احلى لمة سورية و رمضان معنا احلى

مونو يا عمري قربت سفرتك على خير ان شاء الله و الله يعين جوزك على هالفترة لانها صعبة كتير برمضان

بخصوص تالا ما بعطيها شي سكاكر و حلويات بالعكس باليوم يلي بتاخد هيك شي بكون عيد عندها بس يمكن حابة تشوف هالعالم عن قرب و بسرعة لانها ماشاء الله ما بتاخد فترة استراحة ابدا
و عم استنى طريقتك في المصران لاني نويت اعملها الاسبوع الجاي ان شاء الله بكون فك الحصار عن عيوني مية بالمية و بدي طريقة الفتة كمان بالزبط اذا ما فيها غلبة

و تسلميلي عقبال ما تفرحي بنجاح رورو ان شاء الله و عقبال ما نفرح بنجاحك كمان على خير يا رب

السلام عليكم

كل عام وانتو بخير


(ملف لربات المنازل الجديدات) مساعدة في عمل الفطور
http://forums.3roos.com/showthread.php?p=12906799#post12906799

باق من الزمن 2 يوم ان شاء الله



كل سنة وانتم بالف الف الف مليون خير ويارب ينعاد عليكم
بكل صحة وعافية والله يتقبل منكم الصيام والقيام ويعينكم على قراءة القرآن



مشتاقتلكم كتير بس جد والله ما عم لاقي وقت لادخل لانه زوجي اخد اجازة هاليومين
ومن دون شي وقت رمضان ضيق كتير بقى بدكم تعذروني هالفترة
وان شاء الله بس ارجع بعوض النقص اللي صار بالحكي هههههههههههههه


المهم ما بينت مادتي الاخيرة والله ييسر لنشوف ايمتى رح تطلع ان شاء الله
اي والتكميلية يمكن تكون بشي 25 ان شاء الله بس ماشي اكيد بقى اذا كانت هيك
معناتا غيبتي ما اكتر من اسبوعين بسوريا ههههههههههه قياس طريق ما اكتر
شايفين ليش كنت حابة اتخرج لانه شنططة على الفاااااااااضي والحمدلله على كل حال :'(


اي وشو كمان اغراضي ان شاء الله عم فكر ضبا بكرة والسفر الاحد بالليل اذا الله ييسر
بقى حتى عم فكر ضبا بنفس يوم السفر شو بيعرفني يمكن لانه ان شاء الله مارح
اخد معي اغراض كتير بقى والله ما بعرف





الدمشقية ........... الله ييسرلك سفرك يارب وتفرحي بشوفة الغوالي باحسن حالF:


بنوتة ........ يارب رمضان الجاية بيكون على حضنك نونو امور متلك



لولية ...... الله ييسرلك ورمضان من دون شي وقته صعب بقى الله يكون معكم وين ما كنتوا
المهم انكم تمام



بيرل ............. اشتقت لها من قلبي بحب هالبنت من جواة قلبي



سورية .... سمورة ........ وحشتونا بس ظروفكم غير متل جدة غير هههههههههه





كاتي ............. خليتك للاخر مشان اختمها بالمسك :L:
بما انه لالا ما عم تاخد شي فيه ملونات معانته الحمدلله كل شي طبيعي
ومتل ما قلتي عم تكتشف بس عن جد هالفترة صعبة كتير وما بحب طفشك
بس بظن هالحالة غير مؤقتة يعني على طول وفهمك كفاية :celebrate:
ما شاء الله بتكون عم تكبر وتتعلم وخلص ما بقى عليها قيود ولا تنسي انه لما تتعلم
الحكي رح تصير اذاعة متنقلة هههههههه ما شاء الله الله اكبر الله يحميهم
والله رورو صايرة هيك وعم تئروش وتحكي اشكال الوان وانا بموووووت على حكياتا



