كل وحدة اتدخل تكتب رايها

سلام عليكم ياعروسات
شلونكم شخباركم؟
صديقتي اتقدم لها شاب عمره 22 او23 سنة واهي عمرها 20 سنة كلشي فيه زين مواصفات ومن عيلة إصلي وصوم واعرف ربه بس عنده شهادة ثانوية بس يعني موب جامعي والبنت كانت تتمنى واحد جامعي اشرايكم اتوافق ولا لا؟؟اهو اتقدم ليها من فترة ورفضت ولانه خواتها في كل شي يتدخلون في حياتها يعني اهي كانت بتوافق بس خواتها اقولون لها اشلون كنتين تتمنين واحد جامعي واللحين بتاخذين واحد عنده شهادة ثانوي وقبل بعد اتقدموا لها وااايد شباب بس كل واحد احطون فيه عيب واذا كللش الصبي مافيه عيب قالو لها انتي صغيرة على الزواج للحين ما كونتي شخصيتج البنية تبي تنستر ما تبي اتضيع بعدين من دون ريال يحميها واعزها وما تبي اتروح حق الحرام وهي اتقول انه مافي شاب بيي لها كامل لازم كل انسان وفيه شي ينقصه لانه محد كامل غير الله سبحانه وتعالى مسكينة البنت ضايعة بين خواتها وبين نصيبها مع انه امها وابوها موافيقن والراي راي البنت بس خواتها واقفين في طريجها اتقول لي متى برفض الله يرزق الانسان مرة مرتين بس بعدين خلاص لانه الانسان قاعد افرط بهاي الرزق فشنو راي كل وحدة لو اهي مكانها؟؟