السلام عليكـم
الحاله الدينيه : عاديه ؛ تحت المستوى العادي ؛ ملتزمه ؛ شديده الالتزام
الحاله الاجتماعيه: عزباء ؛ مخطوبه ؛ متزوجه ؛ مطلقة ؛ ارمله
لديك اطفال ؟
المهنه : طالبة مدرسه ؛ طالبة جامعيه ؛ موظفه ؛ متقاعده ؛ ربة بيت
حالتك قبل النوم : هل كنتي منزعجه من شئ ؟ تفكرين بامر ما له ارتباط بالحلم ؟
لا .. لم أكن منزعجة ولكن قد أكون كنت أفكر بالزواج عموما
الحلم :
حلمت إنوا جاتنا وحدة _أعرفها في الحقيقة _ وأدتني دبلة لونها فضي على ماأعتقد ومكتوب داخلها جاسم وأنا قاعدة أتأمل فيها وفررررحانة وأقول فقلبي الحمدلله ربي رزقني بيه عشان أنا أقول اللهم أغنني بحلالك عن حرامك _وأنا في الواقع أقولها _ وأقول يبغالي أقول للبنات في قناة بداية يقولوها عشان يتزوجوا زيـي ,, بعدين الحرمة هذي قالت الشوفة مو إلحين خلوها بعدين بس بعدين غيرت رأيها وامي قالت لي روحي ادخلي عليه ودخلت وقعدت وكنت لابسة قميص وأقول في نفسي لازم ألبس تنورة وأتشيك عشان أعجبوا بس مارحت وفضلت قاعدة بالقميص
وكنت قاعدة جمبوا ونفسي اطالع فيه بس مستحية منوا ومن أبوية وأخواني اللي كانوا في نفس الغرفة ورحت أنا بعدين وجبت عصير وكيك مفتت وأنا أقدموا له قلتلوا سويت هذا الكيك عشاانك او شي زي كذا ودعالي وكأنوا قال الله يوفقك وانا فرحت واقول في قلبي الحمدلله طلع طيب واكثر شي كان عاجبني فيه طيبتوا وشكلوا لما طالعت فيه مو مرة عجبني بس قعدت اقول اهم شي انوا طيب وكنت اتخيلوا لما يكون زوجي كيف حأكون مبسوطة معاه .
الحرمة هذي غنية ماشاء الله وأقول بتزوج واحد غني بس كنت خايفة يكون عندوا أخوات يطفشوني ويبهذلوني بحياااتي