السلام عليم ورحمة الله وبركاته
الموضوع باختصار ان في شخص تقدم لي واحس مواصفاته زينه خصوصا اني مقتنعه ان الوحده مستحيل تحصل شخص متكامل 100% ونفس اللي ببالها يعني اقدر اقول انه مناسب وارتاحييت لمواصفاته المهم قالو بزورونه في اليوم الفلاني وجهزنا واستعدينا جان يتصلون الساعه 1 الظهر ويعتذرون لان صارت عندهم حالة وفاة قلنا معلش حالة وفاة وموضوع طارىء مو في يدهم عقبها بجم يوم رجعو اتصلو وحددو موعد ثاني على اساس الريال واهله ايون يشوفوني واشوفه وفعلا يوو بموعدهم لكن بس اهله بدون الريال قالو طلبوه في الشغل واعتذرو ان ما قدر ايي المهم عقبها بيوم رجعو اتصلو قالو انهم بيون مع الريال عشان اقدر اشوفه مع العلم انهم في المره الاولى راووني صورته وتقبلته وارتحت له نوعا ما بس طبعا اكيد الواقع غير المهم المفروض هالموعد اليوم جهزنا كل شي وقعدنا ننطر انا وامي ننطر نننطر لين مرت ساعه كامله الا الاخت متصله تعتذر انهم ما بيقدرون ايون اليوم وبشوفون يوم ثاني جان امي تعصب وتقولهم بطريقة غير مباشره خلاص اعتبرو الموضوع منتهي انا مع امي تصرفهم بايخ المفروض يعتذرون قبلها بفتره خصوصا ان احنا متكلفيين في التجهييز وصار لنا ساعه كامله قاعديين بشيلتنا ودفتنا وننطرهم المفروض يعتذرون قبل بس اللي مضيق صدري كنت حاسه ان هالمره الامور بتتيسر وبنخطب فعلا واخاف مع انهاء امي للموضوع ما تيني فرصه زينه مره ثانيه خصوصا ان عمري 24 ادري بتقولون مو وايد عوده بس عموما عندنا البنت اللي في حالها وفي بيتها وما عندها وايد معارف لو تكون ملكة جمال مو كثير بعرفونها وبيتقدمون لها ما ادري فكرت اكلم امي واقولها عطيهم فرصه في حالة اتصلو يمكن فعلا الظرف اللي منعهم كان قوي مع انهم يوم يتصلون ما وضحو بالضبط شنو اللي خلاهم ما يوو بموعدهم بس مستحيه من امي وفي نفس الوقت ضايق صدري ومو عارفه شسوي اخاف اندم بعديين واكبر ومحد ايني واعنس شبح العنوسه بيخنقني:'(
شرايكم هل انسى الموضوع واتوكل على رب العالميين وخلاص؟
او اقول لامي تعطيهم فرصه ثانيه وباي طريقه اكلم امي لاني منحرجه اقولها جذي بتحس ماعندي كرامه وملهوفه على الزواج؟
شرايكم بتصرف امي؟!!
M
01-08-2010 | 08:37 PM
ا
01-08-2010 | 08:43 PM
باقي سعنونه على العنوسه يالبى قلبك
الله يرزقك باللي يملا عينك ولا تستعجلين
اذا الرجال ماشرا التراب اللي تمشين عليه من بدايتها لا تاخذينه
وصلي استخاره
وترى طاعة الوالدين من طاعة الرب
الله ييسرلك امرك
الله يرزقك باللي يملا عينك ولا تستعجلين
اذا الرجال ماشرا التراب اللي تمشين عليه من بدايتها لا تاخذينه
وصلي استخاره
وترى طاعة الوالدين من طاعة الرب
الله ييسرلك امرك
ا
01-08-2010 | 09:10 PM
لااااااااااااااااااا تضايقين عمرج حبيبـــــــــــــــــــــــتي
و إذا اهوا شاريج و يبيج راح يحن على اهله اردون يكلمونكم عششان اتممون كل شي على خير
أنتي سوي خيرة .. و إذا اطلعت الخيرة زينة وماا اتصلوا فيكم كلمي امج ... مافيها شي و اهيا إذا كانت متفهمة راح تفهم شعورج ....
