دى المقادير انا عملت الكيكه البرتقال
وده كان شكلها لما طلعت من الفرن طبعا قفلت عليها وسيبتها ف الفرن ربع ساعه عشان متهبطش
وهنا لما قلبتها ع ضهرها وبقت تمام
هنا بقي كنت سيحت الشكولاته الخام بكبايه لبن عليها معلقتين نشا لحد ما ربطت شويه
وده الكريم شانتيه بعد ما حضرتهوحطيتو فالتلاجه
المهم سقيت الكيكه بالسفن وقسمتها نصين وحطيت شكولاته فالنص وطبقتها ع بعض
ووزعت الشكولاته عليها وساوتها ع الكيكه بالفرشه الى بندهن بيها الصينيه بالسمنه دى ام ايد سوده
وبعدين حطتها فالفريزر ساعه كده
ولما خرجتها كانت بقت تمام الزخرفه دى بقي كنت محضره نفسي وجايبه القمع بتاع الكريم بس جتلى فكرة تانيه
عارفين ستونة لما بتعمل رسم الحنه عملت قرطاس كده من غلاف مجله وممكن يتعمل بكيس بلاستيك عادى بس فتحه الكيس تبقي صغيره اوى
المهم وحطيت فالقرطاس الكريم شانتيه وبدأت ازخرفها زى مانتو شايفين كده
وده قبل ما احط الكريز بعد ما طلعت مالفريزر لتانى مره طبعا وكان طعمها لذيذ اوى بس بيني وبينكو الكيكه بالشكولاته كانت هتبقي احلى
وده شكلها النهائي
