دجآج بآلكريمآ// مبتدئه وخاطرج تسوين شي لذيذ وسهل ؟؟

السلام عليكم ورحمة الله وبركاته

حابه اقدم لكم وصفة سهله واغراضها غالبا متوفره فالبيوت وجدا سهله

والاهم النتيجه بعد ذلك يم يم يم لذيذه جدااا

نبدا بالمقادير:



4 صدور دجاج مقطع مكعبات*
كيس ونص معكرونه اللي تفضلونها *
كريما للطبخ باكيت واحد*
ربطة شبت مفرومه من غير العروق*
2 فلفل بارد مقطع مكعبات *
حبتين بصل مقطعين مكعبات*
2 فص ثوم مدقوق*
ملح وفلفل اسود وجبن شيدر وجبن موزاريلا < ما صورتهم :p

الطريقة؟

1- نحط زيت كميه مناسبه على النار ونحمس الدجاج الى ان ينشف الماي ويقارب على النضج



2- بعد ما نتأكد ان الدجاج ناضج نضيف البصل والثوم ونحمسهم مع بعض الى ان يذبل البصل (ممكن تضيفين مشروم مقطع شرايح لكن انا ما حطيت)

3- نضيف الملح والفلفل الاسود

4- نضيف الفلفل البارد ونقلبه شوي واخر شي الشبت ونغطي الجدر نخليها تستوي شوي..

هذا شكلها بعد ما صارت جاهزه



5- نضيف باكيت الكريما على الخلطه اللي فوق ونخليها على النار لين ما تغلي الكريما وتثقل
( اذا صارت خفيفه ممكن تضيفين 3 قفشات جبن سائل )



6- انجيب قالب ونصب فيه الكريما اللي سويناها ونرش القالب بطبقة جبن شيدر وطبقه ثانيه جبن موزاريلا وندخلها الفرن لين يسيح الجبن



7- نسلق المعكرونه بالطريقة العاديه (ملح وشويه زيت)



جذي نكون خلصنا وباقي الشكل الاخير


المعكرونه جاهزه واضفت عليها قطعه زبده للنكهه



وهذي الكريما (ملاحظه : اذا بردت بتطلع ألذ واثقل.. انا خليتها فالثلاجه فتره وبعدين قدمتها)




..



^
^
وهذي للي بيردون علي ويقيموني ;)

وهني وعافيه
اختكم: السنعوسيه