تقرير حفلة التخرج
قعدت على الساعة 11 و نص طبعا مللوني اتصالات و حدي قعدت متنرفزة :mad: ..قمت اتقلب اتقلب لين ماطار النوم بس مزاجي كان :thumbs_down: قمت خذيت شاور و لبست ورحت توما نيلز بالرفاع وصلت هناك تقريبا 3 ونطرت شوي لين سوو لي لان كان في ثنتين و اشوه كانو مكملين سوت لي كوفي و ابتدت فيني طبعا اخترت على اي ريحة اببي و كان شي في انرجي بما اني تعبانة جت راعية الصالون و قامت تسولف معاي شوي و كانت تقولي عن البرافين انهم بس لستعنال واحد و ينقطون و عن المينكس هذي الستكر اللي يحطونة عالاظافر على اشكال عجبني القولد كان حلو بس بما انة فستلني لونة درتي بنك فحبيت اني اخلي نيل بولش يناسب بيطلع احلى و بس كملت تقريبا على الاربع مريت على بنت خالتي و رحنا صالون في الرفاع سويت شعري عادي ستشوار و ستريت و على صوب عجفة :adore: و من قدام قذلة رايحة على ورى و بس كمانا من الصالون رجعتها بيتهم مريت بيت خطيبي اخذ اشيا و رجعت بيتنا جهزت اغراضي و مراني خطيبي عشان اروح بيت خالتي مكيجتني بنت خالتي و كان وايد حلو حبيتة كان شدو بنك فاتح و ديرتي بنك و روج بنك على فوشي شوي
طبعا الثيم كان بنك و هذا شكل المكان اللي صورنا فية
حطينا مثل البارتيشن و غلفنا بمخما بنفسجي و الكرسي بخلق بنك و الطاولة مثل الخلفة و نفخنا بالونات هني صورة الكيك تبين و جوكليت علية كبوس تخرج والبدلة
بعد ما الكل وصل رحنا لهذي الغرفة و تجمعنا كلنا و قمناا نصفق و نغني ههه و بنت خالتي كانت مجهزة لنا سيدي فية اغاني تخرج
هذي صورة الكيكة
صورة ثانية
طبعا قلنا للكل يلبس قصير و معظمنا لبس
و سويت جوكلت بسكت من بسكوتو و مارشميلو في ستيك خسارة ماسويت الجوكلت فونتين عشان نغمس المارشميلو فيها راح عن بالي :worn_out:
و هذي صورة المارشميلو و الستيك
وهذي صورهم عقب ما فتحنا ذي اللي يطلع صوت و اشيا و ياه مااعرف شسمة :worn_out:
عقب ما قصينا الكيك تعشينا و نسيت اصور لكم البوفية :| بس البوفية كان من البيت بما انا خالتي و امي مارضوا يجيبون من برة يخافون من تسمم بالصيف جابوا كمية بسيطة من برة و الباقي كلة بالييت و احنا اولردي عندنا صواني في البوفية في البيت فالبوفية كان عبارة عن تبولة و ميني سندويتش جكن مايونيز و جبن ابيض و نعناع و حمص و باشميل كباب اسياخ
وصينية دجاج مع الو ميني شاورما دجاج برجر لحم و دجاج و سمبوسة
الاكل كان حده حلو :adore: خصوصا انه كنت مو ماكلة من الصبح
و بعد الاكل بدت الردحة :celebrate::celebrate:
و في الاخير قبل مايطلعون وزعنا الجوكلت اللي داخلة ايسكرم حده كاان لذيييذ حبييتة :L::adore:
و في الاخير اللي يعجبها التقرير مو تنسا ان تدعي لي و تقيمني :oF: