تغيرت داخليا بس كيف تقنع زوجها

السلام عليكم ورحمة الله وبركاته
شخبااااركم بنات ؟؟
وأهنيكم بقدوم رمضان ... يارب بلغناااه


وحده قريبه لي
لها سنه من تزوجت .. كانت في شخصيتها صفات ماتعجب زوجها وكذا مره كلمه
بس ماقدرت تغيرها .. وف هذي السنه يمكن مليووون مره طلبت تتطلق منه .. بالغت أدري .. لا والله بس واايد يعني كل ماتزعل منه تقول خلاص وديني بيت أهلي نحن مارح نتفاهم طريقنا مب وااحد .. مع العلم انها تزوجته عن حب دام سنتين سنه كان من ورا البيبان يعني لاتكلمه ولا شي بس ماقصروا مرسال الأحبه وخاصه انه ولد خالها قريبها يعني وسنه ملجوا على بعض وكانو يكلمون بعض بس مب دايما للضروره يعني تقريبا كل شهر 3 مرات .
بينهم قصة حب الكل يتكلم عنها وعن حب زوجها لها ضحى بأهله كلهم في سبيل ياخذها زعلوا منه قوم أهله لأنهم كانوا يبغونه لبنت بس هو مارضى الا ياخذ شما
الموهيم أنا شوي دخلت في التفاصيل قلت يمكن تفيدكم
حبيباتي مثل ماقلتلكم ومن الأشياء اللي ماكان يحبها كانت سلفتها في البيت حرمه عووده أكبر عنها وعنها عيال وهي لسا صغيره عمرها 20 سنه بس سلفتها الله يهديها حاطتنها بين عيونها تعرفون غيرة الحريم الله يهديها وكل مره مشكله هي وياها يعني هي تتضايق وتسكت بس لما تقعد مع ريلها يقولها ياشما خليكي زي زوجك طيبه وسامحي الكل لاتحقدين على حد وتتواقع وياه هذا مثل يعني لما تشكيله من حد جي يكون رده مع العلم إن ريلها معروف عند الكل بطيبته مررررره ,, والشي الثاني تغار عليه من كل شي , لدرجة انها حامل وتفكر لو يا اللي في بطنها تسأل من رح تحبه أكثر أنا ولا وعيالنا ,, وكانت مرات ترفع صوتها عليه لو تزاعلت هي وياها ومرات يكلمها لما تكون متضايقه منه وقدام أهله ترد عليه بجفا وكانت 24 ساعه تتصل وينك ,, ليه ماتتصل عليه ليه ماترسل انت أكيد ماتحبني وهي أكثر وحده تعرف مكانتها في قلبه وشو يسويلها بس كلها وساويس شيطان ,, آخر مره تزاعلت وياه قبل أسبوع في الجوال لأنها في بيت أهله متوحمه وتعبانه كانوا يتكلمون عن انه تغير وماعرف شو ومن كلمه لكلمة لين ماقالتله طلقني وهذي أول مره تقول هالكلمه كلمة طلقني دوم تقوله صح بس بمعنى آخر خلاص مارح نكمل طريقنا أو خلنا ننفصل يعني
الموهيم اتصلت فيني وهي كانت تصيح قلتلها قفلي مني وروحي صلي ركعتين وادي ربج لاتشكين لي أنا أنا حالي حالج
بعد ماصلت وبكت ثاني يوم اتصلت فيني الا صوتها متغير وتحلفلي انها وهي تصلي وتدعي ربي وهي تبكي حاسة براحه غريبه وتحس ان الدموع اللي نزلت منها غسلت قلبها من كل شي ..
فعلا حسيت من كلامها انها صادقه أختها قالتلي هالشي حاسين فيه في البيت حتى زوجها ما أذته لا بمسج عتاب ولا شي وماتتصل عليه الا لو اتصل


بس المشكله كيف زوجها يقتنع انها تغيرت ؟؟


أسأل الله العلي العظيم رب العباد أن يفرج همومكن وييسر أموركن وأن يسخر أزواجكن ويرزق كل فتاة لم تتزوج بالزوج الصالح قريبا يااارب

اللهم آمين .. اللهم آميين .. اللهم آميين