شهر العسل وييييييين؟؟؟؟؟؟؟؟؟؟؟

تركيا
السبب : جو حلو + اسواقها حلوة
انا مارحت بس الكل يمدحها

إن شاءالله باقي البنات يفيدونج اكثر

جوفي هالفندق
http://forums.3roos.com/showthread.php?t=554458

انا وريلي بنروح الهني مون بأذن الله نص سبتمبر اذا الله كتب
انا وهوه من النوع الي سافرنا وايد - منها الدير الي عجبتنا ومنها الي ماعجبتنا

حطينا بجت لنا بجت حق السفر وبما ان امي عندها مكتب سفريات ومتخصصه كانت في رحلات الهني مون فرتبت لي كل شي

نصيحه صغنونة مني - اذا ريلج يحب البحر روحو رحله بكروز - في انواع منهم روحي كانو عند هدى السماك (هذي مب امي تره) متخصصه في هالسولف بتدليج على احسن الاماكن وعلى حسب بجتكم الميزة لحلوة في الكروز انكم بتكونون دافعين حق كل شي تقريبا لو فرضنا بتسافرون اسبوع عندج 5 مناطق بتنزلون فيها هل اعطيج رحله كمثال تطلعون من البحرين لي برشلونة- اسبانيا تحتاجون تذاكر من البحرين لي هناك - تنزلون لازم على الاقل قبل بيوم من طلعة الكروز بتروحون في 7 ايام على عده مناطق الي تكون مطلة على البحر منها نيس في فرنسا و روما اظن وجمن مكان جي يم بعض - بتكونون دافعين حق كل شي فل بورد مثل مانسمية ريوق غدا وعشى تكلفة الاسبوع مع التذاكر واذا افترضنا انكم بتاخذون الحل الوسط الي اهوه الغرفة بو دريشة بتكون 1500 مع بعض
طبعا في 3 انواع من الغرف بلكون والاغلى هوه طبعا وبودريشة اقل شوي - وفي غرف بالممرت ثرد كلاس سعرهم رخيص
انتو على الباخرة بتعيشون جو مو طبيعي كل شي موجود عليها ديرة بكبرها الموضوع وايد حلو ترى - كل ديرة بتنزلون له بتنزلون من 7 لي 7
انا رحت ويا هلي رحله كانت على البحر المتوسط رحنا تركيا وقبرص واليونان عجيب الموضوع

الاقتراح الثاني تجوفينة اذا يحب الجزر عندج 3 اماكن حلوة
سيشل طبعا الخطوط القطرية شاريينها ومحتلينها ههههههه فالافضل انج تسافرين عليها
موريشيوس والي ماخذتها الاماراتيه
والمالديف -المشكلة فالمالديف انه شغله وتنزلون ترانزيت من مكان لي الثاني والموضوع متعب خصوصا ان الرحله بتكون متعبه
وعندج بعد بالي في اندونيسيا ان رحت لها من زمان يمكن من 7 سنين جذي نفس قضية المالديف بس المكان كان روعة والحين الكل يقول انه منتهى الروعة صار الله يكتب لنا ونروح لها ان شالله ..

تكلفه سيشل وموريشيوس من 1500 لي 3000 على حسب الفنادق لان التذاكر عموما راح تكلف ..
العيب فالموضوع .. ان اسبوع بيكون كفاية ويمكن وايد والواحد يكون دايما مسترخي ومافيهم شي الجزر يفضل لو حابين الشغله انكم تسووين لكم برنامج انكم تسكنون في كذا مكان وجذي

احنا الي اهوه انا وزوجي المصون قررنا نبتدي رحلتنا ونخطط لها شهر قبل ليما استقرينا على الاماكن طبعا وايد صارت تغييرات وليحين قاعده تصير .. حددنا 3 اسابيع نسافر فيها .. واستقرينا على هالخط نطلع من البحرين على روما-ميلان-فينيسيا-بعدين نطلع نروح فرنسا -دزني -نيس- اخر شي نروح لندن طبعا لازم يقعد هناك اسبوعين لانه يقول مايمده يلاقي ربعة مال الجامعة وعيال عمامة وجذي


