ختنت ولدي اليوم وعندي كم سؤال

السلام عليكم...

اختي ان شاء الله افيدج في شي من خبرتي من تطهيرة ولدي

اختي اول يوم بجوفين طول اليوم اهو يصيح ما يسكن وكل ما تبول وانتو بكرامه يزيد في الصياح لانه تحرقه واني الدكتور قال اليي ما تبدلينه من اول يوم بس تغيرين الحفاظ وتخلي عليه زيت الزيتون او المرهم ميبو وبعدين بجوفي في اليوم الثاي ان شوي هدء عن اليوم الاول وان الشاش بروح بطيح لا تحاولين اشيلينه من نفسك اهو بطيح بروحه وكل تبديله حطي مرهم ميبو على طول ويجوفي ان العضو كله منتفخ ومتورم حتى اني خفت اقول الى زوجي ليش جدي لايكون التهب الجرح بس الدكتور طمنا وقال الينا ادا زاد عن 10 ايام وما طاحت الربله اوديه يجوفه وبس في اليوم العاشر طاحت وبس رجع كل شي الى طبيعته......طولت عليش...
وخلاص.

عادي اختي هذا شي طبيعي..
عليكِ بزيت الزيتون ومرهم العيون كثير مفيد امي كانت تسويه لولدي
ومن يطبح فيه بودرة في الصيدلية استخدميها له..

لما ختنت ولدي عطوني ورقة بالتعليمات الي اسويها

وهي اني مايصيدها ماي لمدة يوم كامل بس مجرد تبديل الحفاظ
ومااحط عليها اي شي
وانه بعد عشرة ايام راح اطيح الربله كمدة اقصى

واول يوم كان لما يتبول يصرخ واني خليته يومين مادخلته الحمام قلت افضل ولا خليت عليها اي شي لا كريم ولا زيت
وبعد تقريباً خمس ايام طاحة الربله

اختي يختلف الختان ممن ولد الى ولد ثاني ..
وعلى حسب الي خته بعد ..

اخدي التعليمات الي عطاك اياها الدكتور الي ختن ولدك..
هو اخبر بالي يحتاجه ولدك من ادويه ومنظفات ..

انا ختان ولد غير عن البلد بس الحمدلله كل شيء تمام
وكنت اتعامل معاه عادي وكل مره ابدل ال اغير اله الشاش لانه ماكانت لاصقه واحط فيها مرهم من عندهم..

كانت جراحه بس الخياطه من الخيوط النباتيه الي تدوب بروها ماتطيح ..

الله يعافيها ومايشوف شر ان شاء الله ويبلغك فيه يارب ..