لم يؤذني أحد في حياتي قط .. مثلما آذتني امي .

السلام عليكم ورحمة الله وبركاته ..,
أشكركم أخواتي لقبولي بينكم ..,
أنا سجلت بصراحه لأن عندي مشكله ..وما أبي حل كثر ما أبي أفضفض .. وأشكي لحد .. لاتستغربوا .. لأني دورت حلول كثيره بس الظاهر مشكلتي ابتلاء أو قدر قدره الله لي .. وما علي غير اني اصبر .. بس لين متى !!! أدري الشكوى لغير الله مذله .. وأنا اشتكيت لله في بادئ أمري .. ثم شعرت اني محتاجه حد ثاني اشكيله ..وأشتكيت للجدار اللي في غرفتي .. ولو هذا الجدار فيه روح كان تصدع وتشقق من مــر الشكوى الي أعانيها ..,
خواتي ..، لاتستغربوا من العنوان .. ياما سمعنا عن أمهات سووا بلاوي في فلذات أكبادهم عيالهم .. وفي أزواجهم ..والجرايد والاعلام طفح من هالمشاكل .. وأنا مجرد وحده من هالحالات ومش اول ولا اخر وحده ....<اعتقد انكم الحين تدرون اني مقتنعه بالمشكل اللي عندي وفاهمتنها عدل ..بــــــس والله هذا مايبرر اني ما اشكي .. لأني في داخلي شكوى عمرها 9 سنينن يعني بالعربي صار لها 9 سنين المهم ..
بنات والله تعبت من كثر ما اشترك في منتدى وأكتب الشكوى وبعدين اريد اعتمدها ينحذف الموضوع لأنه يكون في غلط في شي بالموقع او بالكمبيوتر عندي وتكرر هالشي في 3 مواقع وانتوا الموقع الرابع فتعبت وأنا أكتب المشكله في كل مره وتنحذف لأنها طوييييييييله ومفصله بالضبط لما يحصل معي وتاخذ مني كتابتها 3ساعات تقريبا .. لذلك سوف أكتبها الان بأختصار شديــــــد لأني والله تعبت واايد ولاعت جبدي من كثر ما اكتب مشكلتي وتنحذف قبل لا أعتمدها وكأني كل ما اكتب المشكله اجرح نفسي زياده ..
أنا بنت طموحه وأحس اني اقدر أبدع ..لا مش أقدر الا مبدعه ونص وهذا كلام الناس والمدرسين في الثنويه والجامعه ..وفكري كبيير جدا وأحب اتحاور في امور الدين والدنيا وأفهم أشياء في الدنيا والله أن امي وابوي لايفهمونها مع انهم متعلمين ومكملين جامعه بس لأني أختلط بناس كثير وأعرف فلان وعلان ... وهذا نيته زينه ولا شينه ..
(( المشكله عندي أم واقفه في طريقي سامحوني عالكلام بس والله هذا الي قاعد يصير .. وسامحوني على الاختصار الشديد الي بختصره الحين لأني احس اني ببكي مااقدر خلاص .. ولو لاحظتوا انا مابديت بالمشكله على طول .. عطيتكم مقدمه طويله عريضه أحاول أتهرب من المشكل اللي عندي لأني كل ما أذكرها أحس بكئابه شديده وقهر وظلم شديدن
يا أخواتي بقلكم شوي من صفات امي ..( امي تكذب واااايد علي وعلى ابوي .. اهم شي مصالحها .. تظلمنا وتظلم الخدم قهر هاذييل يدورون رزق وهوايتها .. تكبير المشاكل تموت على ههالشي .. لا خلت جيران ولا اصحاب .. حتى ربيعاتي فظحتنا قدامهم ,, ابوي جالس في البيت بدل لايقعد مع الرياييل ويشاركهم المجالس .. لأن اصلا حرمته من كل ربعه .. بنات وربي مقدر اكتب بموت قهر بكمل بعدين

/خواتي سوناا و مس اراك/ ..فديتكم يا خواتي لا تقهروني زياده وتحسسوني اني غلطانه .. ارجوكم انا قلت لكم الموضوع من 9 سنين وهالسنين الثلاث الاخيره صار بزياده .. انا ما كتبت لكم الموضوع كامل وبالتفصيل لاني تعبت من كثر ما أكتبه .. وأنا الحمد لله مواظبه على صلاتي .. عكس امي الي تصلي وقت مايعجبها وتقول عادي عندي وقت لين اللييل !! هذا غير ان ابوي دايما يلعنها .. تدرين الحرمه الي يلعنها زوجها شو معناته ! صح ... ودايما يقولها (انتي مناعه للخيـر معتد اثيم ) والله هالكلمه دايما على لسان ابوي .. وبالنسبه يوم قلت ابا عرف اي نوع ابداع هذا ؟؟ اختي تظنيين اني بطلع في التلفزيون ولا بكون مشهوره !!؟ بس بقولج شي عن نفسي انا متدينه كثيرا والفضل لأبوي لانه ملتزم ومتمسكه بعاداتي والله لايغير على ان شاء الله .. ولما قلت مبدعه قصدت اني مبدعه بفكري .. اعرف انجح في شغلي وادبر اموري .. عندي مواضيع وافكار كثيره حلوه مثل ماذكرت قبل احب اتناقش في امور الدين والدنيا ..وعلى فكره كل مشكله تمر علي اقدر احلها وبطريقه صح الا هالمشكله الي رافقتني طوال 9 سنين ولا اقدر افك منها ../ خواتي اتنوا شو حسبالكم .. أنا اكثر وحده في البيت احب امي ومازلت انا ما قلت اني اكرها ..مع كل شي سوته وتسويه فيني صدقوني لما اشوفها تعبانه ازعل من كل قلبي .. انا مشكلتي .. ليش امي تكرهني لييييش ؟؟!! بلييز محد يقول لي ما في ام تكره ظناها ترا مليت من هاذي الاسطوانه المشروخه .. ونحن شفنا وسمعنا حالات كثيره .. وانا ما كتبت لكم كل شي بالتفصيل من القهر لاني ما اقدر اكتب عليها كذا بس شسوي هي صاكتها معانا من كل الطرق وانا ما كتبت لكم الا من بعد محاولات مني ومن ابوي وعماتي بس لا حياة لمن تنادي .. لاتنسوا امي بشر والبشر يغلط هي مش معصومه من الغلط عشان تقولو لي هاذي امك ومستحيل تتظلمك ولا من هذا الكلام ../ بقى أن أخبركم أن الي حوالي ( عماتي وخواتي ) يقولون لي ان امك تغار منك .. وطبعا هالكلام من زمان وللحين من كان عمري 13 سنه بس كان مايدخل مخي كنت صغيره كنت اقول كيف تغار .. طب هي ولدتني يعني كيف تغار .. الغيره بين الربع بس تكون .. / طبعا الحين انا 20 سنه وادركت هذا الشي فعلا ..