معاناة طفلي مع .....شنو الحل...

روحي المستشفى وبيكتبو الش دواء عن المغص

ربي يخليه ويشافيه ياكريم

أختي حبيبتي أم علاوي ..

هذا شي طبيعي جداً بالنسبة للأطفال في عمرهم :sick: ..

بس إنتي عليش تسوين له أشياء تخفف من ألمه والباقي على الله ..

سوي لطفلك مساج بزيت الزيتون على خفيف في بطنه وسائر جسمه ..;)

خليه ينام على بطنه بس تكوني منتبهة له طول الوقت مايخنق روحه :-o ..

حاولي تنظمين له الرضاعة .. في عمره كل ساعتين إلى ثلاث ساعات ,,

ومن كل ثدي عشر إلى ربع ساعة ,,

ولازم بعد كل رضعة تحاولي تخلينه يتجشأ ..

وحتى في أثناء الرضعة لما تفكرينه إنه شبع وإنتي توش مرضعته حاولي تطلعين الغازات وبعدين أكملي معاه الرضاعة ..:thumbs_up:

وإنتي اشربي دائماً سوااااائل أهم شي وماااي بكثرة وابتعدي عن الأشياء اللي تسبب الغازات مثل الملفوف والقرنبيط والربيان وو و...


وأمممم ما ادري إذا تذكرت شي بعد بقول لش بس ماتحضرني أشياء أخرى الحين ..


وأما عن لون البراز .. سألت الدكتور عنه لما كانت بنتي بعمر ولدك قال طبيعي جداً ربما فيه اسهال وذا جدار الأمعاء وراح يتبدل لها .. وأنا بعد ما كذبت خبر وبحثت عن الموضوع وايد وطلع كل شي طبيعي .. بس إنتي لا تحاتين :) ..

وربي يشافيه إن شاء الله ويكبر وتشوفيه معرس ..

وتخلي لنا صور عرسه في عروس:cool:~~

أعطيه يانسون يريحه وفي دوا للمغص اسمه دنتينوكس أعتقد اسمه كذا مرره مريح للغازات

أسألي الدكتور عنه

اعطيه شاي أطفال من ( ميلوبا ) تلاقينه في الصيدلية يريح الطفل وينومه شوي واليانسون بعد زين أغليه وحلييه بشوية سكر ولو ان هدي الفترة تطول ويمكن اتجربين علاجات واجد مايفيد منها ولاشي مثل أختي ظل ولدها يعاني من الغازات لين كمل الرابع بس كل طفل يختلف عن الثاني وبالنسبة للبراز عادي في هالسن يكون لونه جدي شكلش أم لأول مرة وقاعدة تحاتين كل شي ( مبين من مواضيعش ) بس صغري الأمور تصغر وكبريها تكبر واستفيدي من تجارب الأخوات ولا تحاتين واجد أحسن ليش وللصغير . .

مشكورين على ردودكم

بوح الكلمات فعلاً اني أم لأول مره
وأحس الأمومه جداً صعبه مو مثل
ماتخيليت أبداً
والله يعينا ويقدرنا يارب على هالامانه
ان نصونها ونحافظ عليها ونجعلها بذرة خير

شاي ميلوبا هذا من عمر 6 شهور وولدي للحين شهر؟
سمعت عنه وقالوا لي بس اخاف اعطيه وهو مكتوب عليه
من عمر 6شهور؟؟
وجربت الحلوه و الحندبان و الحيج ولا احس يفيد
بس اليانسون ما جربته ان شاء الله بكره اروح الحواج
واجيبه واجربه ويارب يفيد ولدي

Amo0osh
مشكوره حبيبتي
صدقيني تعبت من المستشفيات
كل يوم طاقه الويه للعياده وما خليت
دواء ما خذيته ولافاد وقال لي الدكتوره
ان هالشئ طبيعي وما يترك الا الاطفال
الا بعد 3 او 4 شهور الله يعين بس ابي
شئ يخفف عن ولدي والله قطع قلبي
وهو يتلوى من الالم ويتعصور

أميره بصمتي
مساج سويت له مره ونفس الشئ
و اخليه على بطنه يرتاح شوي احيانا وهو على بطنه
واحيانا مايعجبه ويبجي
والرضاعه ارضعه وقت مايبي ووقت الي يبجي ووايد يرضع
ما اقدر انظم له كل ساعتين يعني باقي الوقت شسوي له لو بجي؟
والدكتور قال لي الطفل يشبع بسرعه و يجوع بسرعه يعني ترضعينه
وقت ما اهو يطلب ويحتاج بدون نظام
وللاسف اني ما ارضع الا من صدر واحد وزين عرفت ارضع بعد
واحيانا اجشيه بعد الرضاعه واحيانا لا لاني ما اصدق ينام
على طول قاعد وماينام الا بالموت
وانا وايد اشرب ماي ومبتعده عن الاكلات الي تسبب غازات