والله ايسر لج امورج و يرزقج بالزوج الصالح عاااااااااااااااااااااااااجلاً و ليس آجلاً بإذن الله العلي العظيم
و إذا اهوا شاريج و يبيج راح يحن على اهله اردون يكلمونكم عششان اتممون كل شي على خير
أنتي سوي خيرة .. و إذا اطلعت الخيرة زينة وماا اتصلوا فيكم كلمي امج ... مافيها شي و اهيا إذا كانت متفهمة راح تفهم شعورج ....
والله ايسر لج امورج و يرزقج بالزوج الصالح عاااااااااااااااااااااااااجلاً و ليس آجلاً بإذن الله العلي العظيم
خ
01-08-2010 | 09:37 PM
والله حبيبتي مال لخيرة الا فيما اختاره الله انتي صلي استخارة وشوفي شنو يطلع لج ، حبيبتي ماله داعي تركضين ورا نصيبج نصيبج بروحه بيييج وعسى الله يوفقج ويسر لج امورج حبيبتي في بنات توفقوا فوق الثلاثين ومرتاحين اخر راحة، موكل زواج معناته راحه ولا تخلينه شغلج الشاغل عندج ربج ثم اهلج احسن من مئة ريال ولا تستعيلين عليه مارده بييج اذا مكتوب باللوح المحفوظ
ف
01-08-2010 | 09:39 PM
اختي لا تستعجلي في موضوع الزواج
واكيد مصيرج بتتزوجين
وحطي شي في بالج
اذا ربج كاتب لج تتزوجين بتتزوجي واذا ربج ما كاتب ما بيصيررررررررر
واهم شي الاستخاره
واكيد مصيرج بتتزوجين
وحطي شي في بالج
اذا ربج كاتب لج تتزوجين بتتزوجي واذا ربج ما كاتب ما بيصيررررررررر
واهم شي الاستخاره
أ
01-08-2010 | 09:47 PM
حبيبتي لا تتضايق ابدا اذا هو متمسك فيك وربك كاتب لك النصيب معه راح يرجعو يكلمو اهلك ويتعذرو
بس انتي المفروض تفرحي على تصرف امك لانه امك ورتهم انه انتو مو مايتين عليهم والحركه مو حلوه لانه ما اظهرو احترام لكم,, اولا كل مره يتعذرو وبعدين لازم تثقلين عليهم حتى اذا تم الزواج الرجال يعرف قيمتك لانه ما حصلك بكل سهوله
انا احساسي انه الولد ما يريد ويمكن اهله يضغطون عليه لسبب من الاسباب يمكن اهو يريد وحده اهله رافضينها وعشان كذا دايما يتعذرو ويجو من دونه...
ويا خبر ب فلوس بكره بلاش.. انتي لا تستعجلين ووقفي مع امك وزين لما لمحت انه الموضوع منتهي,, وبما انهم ما حاولو حتى انهم ياخذو بخاطر امك ويغيرون رايهم ف الاحسن حبيبتي تنسين موضوعهم وتدعين ربك يرزقك ب ولد الحلال
بس انتي المفروض تفرحي على تصرف امك لانه امك ورتهم انه انتو مو مايتين عليهم والحركه مو حلوه لانه ما اظهرو احترام لكم,, اولا كل مره يتعذرو وبعدين لازم تثقلين عليهم حتى اذا تم الزواج الرجال يعرف قيمتك لانه ما حصلك بكل سهوله
انا احساسي انه الولد ما يريد ويمكن اهله يضغطون عليه لسبب من الاسباب يمكن اهو يريد وحده اهله رافضينها وعشان كذا دايما يتعذرو ويجو من دونه...