بما ان انا ليحين مب مستقرة غيرت الخطة اول امس بس - بنسافر ان شالله تاريخ 17 اذا الله كتب بنطلع من البحرين على ايطاليا على طول فبنطلع شنغن فيزا مرة وحده بنروح على اللوفتنزا الخطوط الالمانية - بنقعد في روما 3 ايام وميلان 3 ايام وفينيسيا 3 ايام بعدين بنطلع من هناك بنروح النمسا بنقعد في 3 ايام بعدها على سويسرا وبنقعد في جنيف 3 ايام بنطلع تالي على فرنسا بنقعد في باريس 3 ايام وبنقعد في ديزني يومين بعدها على نيس بنقعد 3 ايام وبحر وشحلوة المكان وبنرد البحرين لانة الوقت بيصادف حفلة تخرجي من الجامعة ولازم احضر الحفلة
عقبها بنطلع من البحرين لي لندن اسبوعين وبنرد وقاعده افكر اخلي على الاقل 3 ايام نروح اسكوتلندا على الاقل لان البرد هناك بيصير مو طبيعي نص 10



اي مساعده واي تخطيط واي شي متوهقه فيه لايردج الا كيبوردج

على فكرة .. سالفة تحجزين اونلاين تركيها عندج اذا ماتعرفين لها - سوري بس وايد ناس صادتهم يروحون الفندق مايحصلون حجزهم او يروح عليهم وحتى لو صار تاخير حق الطيارة وصكو الباب بيدفعونج ثمن تذكرة ثانية بسبة هالموقف لانة بيقولج انتي ماخذتها اونلاين وعليها تخفيض وخبرج من المقصات الي ماله اخر


اعرف ناس سافرو عن طريق ايجنت سفر وسافرو عن طريق الحجوزات الاونلاين .. ارتاحو حق وكيل السفر اكثر لان الناس في هالمجال خبرة اكثر وممكن يفيدونج فالاشياء الاصلح والاماكن الي تزورينها ..

اي شي خبريني برسالة خاصة يمكن مادش الموضووع مرة ثانية

الله يوفقكم

عزيزتي princess 87 :)
مشكورة يالغالية على ردج المفيد والاكثر من رائع وايد فدتيني ماقصرتي:o
حبيبتي فكرة الكروز كانت في بالنا بس غيرناها لان بنسافر في اكتوبر والجو يكون بارد هالحزه بالنسبة حق سفر بالبحر
احنا عندنا اسبوعين بس بحكم شغلة مايعطونه اكثر من جذي:(
عاد قلنا فالبداية ايطاليا لأن آنه واهو نعشق هالديرة واهو اكثر ( خبرج كرة القدم) وقالو في اكتوبر الجو روعة
وهم قالو البراغ (التشيك) حلوة و فرنسا آنه ماحبها وايد
المهم حاليا استقريت على النمسا وقلنا مابنروح اكثر من ديرتين عشان نعطي البلد حقها
النمسا فيها 3 مدن حابة اشوفها وينقال عنهم انهم جنة وآنه اموت فالطبيعة وغير جذي فيها برامج
فيينا 3 ايام بعدين سالزبورغ 3ايام وبعدين زيلامسي 3ايام وبما ان النمسا جريب من ايطاليا فكرنا نمر فينيس وميلان
بالنسبة للحجوزات آنه سفرات اهلي كلها آنه احجز لهم الفنادق (booking online)هالموقع دوم يفيدني والحمدلله ماعمرنا صادتنا مشكلة فيه
والتذاكر هذا صوب ريلي اهو ربعه في اكثر من طيران والمفروض يساعدونه

هذي المخطط الي الآن والمفروض نستقر عليه عشان يمدينا نرتب

تسلمين يالغالية ماقصرتي