وعلى سالفة البراز طمنتيني الله يريحك قلبك
يعني ما يحتاج اروح العياده بكره؟
لاني قريت بالنت ان البراز الاخضر بسبب نزله معويه وهرار
وخفت ان ولدي فيه شئ وقلت اصبر يومين يمكن يتغير لونه
اليوم صار احسن بس بعد خايفه
وهو مافيه اسهال اقولك احسه يتعصور قبل يتبرز

فيه دوا اسمه سالينال مرة زين عن المغص

ومايشوف شر ان شاء الله

Blossoms

مشكوره حبيبتي
والله اني استخدمة غرشتين منه
ولا أستفاد عليه ولدي أبد ما احس
له بتأثير :(

خيوو ..

اول 3 شهوور جداً متعبه مساكين البيبياات مغص وامساك واشياء واجد ..

من قشره وحبووب وو ..!

بس كلها طبيعيه وعلى قولتهم هلاشياء الطفل يحاول يتأقلم مع البيئه الجديده ..

الا هي غير عن رحم الام ..!!

وبالنسبه للغازات الاولاد تصيدهم اكثر سبحان الله ..

اني اذكر كان ولدي يصيح واصيح ويااه يعني صغير نتفه !!

وغازاات + امسااك ووو ...

عمووما دكتوور ولدي يجزاه الله الف خير ..!

قال لي مع تغير كل حفاظه سوي له حركة السر .....

اي انو لما تغيرين له الحفووظه سوي له بحركه دائريه حوالين السره مالته ..

هذي الحركه تطرد الغازاااات وتريح الطفل بشكل كبيير جربييها ..

وكنت لما اسوويها احسه اي كثر مرتتاح بعد مووجة صياح والم ..

وطبعاا انتبهي لطريقة الرضاعه وانو بين فترات تحطينه على بطنه ..!

وانو تجشينه كل مره بعد الرضعه ..!!!

والله يعينش وفتره وبتعدي ،

بعدين بتحسين المصاعب كلهاا بتروح بعد الثلاث شهور الاولى ..

وبتحسين بحلاوة الاموومه ..

والله يخلي علاوي يارب ..!

فديتج حبيبتي ام علاووووي
والله يخليج على هالنصائح الحلوه
لو راده عليي قبل شوي توني كنت مغيره له
ومسجت بطنه بالبيبي اويل والحمدلله توى نام
بعد عناء طويل
شنو اسم دكتور ولدج اذا انتي من البحرين
ومشكوره حبيبتي وماقصرتي
وان شاء الله تعدي هالفتره على خير
لانها فعلا صعبه ومثل ما قلتين هم يبجون
واحنا نبجي معاهم الله يعينهم ويعينا

أم علااااااوي;12896282:
فديتج حبيبتي ام علاووووي
والله يخليج على هالنصائح الحلوه
لو راده عليي قبل شوي توني كنت مغيره له
ومسجت بطنه بالبيبي اويل والحمدلله توى نام
بعد عناء طويل
شنو اسم دكتور ولدج اذا انتي من البحرين
ومشكوره حبيبتي وماقصرتي
وان شاء الله تعدي هالفتره على خير
لانها فعلا صعبه ومثل ما قلتين هم يبجون
واحنا نبجي معاهم الله يعينهم ويعينا

دكتور ولدي السااعي ..!

والحركه الا قلتها ما تعتبر مساج !!

ولا نستخدم فيها اوويل لا ..

الحركه لطرد الغازاات ،



و تركزين على منطقة السر ،

ويكون السر في الوسط وبصبعج تدورين حوالين بشكل دائري ..!

هذا الا قصدته وهي الهدف منها طرد الغازاات وتريحه ..

وبتشوفين اي كثر يرتاح ويسترخي ..

مشكوره حبيبتي
ترى طبيب ولدي بعد الساعي
الله يهديه كم مره رحت له ولا
قال لي عن هالحركه
كل يقول لي اي فيها غازات وايد
ويكتب لي نقاط بس ما استفيد منها
بسويها ان شاء الله واستفيد منها

بنتي مثل الشي والغازات والامساك مب رايح منها

الامساك يوصل معها الى سبوع تقريبا ..

والحين توها مخلصه ال4 داخله ف 5 ولا في فايده مع بطنها وكله صياااح

ام علاووووي
مشكوره حبيبتي
يعني مثل الي بالصوره
بدال ما هم مستخدمين اليد كامل
احنا نستخدم الاصبع فقط؟؟
يزاج الله الف خير حبيبتي
تعبتج معاي

ريم المحبه
يعني المشكله ما راح توقف على
الشهر الثالث احتمال تطول الى
الرابع والخامس واويلاااااه
الله يعينك ياولدي

اختي استمري معاه عاليانسون والنعناع (قصدي مشروب اليانسون بروحه والنعناع بروحه) وااايد زين شربيه اكثر من مره باليوم وانشالله بيرتاح

يانسون اشتري tea bags من اي سوبرماركت والنعناع اشتريه فريش وحطيه بماي حار وشربيه

هلا حبيبتي ام علاوي

انا استخدمت لولدي هالدواء



و الصراحة استفاد منه واجد
و الاهم انج تقدرين تعطينه البيبي من يوم واحد و ماله اي اثار جانبية لانه طبيعي 100 %


غير جدي عندج حركة " C " المقلوبة
و هي تاخذي اصبعين السبابة و الوسطى و تبداين ترسمين حرف " C " على بطن علاوي بهذا الشكل



تبداين من يمين البطن الى يساره مثل الصورة بالضبط
و هذه الحركة تخلي الغازات المتجمعة في الامعاء الغليظة تطلع و بتعرفين طريقة صح لما تسمعين هالاصوات خخخ !

زهرة السعاده
الله يسعدج حبيبتي
انا الساعي كتب لي هالدواء
وشريته من الصيدليه بس مدري
ليش ما استخدمته لاني استخدمة
ادويه وايد وخفت اكثر وكل مره نوع و
يصيد ولدي شئ
بس دام انج قلتي انج استفدتي راح
اجربه وان شاء الله ولدي يستفيد
وراح اعمل الطريقه الي قلتي عنها بالتدليك
ويارب يستفيد ولدي عليها

اكرر شكري لج حبوبه

يااعمري عليج

الله يساعدج هالفترة الين 3 شهور

ابعلمج سالفتي

اول ماطلعت من الاربعين رحت بيت اهل زوجي
وكان ولدي يصرخ من العصر لليل وانا خلاص

فيني الغبنة
اول مرة اطلع من طلعت من الاربعين
والولد يصرخ ماني عارفة شسوي معه

تالي اخذته مرت حمااي
ولانها من عايلة لها خبرة في المراخ وكذا

وعلمتني

فتحت الحفاظ وبدت تضغط خفيف على السر وحوله في الاربع اتجاهات
تتحسس مكان تجمع الغازات..
وخلتني اجيسها انا بعد

وبعدين تحرك بشكل دائري باتجاه حركة الساعة بالصلاة على محمد وال محمد

طبعا مسحته بشوية زيت الورد <<< ملين رااائع

وهدأ على طوووول

يمكن استمرت دقيقتين او 3

طبعا وانتي تسوي كدا تكوني تحركتي الغازات في بطنه مما يسهل خروجها
تاالي مسحت منطقة المؤخرة بشوية زيت

عشان لو كان عنده امساك
تكون المنطقة لانت بفعل الزيت ويعملها بسهولة

وقالت لي بعد شوي ان شاء الله بيعملها في الحفاظ

المهم هي لفته باللفة وناام بعد تعب الصياح

ورجعت بيتنا

وبمجرد دخولي البيت الا اسمع ذيك الاصواات خخخخخ

تقريبا نص ساعة من بعد المساج

وصرت اسوي له كدا كل مرة

والحمد لله ألف مرة انها علمتني..

بس لو كبر علاووي وجيتي بسوي له كدا بيغار وبيضحك خخخ<< ولدي في نص صياحه ابي اسوي له مسااج يغار ويضحك خخخخ

وان شاءالله امومة سعيدة

تحياتي لج

تجربة مفيدة وحلوة والأهم أنها عن تجربة انشاالله صاحبة الموضوع تستفيد والله يعينكم ويسهل ليكم الصعب أمهاتنا الجدد بحق هالشهر . .

ياقوت
فديتج حبيبتي
ان شاء الله راح اطبق على ولدي
وتقريبا الكل متفق على نفس الكلام
ان المنطقه الي حوالين السر لازم
نسوي لها مساج بأتجاه عقارب الساعه
وانها تريح الطفل اني بدأت اسوي لولدي
وان شاء الله يستفيد بس ياربي عليه
ما يخليني من الصياح والتعصور برجايله

مشكوووووورين حبايب قلبي