ويا خبر ب فلوس بكره بلاش.. انتي لا تستعجلين ووقفي مع امك وزين لما لمحت انه الموضوع منتهي,, وبما انهم ما حاولو حتى انهم ياخذو بخاطر امك ويغيرون رايهم ف الاحسن حبيبتي تنسين موضوعهم وتدعين ربك يرزقك ب ولد الحلال
M
01-08-2010 | 09:50 PM
صح كلامكم ومقتنعه فيه بس المجتمع ما يرحم كل شوية للحين ما تزوجتي ان شاء الله ما ترديين من الاجازه الا في يدج دبله يحسسون البنيه اللي مو متزوجه ان فيها نقص وبعديين انا ابي شي بالحلال احس محتاجه لحنان وعاطفه من الجنس الثاني بس اخلاقي وديني ما يسمح لي اسوي هالشي الا بحدود الزواج واعتقد هذا حق من ابسط حقوق اي بنت انها تفكر بهالشي غير موضوع الامومه وايد مواضيع في مخي وخايفه اضيع من يدي هالفرصه وماتيني غيرها واخسر كل شي
أ
01-08-2010 | 09:56 PM
موضوع المجتمع احس فيكي واعرف كيف تحسين لاني امر بنفس الشي
كل وحده من بنات عائلتي تخبرني متى تتزوجي نبغي عرس كل مره لحين تلوعت من هذي الجمله بس لحين الي تسألني اخبرها لا تنتظرين لاني عندي مخططات اهم من الزواج رغم ما عندي مخططات وادعي ربي اتزوج قريب بس هذي الاجابه احس تسكتهم لانك تحسسينهم انك ما مهتمه على الزواج وهذا ما شي شاغلك بلعكس انتي عندك طموحك الي هم ما فكرو فيه وستعجلو على الزواج يعني بدل همم يحسسونك بنقص انتي تحسسينهم
كل وحده من بنات عائلتي تخبرني متى تتزوجي نبغي عرس كل مره لحين تلوعت من هذي الجمله بس لحين الي تسألني اخبرها لا تنتظرين لاني عندي مخططات اهم من الزواج رغم ما عندي مخططات وادعي ربي اتزوج قريب بس هذي الاجابه احس تسكتهم لانك تحسسينهم انك ما مهتمه على الزواج وهذا ما شي شاغلك بلعكس انتي عندك طموحك الي هم ما فكرو فيه وستعجلو على الزواج يعني بدل همم يحسسونك بنقص انتي تحسسينهم
.
01-08-2010 | 10:08 PM
لوتشي;12815764:
حبيبتي لا تتضايق ابدا اذا هو متمسك فيك وربك كاتب لك النصيب معه راح يرجعو يكلمو اهلك ويتعذرو
بس انتي المفروض تفرحي على تصرف امك لانه امك ورتهم انه انتو مو مايتين عليهم والحركه مو حلوه لانه ما اظهرو احترام لكم,, اولا كل مره يتعذرو وبعدين لازم تثقلين عليهم حتى اذا تم الزواج الرجال يعرف قيمتك لانه ما حصلك بكل سهوله
انا احساسي انه الولد ما يريد ويمكن اهله يضغطون عليه لسبب من الاسباب يمكن اهو يريد وحده اهله رافضينها وعشان كذا دايما يتعذرو ويجو من دونه...
