أمـــي ..!!

السلام عليكم .. شخـباركم ؟؟

حـبيت اقول مشكلتي بدل ماتم ساكته

ودام انه بنات كثيير كتبو مشاكلهم وانحلـت يمكن اكون من ضمنهم ليش لا معـنه ماعتقد

شلون ادخل بالزبده مادري

المشكله طبعاً اني وامـي تكـرهنـــي لأبعد الحـدود

ليش وشنو مسويه !! بدون سبب والله العالم

واكيد بتقولون هذي امج وتحبج ومستحيل تكرهج هو اكيد ده الكلام الصح بس هذا الي اشوفه منها ماقط تحسسني بحنان وحب

ماعمـري في حياتي بستها بدون سبب ( الا اذا كنت مسافره ورديت أو اهي مسافره ) ولا قط لميتها

المشـكله ان دايم تسكتني اذا بقول اي سالفه بسيييييطه ولو انها ماتسوى

يعنـي مثلا (( اليوم شفت ياهل عمري عليه أينن كان ف المحل هذا ووووو )) تسكتني مباشره باي طريقه

مثلا تقوم عنـي واني اتكلم !! او انها تقول روحي صبي ماي او اي شي اهمشي تسكتني يعني حتى بسبب او بدون تتعمد تقطعني وبس وتبغى تفهمني ان مابي اسمعج وكلامج مايهمني

من جـذي قمت اتردد اقوليها اي شي يفرح والا يزعل

هذا شي

شي ثاني

تصارخ وتعصب علي بدووووووون سبب ابد ابد لو اكون قاعده اطالع التلفزيون تجي تتتكلم وتقول اشياء فاضيه ودائماً تقول ان نادمه انها يابت عيال وووووو من هالكلام انتوا مامنكم فايده وانتوا ونتوا

ف المقابل تمدح اهلها وتخليهم باحلى صوورة حتى لو كانو مسوين اي شي غلط

واهل ابوي تكرهم وماتواطنهم معـ انهم طيبين ويدخلون القلب من اول قعده ولو تشوفون شلون يتكلمون عنها بالزين وهي مو معانه

وبس يشوفوني رحت بدونها وين امج سلمي عليها ووحشتنا وكلام والله احسه طالع من كل قلبهم الله يخليهم يارب

لحـد انها حتى ابوي تعامله باقل ما يكون واجب انها تعامله حاله من حال اي شخص تكره ف حياتها

يتعـب ف كل شي ماتقدره واقل غلطه تلاقينها مكبره الموضوع وعاطته اكبر من حجمه

اعطيكم مثال اشتر هذا الشي للمطبخ وماجابه بنفس اليوم يـقوم البيت كله ويقعد على اسباب سخيفه والله

والمشـكله الكبيره

انهـآ قدام كل الناس كـــــــــــل الناس احمر وبالخط العريض سواء تحبهم او تكرهم

تبين لهم المحبه وتعاملهم بكل احترام وبشوشه وايييييييد ( الله يدوم عليها يارب ) حتى لو سوو شنو اهمشي ماتضايقهم بنص كلمة وطبعاً لو صار شي وماعجبها تجي تقوله لي بس بصراخ وبعتب طبعاً >> ايش الي دخلني بالموضوع مادري

مثلا مرة كنا ف مكـآن .. وكانت مع احـد تنظف ومدري وش طاح على ايدها وتألمت قامت سيده تنادي الله لا يوفقج يا .... كل منج انتي الي مكرهـة حياتي انتي وانتي وانتي

مااااااااااالي دخل بالموضوع ابببببد !!

(( اني لحين طبعاً معاها وبعدني صغيره ))

وهالتعامل مادري من متى بصراحه بس اول ماقمت افهم هي جـذي وللعلم اني وحيـدتها بنت

انـي ما ارد عليها الا ف اوقـآت تخليني اطلع من طوري

اني ف عمـر للحين ماطلعت من المراهقة وكل بنت بتخاف على بنتها من الشباب وووو الطريق الغلط بس اني الحمد لله من شفت تجارب البنات مع الشات الي ماله داعي والحب الي مامنه فايده ماكـلم أي شــــــاب لا بالنت ولا بتلفون ولا بغيره وعمـري ماتخليت عن حجابي ولما اطلع اكون مستره لانـي اخاف على روحي

واهم شي هذا الي يرضى الله طبعاً ..

فـمن تشوفني اسولف بالمسنجر اي ماعرف ليج اني تكلمين الصبيان .... وكلام ماستحمله اقوليها لا تقولين هالكلام ليش شنو شايفتني ماحب ارد عشان ماتزيد لكن والله قهر تقول عني اشياء ماسويها

وبعدين كل هالعمر محافضه على روحي عشان سمعتي وصورتي الحلوة تقول عني جـذي

ليش بـــس ؟؟

ومع اهلي واي احد ف سني ونكون متجمعين تحاول تطلعني باسوء صورة تقدر مثلا ماتساعدني خايبه و.... ( شنو اسميه نكر جميل والا مايملي العين الا التراب )

ولو اني لبست شي مثل احد نفسي بالضبط تقول هم عليهم حلو وانا لا

يعني حطو عمركم بهالموقف عشان تقدروني

ورده فعلي هي احرق دمي واني اصيح واسكت

واذا شفت اي بنت جميله تقول هي احلى منج

طيب قولي جميله وخلااص اكتفيتي ليش تصغريني ؟؟


حطو نفسكم بكل موقف ولو كنتوا مكاني شنو تردون

ومدام اني ف طاعه ربـي هذا الي مصبرني ومهـدي كل كبيره على نفسي

اتوقع وصلت للصورة الكاملة وهذي الاشياء الروتيتنه اشياء وايد تصير وتجرحني ولكن معليش اصبر

والله يخليها ويحفظها ويدومهـآ ولا يحرمـني منها لان لو يوم تغيب عني يتقطع قلبي

والله يهـديها

سـاعدوني بشلون اتصرف معاها ومع هذي المواقف الي تصير حقي

ومع العلم ان ماقدر اناقشها باي كلمتين لان قلت لكم ماتسمعني ولو سمعتني تتمصخر وماتعطي كلامي اهميه

مسامحه طولت عليكم بـس محتاجته وقفتكم