ســـــــاعدوني رحم الله والديكم

السلام عليكم ورحمة الله وبركاته
مابي اطول وايد وبقولكم قصتي بسرعة عسى ربي يخلي حلها عند احد العضوات
والله العظيم اكتب لكم وتوني مخلصة من نوبة بكاء
انا بنت حالي حال كل البنات متوسطة الجمال ومتوسطة الذكاء حالتي الدراسية متواضعه
بكر امي وابوي وانا في الثانوية الصلاة على النبي كانوا وايد يتقدمون لي وامي ترفضهم بحجة اني صغيرة وماتبي انشغل عن دراستي تبيني انخطب عقب سنتين من الجامعه وانا كنت امشي على راي امي ولا همني لا عرس ولا حب ولا زواج اصلا ما كنت افهم معنى الزواج والعرس كان كل اللي خاطري فيه البس دبلة :o مثل البنات المخطوبات اللي في مدرستنا المووهم تقدم لي شخص وامه كلمت امي وطبعا رد امي كان لا وتعرفون السبب بس اهم كانوا مصرين يبوني لولدهم فابوه كلم ابوي وانحطت امي في الامر الواقع قالها ابوي خل يتقدم رسمي وتقعد وياه مقابلة ونسال عنه اذا هو رجال زين ليش لا ودمعه باقي لها سنة وتتخرج تروح الجامعه هي الحين صغيرة بكرة تروح الجامعه بتتفتح زود وبجوف الناس خلنا نحصنها من الحين واذا الرجال مو زين كل واحد يروح في دربه الموهم الله كتب وتوفقنا وانخطبت كانوا اهل زوجي محذرريني من مرة ولدهم انها شيطانه ولها في سوالف الصبيان وانهم ما يبونها لولدهم بس عملت له سحر واخذها وقاموا يقولون ان لقوا جم ورقة في البيت وراحوا لجم شيخ واكد هالشي انا قلت في بالي كيفهم اهم ومرة ولدهم يتجازون انا مالي خص اخلي علاقتي مع الكل حلوة وماعلي من غيري
زبدة مشكلتي انا وزوجي اول ما انخطبنا وطبعا احنا في الخطوبة عندنا بالبحرين يكون بعقد شرعي يعني زواج الموهم كانت امي تحذرني لا يلمسج ومادري شنو وانا كنت اطيع امي انا بجرها ومدلللتها وكل شي تقول لي امي انفذه لو شنو صار وفعلا طلب زوجي هالشي من اول ليلة وانا رفضت بس تعرفين الرجال ما تقدرين عليهم قام يزعل ويبرطم قمت ارضى بهالشي بس بدون ما يدخل علي وكانت حياتنا حلوة وكان يطلب هالشي وايد بس ما دخل علي فجاة زوجي صاده برود تجاهي وما كان يلمسني كلش انا ما لاحظت هالشي ومشيت الامور معنى تم وايد ما يلمسني ما حسيت بشي اصلا كنت مستانسه اقول احسن امي كانت موصتني ما يدخل علي وانا ما عندي خبرة كلش في الزواج كانت خبرتي زيرووو يعني ما توقعت هالشي غريب كبرت شوي ومرت سنة من الجامعه وسنة ونص وزوجي ما يتقرب لي وما نفتح سالفة الزواج اصلا وانا للحين مستحيه منه وعندي اقوله خلنا نتزوج جني قاطه روحي عليه وفي يوم حلمت حلم غريب عنه ما تذكره شنو بالضبط بس كنت مفزوعه وخايفه عليه وبعد مشيت الامور عادي عقب سنتين وشي من خطوبتنا طلعت شوي فيني الغرائز وقمت اشتهيه بس خجلي يودني عنه وقلت له ليش ما تبوسني مثل قبل او تحاول تجرب مني قالي انتي ما ترضين ادخل عليج وانا ما ارتاح جدي قلت له اووكي ادخل علي وفررررررررررررح واستانس حده بس يوم الصج ما قدر يدخل علي واعترف لي ان في مرة وحده صادته صده عني وما يشعر برغبه اتجااااااااااهي كلللش انا انصدمت وقالي الفترة اللي انتي كنتي في بيت ابوج وفي الجامعه كنت اجوف افلام سكس وكنت امارس العادة السرية انا انصدمت والله العظيم وكنت ارجف وهو انهار وقام كسر الدريم بوكس وقالي اكيد الحين بتركيني لان مالي فايده انا ما اقدر اعاشرج ما عندي رغبة اتجاهج بس والله العظيم احبج وماقدر اعيش بدونج لا تخليني بس اذا تبين تتطلقين من حقج