ويا خبر ب فلوس بكره بلاش.. انتي لا تستعجلين ووقفي مع امك وزين لما لمحت انه الموضوع منتهي,, وبما انهم ما حاولو حتى انهم ياخذو بخاطر امك ويغيرون رايهم ف الاحسن حبيبتي تنسين موضوعهم وتدعين ربك يرزقك ب ولد الحلال
نفس رأيي
F:
ب
01-08-2010 | 10:49 PM
حبيبتي لا تضايقين نفسك ولا تشيلين هم
كل واحد ياخذ رزقه بهالدنيا
والله سبحانه وتعالى ماينسى عبيده
اذا لك رزق معاه راح تاخذينه
وتأكدي ماراح يصير الا الي فيه الخير من رب العالمين
واستخيري رب العالمين وقرري
وإذا كنتي مستحيه من الوالده شوفي احد قريب لك يكلمها
تراني مريت في هالموقف اكثر من عشر مرات بس كل شي مكتوب من رب العالمين
الله يسر امورك ويرزقك ولد الحلال الي يستاهلك يا رب
تحياتي
كل واحد ياخذ رزقه بهالدنيا
والله سبحانه وتعالى ماينسى عبيده
اذا لك رزق معاه راح تاخذينه
وتأكدي ماراح يصير الا الي فيه الخير من رب العالمين
واستخيري رب العالمين وقرري
وإذا كنتي مستحيه من الوالده شوفي احد قريب لك يكلمها
تراني مريت في هالموقف اكثر من عشر مرات بس كل شي مكتوب من رب العالمين
الله يسر امورك ويرزقك ولد الحلال الي يستاهلك يا رب
تحياتي
ر
01-08-2010 | 10:51 PM
لاتزعلين حبيبتي
اذا اهو حقاً يبيج .. برد يطلب إيدج مرة ثانية ..
اذا اهو حقاً يبيج .. برد يطلب إيدج مرة ثانية ..
M
01-08-2010 | 11:05 PM
ياجماعه تراها خطبه عاديه تقليديه مو عن معرفه يعني مو سالفة يبيني وشاريني للحين ماشافني وشفته غير بالصور بس اقصد الموضوع تفركش من اوله وهذا اللي مضايقني ويمكن لو تم يتم على خير بس هذا كل اللي ببالي فاهميين علي وانا ادري امي ما تنلام في اللي سوته من داخلي ادري ان هالشي صح واكييد رب العالميين ما يسوي اللي فيه الصلاح بس قلبي محروق كل ما يصير موضوع ما يتم والعمر يمضي خايفه اعنس والله
ت
01-08-2010 | 11:12 PM
لا تشيلين هم .. إذا ربي كاتبكم لبعض بيتم الموضوع
وبيرجعون يكلمونكم ... اهله شافوج وإذا مقتنعين فيج أكيد بيرجعون يعتذرون ويحددون موعد
يحق لها أمج إذا كل مره يعتذرون بعد مايخلونكم تجهزون ..
الله يوووفقــج
-
وبيرجعون يكلمونكم ... اهله شافوج وإذا مقتنعين فيج أكيد بيرجعون يعتذرون ويحددون موعد
يحق لها أمج إذا كل مره يعتذرون بعد مايخلونكم تجهزون ..
الله يوووفقــج
-
M
01-08-2010 | 11:22 PM
المشكله اللي محيرتني ان صج اهم اعتذرو من قبل بس عقبها صدقو ويو ولو ماعجبتهم عقب ما شافوني جان بالمختصر المفروض يقولون خلاص ماصار نصيب ليش اتصلو وحددو موعد ثاني وعقبها اجلوه لو ما اتصلو وحددو موعد من يديد ما يهمني ولا بفتكر بس اللي محيرني في حالة اتصلو وحددو موعد ثاني اكييد امي بطنشهم وانا ماابي اخسر هالفرصه فهمتو علي شلون فلازم اخبر امي من اللحين ان لو اتصلو عطيهم فرصه ومو عارفه شلون اقولها لامي
ح
01-08-2010 | 11:41 PM
حبيبتي كل شي قسمة و نصيب
اذا الله كاتب لج هذا الانسان لو شنو يصير بتاخذينه و الامور بروحها بتتعدل لج بدون لا تسوين اي شي
و اذا ما في نصيب تأكدي حبيبتي الله ما يسوي شي الا فيه الصلاح
الله يوفقج حبيبتي و تاخذين اللي يحفظج و يصونج
جيكي الخاص فديتج
اذا الله كاتب لج هذا الانسان لو شنو يصير بتاخذينه و الامور بروحها بتتعدل لج بدون لا تسوين اي شي
و اذا ما في نصيب تأكدي حبيبتي الله ما يسوي شي الا فيه الصلاح
الله يوفقج حبيبتي و تاخذين اللي يحفظج و يصونج
جيكي الخاص فديتج
أ
02-08-2010 | 12:10 AM
لا تزعلين حبيبتي
ولا تحاتين و تحطين في بالش
اذا كانوا يبونش صدق بجون لكم.
و أن شاء الله كل تأخيره و فيها خيره
..تحيآتي..
ولا تحاتين و تحطين في بالش
اذا كانوا يبونش صدق بجون لكم.
و أن شاء الله كل تأخيره و فيها خيره
..تحيآتي..
M
02-08-2010 | 12:57 AM
فهموني خواتي مو الخوف انهم ما يون مره ثانيه لان لو ما يو مره ثانيه ولا بتعب قلبي ولا بتحسف عليهم بس القصد في حالة ردو اتصلو يبون موعد ثاني اخاف امس تنهي الموضوع هالمره بشكل مباشر ويفهمون ان خلاص فهل اقولها تعطيهم فرصه ولا خلاص اخلي الموضوع ينتهي واكييد اللي الله كاتبه بصير بس الله قال اسعى ياعبدي وانا اسعى معاك يعني الانسان له دور بعد في التفكير وتحديد مصيره واختياراته وفي النهاية اكييد كل شي قسمة ونصيب والحمد لله على كل حال
3
02-08-2010 | 01:08 AM
تصرف أمج عدل ,
يعنـي فكري فيهـا بـ عقلج مب بعـواطفج وقلبج
جم مره متصلين لكم ويتعذرون !
يـا حالة وفـاه .. يـا الريـال مايي .. يـا مادري شو !
اتجوفينها حلوه !
يوم الواحد يبي الشي يكون متمسك فيه .. مب كل مره يتعذر بـ عذر
فـ أنا من رايي ,
إنج ماتكلمين امج عن هالسالفه أبـد .. واذا لج نصيب فيه ربي بيجدمه لج
وموفقه حبيبتي
يعنـي فكري فيهـا بـ عقلج مب بعـواطفج وقلبج
جم مره متصلين لكم ويتعذرون !
يـا حالة وفـاه .. يـا الريـال مايي .. يـا مادري شو !
اتجوفينها حلوه !
يوم الواحد يبي الشي يكون متمسك فيه .. مب كل مره يتعذر بـ عذر
فـ أنا من رايي ,
إنج ماتكلمين امج عن هالسالفه أبـد .. واذا لج نصيب فيه ربي بيجدمه لج
وموفقه حبيبتي
3
02-08-2010 | 01:12 AM
MiSs-GuCci;12817691:
فهموني خواتي مو الخوف انهم ما يون مره ثانيه لان لو ما يو مره ثانيه ولا بتعب قلبي ولا بتحسف عليهم بس القصد في حالة ردو اتصلو يبون موعد ثاني اخاف امس تنهي الموضوع هالمره بشكل مباشر ويفهمون ان خلاص فهل اقولها تعطيهم فرصه ولا خلاص اخلي الموضوع ينتهي واكييد اللي الله كاتبه بصير بس الله قال اسعى ياعبدي وانا اسعى معاك يعني الانسان له دور بعد في التفكير وتحديد مصيره واختياراته وفي النهاية اكييد كل شي قسمة ونصيب والحمد لله على كل حال
لا تكلميـن أمج بـ شي ,
قلت لج اذا لج نصيب فيه ربي يجدمه لج
ومب حلوه أبـد اللي سووه ,
إن كـان بقصد ولا بدون ..
لو هم جـادين فـ السالفه وصج يبـون هالشي .. جان ماتعذروا كل مره
ع الاقـل يقـولون لكم شي .. مب يتصلون وعقبها يتعذرون
وقلت لج حبوبه ,
اذا لج نصيب فيه بتاخذينه حتى لو أمج ردتهم
د
02-08-2010 | 08:38 AM
حبيبتي حطي في بالج شغله
اذا لج نصيب بتاخذينه
غصب عن الكل
وانا ما اشوف تصرف امج غلط بالعكس
عين العقل
واذا اتصلوا يعتذرون هني قولي حق امج
تعطيهم فرصة مرة ثانيه
بس هم بالأساس ما اتصلوا للحين :-#
تدرين انا مريت بمواقف واااايد هلون
ولا
ولا
امي الله يهديها كانت يتصلون لها ناس يخطبوني تقول لهم بسأل صاحبه الشأن وبرد عليكم
وفي كل مرة ما تقولي
وتنسى :|
ويمر الوقت اسبوع اسبوعين
عادي ناسيه الموضوع
وحتى لو تذكرت
تقول ووي
:worn_out:
:worn_out:
نسيت و بس استحي اتصل فيهم اللحين
فشيله
:thumbs_down:
:thumbs_down:
وحتى اللحين
متصلين فيها ناس يبون ايون يشوفون اختي عشان يخطبونها من شهر 4
شوفي احنا اللحين في شهر جم
اتصلوا لها 3 مرات
وكل مرة تنسى والا تقول لهم مشغوله
وتضيع الموضوع الله يهديها
وشكله المعرس عررررس وخلص
وهي للحين
ما حددت لهم يوم عشان ايون يشوفون اختي
خخخخخخخخخ :lol:خخخخخخخخخ
انتي اذا تقدرين قولي حق امج
اذا ردوا اتصلوا واعتذروا تمشي لهم الموضوع
بس اذا ما اتصلوا طبعا خلاص
صلاح من رب العالمين
صلاح من رب العالمين
اكيد هالشي فيه خيره لج
;)
;)
وربي يوفقج وييسر امورج
وبعدين ترة انتي للحين صغيرة
صح كلام الناس ما يرحم
ويطفرون بالوحدة ويزهدونها حياتها
بس الناس ما بتخليج
بس الناس ما بتخليج
ترة حتى لو انخطبتي
من تنخطبين بيحنون عليج متى العرس
ومتى العرس :thumbs_down:
ومتى العرس :thumbs_down:
وبعدها اذا تزوجتي
ها مب حامل
ما حملتي :-#
ها مب حامل
ما حملتي :-#
واذا حملتي متى الولادة :-o
ومن تولدين اذا يبتي ولد يقولون لج ان شاء الله المرة اليايه
بنوته :!!:
بنوته :!!:
واذا يبتي بنت يقولون ان شاء الله المرة اليايه ولد
دايما يحسسونج بالنقص
دااااااايما
:hysterical::hysterical::hysterical:
نصيحة طنشي
ولا عليج من احد
واستانسي اللحين في دلال ابوج
واستانسي اللحين في دلال ابوج
واي احد يسألج ما انخطبتي
قولي لهم احسن لي :D
تدرين
انا تزوجت عمري 28 :o
انا تزوجت عمري 28 :o
واللحين عندي بنوته حلوة الحمد الله رب العالمين
بنت عمي عمرها 39 سنه
قبل 3 اسابيع عرسها واللحين هي في شهر العسل
وان شاء الله ربي يرزقها الذريه الصالحة F:
وان شاء الله ربي يرزقها الذريه الصالحة F:
بنت خالتي عمرها 30 ان شاء الله :hysterical:
ربي يتمم لها على خير وتروح هالأيام في نصيبها
ربي يتمم لها على خير وتروح هالأيام في نصيبها
هذي اكبر دليل ان اذا ربي كاتب لج
رزق راح تاخذينه
لا تستعيلين
رزق راح تاخذينه
لا تستعيلين
نصيبج بييج
:L: