سااااعدوووني ... محتااارة ... في غرفة نومي !!

سلام
النصائح بتكون وايد طبعا بس انا بختصرها بشكل سريع وعلى فكرة ترى انا هذا اهو شغلي فحبيت افيدج لا غير
فكري في عدة امور قبل اختيار الالوان والاثاث
1- اول شي غرفة النوم مكان للراحة حاولي تبتعدين عن الالوان الغامقة اللي توتر الاعصاب واختاري الالوان الفاتحة المريحة
2- حددي انتي شنو تحبين بالضبط الاثاث الكلاسيك او المودرن والالوان اللي انتي تحبينها ( ما بنقدر نختار لج الوان لان كل واحد وله ذوقه الخاص )
3- لا تقيدين نفسج بلون محدد للغرفة يعني حاولي يكون لون الاثاث لون الخشب الطبيعي اللون الفاتح وهو الموضة حاليا
4- نفس الشي مع الستائر ابتعدي عن الستائر اللي فيها زخرفة ونقش واختاري الالوان السادة لان الستارة المزخرفة دايما بتقيدج بلون الفراش اللي على السرير
وهذي نقطة مهمة جدا نادرا ما ينتبه لها الناس لما يفرشون ، الستائر السادة بتخليج تقدرين في كل مرة تلونين في لون الفراش اللي ياخذ حيز كبير من الغرفة وفي كل مرة بتغيرين لونه بتحسين بتجديد في الغرفة وهذا شي ما بتقدرين تسوينه مع الستائر المزخرفة او المنقوشة او اللي فيها الوان معينة تقيدج بالوان مفارش قليلة
5- نفس الشي مع الاكسسوارات كل ما اخترتي لها الوان محددة مثلا في ناس تحط كل اكسسوارت الغرفة بنفسجي جذي انتي قيدتي نفسج بلون محدد صعب تدخلين تغيرات في الغرفة بشكل دائم
6- طبعا نفس الكلام اللي في النقطتين اللي قبل ينطبق على الصبغ او ورق الحائط او الرسم ( وحاليا في صبغ راقي جدا بنفس طريقة ورق الحائط ) اذا تبين نصيحتي حطي جدار او جدارين ورق حائط والباقي صبغ ( في ناس تبالغ بستخدام ورق الحائط يعني مرة جات لي زبونة كانت تبي ورق حائط لكل غرف البيت بكل الالوان لكل الجدارن !!! في ناس فاهمة ورق الحائط غلط عبالها انه جلاد تجلد فيه الغرفة مثل الهدية !!!
6- الموضة حاليا البساطة كل ما كان المكان بسيط وناعم كل ما كان ارقى ابتعدي عن الزحمة ( وهالنقطة طبعا بتفيدج في التنظيف كل ما زادت الاشياء الصغيرة او الكبيرة المتناثرة في الغرفة في كل مكان كل ما زاد وقت التنظيف وكل ما زاد عدد الاشياء اللي يتراكم عليها الغبار )
7- الاضاءة حاولي تكون عندج اللونين الاصفر والابيض وانتي استخدمي اللي تناسبج في اي وقت ( في ناس تغلط وتحط اضاءة صفرا فقط ) احيان كثيرة بتحتاجين للاضاءة البيضاء لان مب كل الاوقات في غرفة النوم بتكون للرومانسية فقط
8- لا تخلين تفكيرج محدود يعني رحتي السوق وعجبك شي هناك مب شرط يناسب انج تحطينه لغرفة النوم دايما فكري هذا مكان بتعيشين فيه لمدة طويلة ، حددي شنو الاشياء اللي تناسبج اختاري الالوان اللي تريح نفسيتج ، فكري في التنظيف لانها نقطة جدا مهمة الناس وقت الشراء ينسونها وبعدين في البيت يقولون ياليت اللي جرى ما كان ، الاثاث اللي اخترتيه بيستغرق شكثر مدة لتنظيفه هل يتراكم فيه الغبار بسرعة ، هل يستحمل اذا كان عندج اطفال ونقاط ثانية وايد طبعي انتي حدديها
9 - حاولي يكون عندج مجموعة مفارش مثلا 3 او 4 بالوان مختلفة عشان التغيير ( وحاليا صار الموضوع سهل جدا مع وجود المفارش التلبيس اللي تقدرين تخزنينهم بسهولة وتغسلينهم في البيت بعد بسهولة جدا وتقدرين تشترين منهم العدد اللي يناسبج لانهم ما ياخذون حيز كبير في التخزين )
- في النهاية اذا اخترتي اثاث والوان تقدرين تدخلين فيها تغيير دائم هذا شي بيفيدج جدا ( اولا بينعكس على نفسيتج , ثانيا على نفسية الزوج اللي بيحس اصلا انج انسانة مبدعة ومتجددة لانج قادرة تغييرين شكل الغرفة في كل مرة بحركات بسيطة جدا )

وبالتوفيق يارب وتتهنين مقدما

ماااااشاااااااااء الله 25 مشاهدة ورد واحد ...

معقولة الــ25 ماعندهم رااااي ...

ع العمووووم مشكووورين ..

اشوف المنتديااات الثااانية وبرجع ..

ان شالله احصل اللي ابييييه ..

اختي اختاري لون يناسب لون الاثاث لغرفه النوم وافضل تختارين الون الاخضر او الازرق او البيج المايل للبني والبرتقالي والاصفر دمجيهم ويا بعض ترى وايد روعه واختاري خلفيه الجدار للسرير ورق جدران يناسب الالوان هذه وبنفس الوقت يكون كلاسيك وناعم

واذا بتختارين الون الاحمر الا يشابه دم الغزال تقريبا بعد حلووو مع البيج او المذهب بيطلع وايد رووعه وبالاخير اختاري الون الا انتي وريلج ترتاحون له لنها غرفه العمر