ومشان السجقات او المصارين ( what ever ) ههههههه رح قلك طرقتي وانا طبعا والحمدلله
وبلا شوفة حال عملتهم كام مرة بس هلأ ما عم اعمل لانه ما عم يجيبوا منهم
والا انا وزوجي مغرمين فيهم :!!: بس راس الخاروف والمقادم ما بنقرب عليه ابدا بقى ما بعرف انت قصدك فتة الراس والمقادم ولا شو بالضبط ؟
رح كبر الخط مشان عنونك الحلوة




المهم طريقة السجقات:

متل ما قالت الدمشقية اهم شي تغسليهم منيح منيح منيح

رح قلك جيبي كل مصران بمصرانه اول الشي غسليه بالمي طبعا الزغب بيكون من برا
والقسم الاملس من جوا اتركيهم هيك ولا تفكري تشيلي الزغب لانه هو اللي بيعطيك
الطعم الدسم اي افتحي الحنفية وكل مصران بمصرانه فوتي اولته بالحنفية وافتحي المي
جواته يعني متل مبدا خرطوم المي او النربيج ومن برا افركيه منيح منيح بعد ما غسلتيه بالمي
بتكوني محضرة ملح خشن افركي المصران من برا من الزغب وحاولي تمرقي الملح جواتهم
بعدين اغسليه بالمي ارجعي جيبة ليمون حامض وقسميه ارباع وكمان افركيه فيه
وشوفي هن بيقولوا انه لا تقلبيه بالمقلوب يعني يخلي الجهة الملسا لبرا لانه بيصير
صعب تطلعيه مرة تانية ( لانه اصوله ينحشا والزغب لبرا ) بس انا بحاول وبقلبهم وبرجعهم
يعني انا شفتا انه مانا كل هالقد لبكة فداهم المهم النضافة هههههه
اي وبعدين بعد ما تخلصيهم كمان شطفة اخيرة وفركة للكل بالملح الخشن بالتقليب
وشطفة وكمان مرة فرك بعصير ليمون حامض وشطفة صاروا خالصين وبيض مهفهفين



طريقة الحشوة

حضري حشوة عبارة عن رز مصري ووصنوبر وملح وسمنة مدوبة والسبع بهارات هيك اسمهم
او بهار عادي كمان ممكن يكون اسمه عندكم المهم ما البهار الابيض قصدي
لانه الفلفل الاسود ابداااااا مانه طيب وكذلك الامر بالنسبة لغيره من البهارات
اي وكمان لحمة ناعمة اخلطي الرز مع اللحمة والبهار والسمنة المدوبة وبحبحيها وكتتتري
لانه عن جد بيطلعوا اطيب واحلى يعني بالمختصر اعمليهم متل حشوة المحشي
من دون طبخ ابدا يعني نيين وعلى فكرة انا مرة حشيتهم من دون لحمة بس رز وسمنة وبهار
طلعوا اطيب بكتير بس ما بعرف في ناس بتحب اللحمة بالحشوة وانا يمكن لاني ما بحب
اللحمة كتير


هلأ طريقة الحشي بالصور تحت لاني شفتلك هالطريقة من النت ويمكن شرحها وافي شوي
بس بدي قلك انه الزغب بيكون من برا وخففي منه اذا كان كتير بس لا تشيليه
على الاخر لانه متل ما قلت لك اصولهم فيه اي هلأ لما بتبتدي حشي متل الطريقة تحت
رح ينقلب ويصير الزغب مع الحشوة من جوا ومن برا بيرجع الوجه الاملس
ما بعرف اذ فهمتي على شرحي بس متل كانك عم تقلبي بلوزة


اي وبعد الحشي اربطي الاطراف بخيط الملاحف السميك الابيض وشو كمان حاولي تحشيهم
وتمليهم مو كتير كتير بس كمان ما تقللي الحشوة لانه طيابتهم بالرز لما يكون مدرر جواتهم


هلأ السلق بيكون بمي فيه قشور ليمون حامض +ورق غار +عواد قرفة +بصلة +
بهارات+هال + ملح
وشوفي عندك مطيبات كمان حطي مشان الزفرة وبدهم حوالي ساعتين


