خايفة يتزوج علي وانا لسا ما كملت سنة زواج

السلام عليكم ورحمة الله وبركاته

بدخل بالموضوع مباشرة

أنا صارلي متزوجة 8 أشهر والآن حامل والحمد لله بالشهر الثامن حملت اول ما تزوجت
زوجي الحمد لله بيحبني كتير وآخذة عقله وقلبه وكنت حاطة ايدي ورجلي بماي باردة مثل ما بيقولو

يعني متطمنة ان زوجي مستحيل يفكر بالزواج الثاني لانه دائما كان كل ما احد يتكلم بالزواج الثاني كان زوجي من المعارضين
طبعا ما بينكر انه سنة عن الرسول عليه الصلاة والسلام ولا انا ما بنكر الموضوع بس رأي زوجي ورأيي ان طالما في تفاهم وحب متبادل بين الزوجين وراحة ليش الزواج الثاني وهذا الكلام من زوجي كان مخليني دائما متفائلة ومرتاحة

بس اللي صار ان في شخص بيعرفه زوجي وبيحبه كتير متزوج 4 نساء هو هذا الشخص من بلد ثانية مش من لبنان بس جاء زيارة للبنان وطول فترة زيارتة كل يوم زوجي يروح لعنده
وكل كلامهم كان عن تعدد الزوجات
كل ما بيرجع زوجي بيحكيلي شو صار معه والكلام اللي قاله هذا الشخص
صرت خايفة على زوجي كتير
كان هذا الشخص بيقنعه باهمية تعد الزوجات وفوائدها ومن هذا الكلام
لدرجة ان زوجي تغير كلامه
وصار يأيد هذا الأمر ولما يشوفني اتدايقت من كلامه بيقول لي بس أنا مستحيل فكر بغيرك
بس المشكلة ان صار أحيانا بيمزح معي وبيقول لي اذا ما سويتي هذا الامر بتزوج عليك:(
بيقولها بطريقة المزح بس والله صرت خايفة كتير
الحمد لله هذا الشخص رجع بلده بس المشكلة ان افكاره بقيت مع زوجي
صرت خايفة اغلط اي غلط حتى ما يفكر زوجي بالموضوع هذا اذا ما كان بيفكر فيه الآن:(
والمشكلة اني حامل بنهاية حملي والكل بيعرف تعب الحمل والثقل وما بتحتاجو خبركم
وهذا الشي مخلاني اقصر ببعض الأشياء تجاه زوجي:'(

بنات انا خايفة كتير خصوصا اني بدات الاحظ تغير بتفكير زوجي وكلامه:'(
حتى لو كان كلامه بالمزح بس صار يخوفني:'(

حبيت افضفض لكم واذا في عندكم حل ياريت ما تبخلو علي