جمال الحاجبين

اخواتي العزيزات انا قبل لا احفهم ماكنت ادري انه حرام والحين بعد ماحفيتهم قلت خلاص ماراح احفهم بس شكلهم يخرع لان حواجبي اعراض طلع تحت اجفون وفوق الجفون صار شكله يخرع وبعد انا قبل لا احفهم كان يطلعلي في الوسط والحين بعد وش اسوي وخصوصا اني متزوجه شكلهم وااااااااايد يخرع ما اعرف وش اسوي ارجوكم قولولي

يعطيج العافيه ،،

صحيح ايه ممكن يكو ن الحل

دي مشكلة صعبة فعلا

يعطيج العافية على هذا الكلام الحلو
وجزاج الله الف خير
وانا حواجبي عراض بس رحمة
الله اهم من الموضه وخرابيطه:D

اختي العزيزه عروس الدوحه اثابك الله وثبتك
مافيه احلى من الواحد يعيش برضا لله وعجبتيني انك لما عرفتي انها حرام والله يجزاكي خير وثقي تمام الثقه ان الله راح يعوضك خير باذنه تعالى
وانتي ياعزيزتي ذكرتيني بوحده من صديقاتي كانت تحفهم وكان شكلها حليو بس بعد ماتاب الله عليها وتركتهم بالبدايه كان صعبه عليها خصوصا الشعر طالع لونه مدري وش يبي من جد وصارت تشقر الشعر اللي يطلع اول باول يعني كل ثلاثه ايام تشقرهم بالبيت ب جولان ماياخذ منها ولا ربع ساعه لحد مارجع الحاجب على طبيعته اللي خلقها ربي وصارت ترسمهم بالشكل اللي تبي وتشقر اللباقي اذا ماتعرفين التشقير روحي للكوافير بالبدايه خصوصا لو تبين تعرفين الشكل المناسب لرسمهم وانتي بعدين بعود القطن تحطينه بالمشقر وتخطين على حاجبك من تحت ومن فوق وتتركينه مغطي الشعرالغير مرغوب فيه تقريبا ربع ساعه بعدها امسحيه ثم اغسليه بالماي وشوفي النتيجه
اقولك عزيزتي مشاء الله زميلتي هذي اول مابدت تخليهم الكل كان يطالع حواجبها من شكلها المش حلو بنظرهم بس بعد ماطالت مثل اول وعرفت شلون تشقرهم صارت البنت احلى من اول بكثييييير الكل صار يقول لها مشالله وجهك منور صرتي احلى محلوه ومن هالكلام
غاليتي لاتنسى من ترك شيئا لله ابدله الله احسن منه وهالتجربه اللي قلت لك انا شايفتها مو سامعتها وصدقيني ربي راح يخليك حلوه بعيون زوجك اولا وكل الناس ثانيا اذا ارضيتي ربك قبل كل شي الله يثبت واتمنى لك حياه سعيده

انا بعد راح اسوي هالشي انشالله .. اقصد المشقر ... بس المشكلة اني قلت لامي اني ما راح احف بعرسي .. بهدلتني :( بس ما عليه .. لما ايي وقتها .. بخلي ريلي يكلم امي و يقولها انه ما يبيني احف :)

الغاليه عبير الشوق
العرس ليس ورقه ولا صك يحلل الحرام ويحرم الحلال انما هو حمكه لاكمال نصف الدين ولازم تبيني لامك هذا الشي واكيد امك تحبك ولاتبي لك الطرد من رحمه الله اقنعي امك باسلوب رقيق من جناح الذل من غير ما تزعلينها وذكريها ان التوفيق من الله ليس بالحواجب ولا بالشكل والله يوفق الجميع

الغاليه عبير الشوق
العرس ليس ورقه ولا صك يحلل الحرام ويحرم الحلال انما هو حمكه لاكمال نصف الدين ولازم تبيني لامك هذا الشي واكيد امك تحبك ولاتبي لك الطرد من رحمه الله اقنعي امك باسلوب رقيق من جناح الذل من غير ما تزعلينها وذكريها ان التوفيق من الله ليس بالحواجب ولا بالشكل والله يوفق الجميع

خلاص اختي ام ميرال راح اسوي طريقتك بروح للصالون وبشقرهم بس اللي في الوسط وتحت الحاجب يعني لما يتشقر مايبين لاني سمعت ان التشقير يبين في الضوء بس عالعموم خلاص بروح الصالون وبخليها ترسمهم لي وتشقر الباقي وشكرا لكي

المهم عندي ربي ومعليش اول مرة ما راح اتقبل بس مع مرور بيصير عادي
بنات كل وحده تعرف شي كيفية ترتيب الحواجب بدون مانحفهم تقول عشان نستفيد وشكرا

بصراحة يا بنات أنا بعد اشقر حواجبي بس تدرون أن اللجنة الدائمة للبحوث العلمية والأفتاء أجابت بأن تشقير اعلى الحاجبين واسفلهم لا يجوز لما في ذلك من تغيير لخلقة الله سبحانه ولمشابهته للنمص المحرم شرعا ....