انا قررت مستحيل اهده اول رجال دخل في حياتي عمري ما طلعت صبي مني ومناك حبيته من كل قلبي قلت له مهما صار بتم وياك وبساعدك على هالشي هاذي غلطتي ما كنت اخليك تعاشرني وما كنت قاعده وياك وكنت اتصيد الفرص بس عشان اروح بيتنا وما انحبس في بيتكم اذا تروح الشغل ووعدته اكون وياه قمت احاول معاه مافي تجاوب معنى اذا اجوف مشهد في تلفزيون وياه انا ارغب فيه وهو ما يتحرك اتجاهي حتى لو هو يرغب يفضل يسوي الشي بروحه علي اناا كنت انقهرر بس اسكت تمينا 3 سنوات مخطوبين
كنت اقوله ابي اعرس تمللت ترى بيتنا يحنون علي وماقدر اتم وياك طول الاسبوع لازم نعرس عشان اصير وياك ع طول وفي العرس بنحس باستقرار اكثر قالي ماعندي ميزانية ومادري شنو قلت له مانبي عرس فخفخه بس اهم شي اشهار احنا عرسنا خلاص وصج ما سويت شي كللش وعرسنا المشكلة ان احنامو عايشين مثل الازواج الطبيعين يعني زوجي ما يعاشرني كللللللللش اصلا من ليلة الدخلة ما تقرب مني وكل واحد في صوب حاولت وياه بعد مافي فايده طول الليل بس الارق ذابحنا لدرجة انه ما ينام الا 7 الفجر او 6 من كثر ما يفكر في روحه وشنو اللي غيره فجاه صار لنا 4 شهور من تزوجنا وبعد نفس الشي وبعد خطوبتنا 3 سنوات وما تقرب مني
تقريبا عقب السنتين من الخطوبة يوم صحيت واوتعيت على نفسي شلون احنا عايشين جذي لقيت ملاحظتين ان زوجي شرى لي دبلتيتن كل ما يشتري لي دبلة ماتم وياي شهر واحد وفي مرة وحده تختفي مع اني كنت متاكده حاطتنها في هالمكان ومو بس انا حتى هو على الدبل اللي يشتريه له بعد يختفون في مرة وحده !!!
والملاحظة الثانية كنت اتصفح البوم خطوبتي لقيت ان صورة مكانها خالي بس مادري كانت تخصه او تخصني او كنا اثنينا مع بعض في هالصورة انا سكت عبالي بيسويها لي هدية بيكبرها ولا شي يوم سالته عنها قالي لااا انا اصلا شاسوي افتح الالبوم !! يعني هالصورة في احد شالها
انا بعد مثل ما قلت لكم ما كنت اهتم فيه من الخطوبة خذيته وانا عمري 17 سنة يعني كانت الحجرة اللي عايش فيها مب انا اللي انظفها ولا انا اللي اغسل ثيابه وكانت كل مفتوحه كل من يدشها من اخوانه يقعدون على الكومبيوتر على التلفزيون لدرجة يفتحون خزانة الملابس عادي ياخذ اخوه قميص ولا فانيلة من عنده وانا وزوجي محد يعني تقدرون تقولون ان اهل زوجي وااايد مطيحين الميانة المووهم قعدنا نفكر في مشكلتنا وانا سبق وسمعت عن مرة اخو زوجي راعية سوالف سحر والملاحظتين اللي لاحظتهم تفيد في اشاية السحر وان زوجي علاقته كانت قوية مع مرة اخوه من قبل ما يتزوج عليها اخوه بحكم انهم جيران وان مرة اخوه قلت لكم من النوع الشيطان عادي تمشي مع صبيان ويعني تعرفون من هالسوالف وزوجي بعد كان طايش في مراهقته ويقول كنت وياها في كل مغامراتها وهي تخاف مني افضحها وهو منع اخوه انه يتزوجها وقال له عن السوالف بس السحور عمت قلبه وشي ثاني ان مرة اخو زوجي تغار مني واايد وتنتقدني في اشايه مع اني ما احتك فيها الا نادرا
والملاحظة اللي بعد اجووفها ان اهل زوجي يحسدوني ان ماخذه زوجي لانه بمركز شوي راقي وان فيه طيبه وشعبي واايد
مشكلتي ان مب عارفه شلون احل مشكلة زوجي ؟؟ وهل يعقل ان مرة اخوه مسويه لنا سحر ؟؟؟ وشلون اتخلص من ذي السحر رحم الله والديكم ؟؟؟؟ وماحد يعرف بمشكلتي الا امي فقط وامي تقولي خليه لبعد رمضان اخر فرصة له وبعدها تطلقي مايصير تدفنين شبابج معاه وانا والله العظيم احبه بنااااااااااات رحم الله والديكم ساعدوني خففوا علي ضاقت فيني الدنيا والله