مشكلة اخويا الرجاء من الجميع الدخول رأي كل واحدة يهمني

السلام عليكم ورحمة الله وبركاته
نظرا لاني فعلا استفدت من القسم هنا و من أراء الجميع و لله الحمد فقررت اطرح عليكم مشكلة اخويا و أسأل الله اني الاقي عندكوا الحل و ارجوا من كل واحدة تشاركني برأيها حتى ولو كان بسيط
الموضوع هو انا ليا اخ هو ما شاء الله طبيب و امي الله يشفيها و يعافيها موفرة له سكن نظرا لأنه في بداية حياته و لغلاء المعيشة و احنا الحمد لله العائلة هنا ما شاء الله بفضل الله كلنا مؤهلنا العلمي عالي و الحمد لله وماديا احنا من الطبقة المتوسطة الحمد لله لكن اخويا عشان في بداية حياته مرتبه قليل شوية
اخويا عقد قرانه على بنت طيبة هي والدها متوفي اكبر منه في السن سنتين و عيلتها ناس طيبين من الطبقة المتوسطة زينا
العيلة هنا كنا في الأول رافضين انه يكتب كتابه ( يعقد قرانه بالسرعة دي ) و انا قلت له انه لو لا قدر الله حصلت مشاكل هو حيخسر كتير و هيا كمان و قلت له يكتفى بالخطوبة وبس و امي كانت معارضة السن لأن امي قالت له انه المرأة بتكبر قبل الراجل ( المقصود انها بتتعب و صحتها تتراجع بدري ) بسبب الخلفة و لما يكبروا في السن حيلاقيها كبرت بدري في حين هو حيحتاج اللي يخدمه بس في النهاية هو اصر انه يكتب الكتاب
انا اخويا من النوع الطيب جدا و طبعه حلو بشهادة الجميع و شهادتها و شهادة اهلها بفضل الله بس هو بيكتم في نفسه كثير و بعدين ينفجر و تبقى ردة فعله عنيفة جدا و بيبقى عصبي جدا مع انه و قسم بالله مش عشان انا اخته بقول الكلام دا بس حقيقي هو طيب فعلا
هي طيبة و تحسي على طول انها صحبتك و اختك و امها ست طيبة جدا و مضيافة و الله بس البنت و امها بيقولوا كلمات عن حسن نية و سذاجة كلمات تزعل فعلا وهيا اكتر من مرة تحسس اخويا بكلامها (بسذاجة) انه مرتبه صغير وكلام من دا بالإضافة الى انها ليها بعض الردود القاسية بدون ما تقصد و أمها نفس الحكاية
هي كمان مترددة جدا يعني اخويا بيعمل لها اللي عايزاه وبيراضيها بس هيا مش بيعجبها حاجة دايما عندها هاجس انها اقل من الناس و دا لأن جميع البنات في عيلة امها احلى منها و أتجوزوا قبلها مثلا العفش و الفرش كل ما يشتروا حاجة و تعجبها بعد كدا يحطوها في البيت تقول مش حلوة في كل جزء من اجزاء العفش و امها بعد ما اخويا اشترى غرفة من الغرف خطيبة اخويا هيا اللي كانت مختاراها و عجباها و عجبت اخويا و اشتراها راحت تقول متلزمناش و مش عاجبها و البنت كمان اتضايقت و قالت مش عاجباها و العفش كله على كدا مع ان اقسم بربي اخويا ما شاء الله مشتري عفش ستايل موديل 2010 و حلو ما شاء الله و هما الإتنين موافقين على الشكل و الألوان ترجع تقول لأ مش عجباني اشياء تانية غير العفش مثلا يخرجوا عشان يتفسحوا تقول كلمة تزعلوا و متعتذرش لأنها دايما بتحس ان الإعتذار اهانة لكرامتها و بعض الأشياء تحسي انها متخذة اخويا ند ليها مش زوج ومترددة في حاجات كتير و على اتفه الأشياء تحسي ان فيه مشكلة هو تعب من كل كدا كان قبل كدا قال لها مرة الحياة ابسط من اننا نضايق بعض و انا كذا بيضايقني متعمليهوش بس المشكلة ان دا طبع فيها هو دلوقتي وصل لقمة غيظة و مصر انه يطلقها ابويا رافض ذلك و قال له ان كدا لعب عيال مينفعش انه يعقد قرانه بسرعة و يطلقها بسرعة و امي متضايقة للعلم انا امي لم تتدخل في اي شئ بينهم و انا بحاول اني اهديه و اقول له ان دي كلها عيوب ممكن تتصلح بمرور الوقت هو مصر انه طبع سئ فيها و مش حيطلع و انها حتنكد عليه العمر كله و انها عمرها مقدرت تعبه و لا اللي بيعمله عشانها انا مش عايزة اتصل بيها و لا اقول لها شئ لسببين اولا اني في مرة حصلت مشكلة بينهم و صلحت انا بينهم هيا كانت متضايقة انه قال لي على المشكلة و اني عرفت و السبب الثاني اني اصغر منها في السن وهي مش حتتقبل من حد في سنها النصيحة فضلا على انها تتقبل من حد اصغر منها
ارجوكم ساعدوني انا فعلا حزينة على اخويا وعلى البنت برده اعمل ايه ؟ للعلم هو عقد قرانه فقط مش دخلة