مرحبا اختي ام ميرال
حسب علمي انو مفتي المملكه حرم الصبغ وتشقير الحواجب لانه نفس النمص من ناحيه ومن الناحيه الطبيه انك قاعده تحطين ماده كيميائيه في منطقه حسااااااااااااااااسه


اللي ابغى اقوله مافي احلى من الطبيعه وبعدين اختي عروس الدوحه من ترك شيئ لله ربي يعوضه بالي احسن منه وراح يحليك بعيون زوجك وتدوم المحبه بينكم باذنه سبحانه

أختي عروس الدوحة.. حف الحواجب زينة .. و إذا كنتي متزوجة شنو المانع انج تتزينين لزوجج .. بعض الفقهاء أجاز للمتزوجة انها تحف حواجبها .. كما أجازوا للي حواجبها عريضة انها اتحسن شكلهم ..
ما نقول رسموهم رسم .. بس نظفوهم .. و حسنوا شكلهم .. والله يا زينج وانتي امجابلة زوجج و حواجبج كل شعره فيهم متهاوشة مع الثانية !!!

الله اعلم

انا سمعت الشيخ عبدالعزيز المسند في برنامج الافتاء الى في قناة mbc يكون ما في مانع من تنظيف الحواجب وانه شي غير محرم وانما الحرام هو حلق الحاجب بكامله ورسمه بالكحل وهذا ما يسمى بالنمص ..

ينقل لقسم البشرة والجسم

وتفضلي عزيزتي هذه بعض الفتاوى اللي تهمك

بسم الله الرحمن الرحيم

حُـكـم تشقير الحواجب - فتوى اللجنة الدائمة -
فتوى رقم ( 21778 ) وتاريخ 29/12/1421 هـ


الحمد لله وحده والصلاة والسلام على من لا نبي بعده ، وبعد :
فقد اطلعت اللجنة الدائمة للبحوث العلمية والإفتاء على ما ورد إلى سماحة المفتي العام من المستفتي مبارك صالح ، والمُحال إلى اللجنة من الأمانة العامة لهيئة كبار العلماء برقم ( 7868 ) وتاريخ 19/12/1421 هـ وقد سأل المستفتي سؤالاً هذا نصه :
( فقد انتشر في الآونة الأخيرة بين أوساط النساء ظاهرة تشقير الحاجبين بحيث يكون هذا التشقير من فوق الحاجب ومِن تحته بشكل يُشابه بصورة مطابقة للنمص ، من ترقيق الحاجبين ، ولا يخفى أن هذه الظاهرة جاءت تقليداً للغرب . وأيضا خطورة هذه المادة المُشقّرة للشعر من الناحية الطبية ، والضرر الحاصل له ، فما حُـكم الشرع في مثل هذا الفعل ؟ أفتونا مأجورين ، علماً بأن الأغلبية من النساء عند مناصحتها تطلب ما كُتِب من اللجنة ، وتَردّ الفتوى الشفهية فنرغب – حفظكم الله – إصدار فتوى . سائلينه سبحانه عز وجل أن ينفع بها ، ويحفظ لهذه الأمة دينها . إنه ولي ذلك والقادر عليه ) .

وبعد دراسة اللجنة للاستفتاء أجابت بأن
تشقير أعلى الحاجبين وأسفلهما بالطريقة المذكورة لا يجوز لما في ذلك من تغيير خلق الله سبحانه ولمشابهته للنمص المحرّم شرعاً ، حيث إنه في معناه ويزداد الأمر حُرمة إذا كان ذلك الفعل تقليداً وتشبهاً بالكفار أو كان في استعماله ضرر على الجسم أو الشعر لقول الله تعالى : ( وَلاَ تُلْقُواْ بِأَيْدِيكُمْ إِلَى التَّهْلُكَةِ ) وقوله صلى الله عليه وسلم : لا ضرر ولا ضرار . وبالله التوفيق .
وصلى الله على نبينا محمد وآله وصحبه وسلم .اللجنة الدائمة للبحوث العلمية والإفتاء
الرئيس
عبد العزيز بن عبد الله بن محمد آل الشيخ
عضـو
عبد الله بن عبد الرحمن الغديان
عضـو
صالح بن فوزان الفوزان

كتبه
عبد الرحمن بن عبد الله السحيم
[email][email protected][/email]

مالك الا التشقيرلانه مو حرام ويطلع شكلك مرتب بس لازم تكونين محترفه مثلي