بدهم سلق منيح ولتعرفي اذا استوا او لا بدك تدوقي ;)


وبعد ما يستوا قلبيهم على نار بشوية سمنة لحتى يحمروا او حطيهم شوي بالفرن
ليقرمش وجههم وصحة ومية هنا واي سؤال انا بأمرك

















( طريقة حشو الفوارغ )

تُحشى الفوارغ بإدخال طرف الفارغ في الفارغ نفسه و يُحشى الطرف



و يدفع الطرف المحشو إلى داخل الفارغ حتى يكتمل حشو الفارغ

سيرة الحب ملوخية يمممممم والله ريحتها ضاربة براسي هههههه
عن جد جعت من هالريحة وكمان جنبها شوربة عدس واكيد الرز
وعن جد الريحة بالبيت ما بقدر قلكم اديش طيبة ههههههههههههه

السلام عليكم ورمضان مبارك على الجمييع يارب
ويسلموا كاتي على الافتتاحية الحلوة الله يقويكي وربي يتقبل منا ومنك ان شالله

مونو ماقدرت ارد عليكي هنيك لان اتسكر الموضوع .. المهم الله يعينك ويقويكي يارب والله الشنططة مو سهلة لا عليكي ولا على زوجك
بس كمان قدر الله وصار مابتعرفي شو الحكمة وربي ييسر امورك على احسن مايرام
ومنشان حماتي لاااااااا تعليق على قولتك والحمد لله الله يصبرنا جميييع اعتقد ماحدا خالي والله يجعلها اكبر المصايب خخخخخ
المهم الله يبارك فيكي منشان الاغراض ... وكان نفسي اشوف شو فصلتي عباية او حتى كيف شكلها لاني محتارة كتير وماعاد عندي وقت
فقلت لشوف مونو ام الزوء
والله يخليلك رورو ويحميها ربي البنات حلوات ولسانهم بسبع شطلات هههه الله يحميهم وان شالله توصلي بخير وسلامة يارب
وطريقة السجئات متل طريقتنا تماااام بس اللهم نحنا بالاخير مامنحمرها بس منشيلها من المرقة ومنسكبها على طووول .... شهيتوني عليها مع انو زوجي
كرهني هالاكلة كلها ....

وصحة ومية هنا على الملوخية اي والله هالاكلة ملوكية وبتجنن وخصوصي الورق ياااااامي بالعافية على قلبكم يارب

كاتي العسولة منرجعلك .... تسلميلي يارب وانتي كمان ان شالله بتفرحي بتالا
والله يصبرني اي والله مابدي اضيع اجري بس والله ماعم اقدر الا اني احكيلكم او احكي لاختي سورية وخصوصي ان زوجي ماعم يحس فيني ابدا من هالناحية
يمكن متل ماقلتي لانها امو ... ستي الله المستعان وكتير خايفة تعلقني هنيك بقصد بسوريا ... ومو غريبة تبقى تنام ببيت اهلي بحجة ولادي
اااه ياربي اليك المشتكى ... والله ماعندي مشكلة بس يعني الواحد بحب ياخد بريك شوي ولا لاء ...
وانتي الله يعينك كاتي على اخت زوجك يالطيف هالعالم حتى هالمرض والتعب حاسدينا عليه .. الله يرد كيدهم بنحرهم ان شالله كل واحد بحسد الناس
قولي امين ...
والله يبارك فيكي يارب وبخصوص العباية ماقلتلك زوجي من هالناحية مابطاوعني وبيحسب حساب امو ولشوف شو بصير معي وعلى الله
ومنشان الجهاز والله لسى مارحت بس ان شالله بسئلك وهو موجود بكترة انا شفت منه على النت وسعره بيتراوح بين 75 و100 ريال على مااعتقد
هيك مكتوب بالمواقع ... المهم بسئلك ان شالله وبردلك خبر اكيد
اما عن اختي فله الله يسامحك انتي اختي ولا حشرية ولا شي
ياستي اختي مافيها شي اللهم شوية التهابات العفو وعم تتعالج منها بس العلة بزوجها العفو منك عنده الحيوانات المنوية ضعيفة كتييييييييير
وحتى اكتر من دكتور بقلهم عوضكم على الله ... ونحنا املنا بالله كبير
ووالله قلتلهم انا على الاردن بالطب احسن من عنا بكتير بس هو الغليظ مو راضي ليش مابعرف ؟ والله المستعان

لولية;12908111:

مسا الخير يا احلى الحلوات كالعادة الله يرضى عليكن لا تؤاخذوني بس كالعادة كتير مشغولة الاثنين ايجيت من حمص وكان عندي مية شغلة اعملها لانه اليوم باذن الله مسافرة على الرياض أنا والبنوتات نقضي رمضان مع ابن عمي بتعرفوا خطي يكون لوحدو بقى بحكيكن من هونيك ان شاء الله
كل عام وإنتو بألف ألف خير وينعاد عليكن يا رب بالصحة والسلامة

اهلين لولية و كل عام و انتي و احبابك بالف الف خير و بنستنى تحاكينا و جنبك ابن عمك و الله صعب رمضان يكون في لحالو الله يعين الجميع يا رب

مونو حبيبة قلبي انتي المسك و العنبر كلو و الله ييسر سفرتك و ترتاحي من الهم و الشنططة انتي و رورو الله يخليلك اياها ما شاء الله عنها صايرة عم تحكي بضمير و تالا الحمد لله لسانها فالت من زمان و حتى عم تناديني باسمي رافعة التكلفة ههههههههههه يلا المهم يبقو بصحة و عافية و نبقى نطارد وراهم وما يحرمنا منهن يا رب

ما شاء الله عنك شرحك بجنن بس ملاحظة صغيرة هلأ الرز ما ننقعو بالمرة يعني بس غسيل و لا كيف
و انا كمان يا دوب اكل من السجقات و بدون لحمة كمان بحسها دسمة بدون ما نزيد عليها لحمة كنت بدي اطلبها من ماما بس قلت لازم يجي اليوم و اتشطر و اعملهن و اذا طلبت من ماما الطريقة رح تعزمني عليهن و لا اني اعملهن الله يخليلي اياها يا رب و هو جوزي بدو يجيب راس خاروف معهن بس حكالي حيكون منضف مزبوط ما علي الا نضفو تأكيد مش اكتر و اسلقو لهيك طلبت طريقة الفتة و يسلمو ايديكي على الطريقة غلبتك معي و ما يحرمني مساعدتكن الي يا رب

و الجو بسوريا هالايام بجنن لانو موجة الحر خلصت من حظك الحلو و تروحي و ترجعي بالسلامة يارب

الدمشقية;12913840:
كاتي العسولة منرجعلك .... تسلميلي يارب وانتي كمان ان شالله بتفرحي بتالا
والله يصبرني اي والله مابدي اضيع اجري بس والله ماعم اقدر الا اني احكيلكم او احكي لاختي سورية وخصوصي ان زوجي ماعم يحس فيني ابدا من هالناحية
يمكن متل ماقلتي لانها امو ... ستي الله المستعان وكتير خايفة تعلقني هنيك بقصد بسوريا ... ومو غريبة تبقى تنام ببيت اهلي بحجة ولادي
اااه ياربي اليك المشتكى ... والله ماعندي مشكلة بس يعني الواحد بحب ياخد بريك شوي ولا لاء ...
وانتي الله يعينك كاتي على اخت زوجك يالطيف هالعالم حتى هالمرض والتعب حاسدينا عليه .. الله يرد كيدهم بنحرهم ان شالله كل واحد بحسد الناس
قولي امين ...
والله يبارك فيكي يارب وبخصوص العباية ماقلتلك زوجي من هالناحية مابطاوعني وبيحسب حساب امو ولشوف شو بصير معي وعلى الله
ومنشان الجهاز والله لسى مارحت بس ان شالله بسئلك وهو موجود بكترة انا شفت منه على النت وسعره بيتراوح بين 75 و100 ريال على مااعتقد
هيك مكتوب بالمواقع ... المهم بسئلك ان شالله وبردلك خبر اكيد
اما عن اختي فله الله يسامحك انتي اختي ولا حشرية ولا شي
ياستي اختي مافيها شي اللهم شوية التهابات العفو وعم تتعالج منها بس العلة بزوجها العفو منك عنده الحيوانات المنوية ضعيفة كتييييييييير
وحتى اكتر من دكتور بقلهم عوضكم على الله ... ونحنا املنا بالله كبير
ووالله قلتلهم انا على الاردن بالطب احسن من عنا بكتير بس هو الغليظ مو راضي ليش مابعرف ؟ والله المستعان

