانه يعطل وصول الاسعاف !!!
م
22-08-2003 | 05:40 PM
الف شكر اختي ( عبير الشوق ) على اهتمامك وردك على الموضوع .. ويعطيك ربي الف عافيه وصحه .. وان يبعدنا واياك عن المشاكل والحوادث وبلاوي الدنيا ..تحيات اخيك