انتين لو مكاني شتسوين ؟؟ ؟

كل حدة فينا مهما كانت دارسة أو عندها خبرة أو تطلع اهني وهناك لازم تحتاج أنها تتطلع أكثر وأكثر عشان تثري تجاربها الحياتية بخبرات وعلم الآخرين :thumbs_up: عشان جدي انتين كأم لازم في كم تصرف يتصرفه طفلش اتشوفين روحش عاجزة عن القيام بتوجييه فيه وحتى لوتصرفتين تقولين في نفسش ياترى أنا تصرفي صح لو غلط وحتى الطفل نفسه عنده أطباع تولد معاه وتلازمه في أفعاله :confused: عشان جدي جيت اليوم ليكم بالموضوع عشان كل وحدة تنزل الأمر الصعب اللي تواجهه مع ولدها أوالطبع اللي فيه وحابة اتغيره أو تعدله للأحسن أكيد وأنا ببدأ عشات توضح الصورة عنكم أكثر :). .
1_ ولدي ما يعرف شي أسمه صبر وكلما قلت ليه انتظر أخلص اللي في ايدي يظل يكرر طلبه أكثر من خمس مرات . . انتين لو مكاني شتسوين ؟
2_ ولدي تسليته ادا ما حصل شي يسويه يتحجج في أخوه الصغير ياضاربنه أو ياخد أغراضه أو يعانده في كل كلمة يقولها . . اتين لو مكاني شتسوين ؟
3_ ولدي كل ما قلت ليه ادا شفتني أصلي ما يصير اتكلمني الا لين شفتني خلصت مو راضي يفهم يظل يسألني طول مأني أصلي وحتى لو بغيت أركز في الصلاة ما يخليني كل اشوي أأشر ليه بيدي اسكت ما في فايدة . . انتين لو مكاني شتسوين ؟
F:كل وحدة لازم تكتب عمر ولدها لأن هدا ليه دور في حل الموقف :thumbs_up: يلا أبغي تفاعل ولا تنسوون التقييم :thumbs_up: نسيت أقول ليكم ولدي عمره خمس سنموات ونص . .