انا اول يوم سيرة الحب كانت اوزي مع شوربة شعيرية و تبولة و اليوم كانت ورق عنب و سمبوسك و الشوربة اكيد لا غنى عنها

و صحة وهنا يا مونو على الملوخية غرامي الازلي بس جوزي ما بحبها للاسف

بحبكم كثير كثير .............

مونو هلأ عرفت إنك مسافره إن شالله بتتوفقي
دمشقية لوليه كاتس شامية سمورة وبيرل سورية إن شالله بتكونوا بخير


ياحلوين ادعولي بالبيبي


آخر أخباري اتفقت انا وماما انو تحلف على زوجي فطورنا كل يوم عندهم والله الجوع مقبول بالأيام العادة بس برمضان صعبه وهيك كل صارلها يومين بتحلف عليه وأنا عامله حالي بريئة ...........

بتعرفوا لحد الأن مافكرت بالعيد إن شالله بدي أعمل همه نحن هيك ماعنا تخفيضات بهالفترة

السلام على احلى اخوات بالشات وبالدنيا كلها وكل عام وانتوا بألف خير ورمضان كريم عالجميع والله اشتقتلكم كتييييييييييييييييير انا بعرف اني مقصرة بس انتوا اخواتي وبتعذروني ولاتخافوا اخباركم عم توصلني من الدمشقية الله يسعدكم كلكم يارب وان شاء الله تضلوا بخير وبصحة وعافية وراحة بال وان شاء الله بحاول طل عليكم كل ماصحلي سلامي الكم جميعا دون استثناء

http://forums.3roos.com/showthread.php?p=12924815#post12924815

http://forums.3roos.com/showthread.php?p=12924816#post12924816

يسعد ايامكم جميع وكل عام وأنتو بخير اشتقتلكم كتير كتير بعرف كلو مسافر ويلي مو مسافر مشغول برمضان يا بالشغل يا بالعبادة الله يتقبل منا جميع عم حاكيكم هلق من اليمن السعيد من أراضي صنعاء
وصلت يوم الأربعاء العشا ووكانت سفرتي الحمد لله مريحة وكلو تمام
قرأت شوي من أخباركم وشكلي تأخرت عليكم كتير ما قدرت ودع مونو قبل ما تسافر لأني بعرف أنها ما بتقدر تحكي من سوريا
كاتس صحة وهنا على القشة نحنا منقول لأي شي بيخص الخاروف من سجقات مقادم أو روس أو حتى كرش بشكل عام قشة أنا مابحبها ممكن آكل فتة بس مو أكتر من لقمتين
دمشقية الله يصبرك ويقويك يارب وأنت كمان عندك سفر الله ييسرلك يمكن بكرا طيارتك لأنو بتذكر أنك حكيتي أنها ب 15 الشهر ادعيلنا
ياستي كأني لمحت انو حماتك ممكن تنام عند أهلك بحجة الولاد يالطيف يالطيف ولي وحياتك يلي خالقك مالي مفارقك شو هالدبقة والله شي بيهز البدن
لولية وبنوتة وسمورة وبيرل وسورية كل عام وانتو بخير وينعاد عليكم بالصحة والعافية