احس الضيقة بتخنقني

الله يهديكم لبعض

بس كتر الكلام دا مش كويس يعنى الاحسن انك تخلية يقطع علاقتة باى واحدة غيرك

حبيبتي دامك واثق فيه لاتحاولين تفتشين اولا عشان تغلقين مداخل الشيطااان والوسوسه

وثانيا لأنك بتتعبين ودامه يصارحك فشي جميل واكيد اننتي عايشه معه 3 سنين يعني تعرفيينه زيين

لذلك انسي الموضوع وعليك بالدعااء وان شاء الله بيروح الضيق ولاتكلمينه على موضوع البنت وانسيه

احسن لك


موفقه ياارب والله يسعدكم ويا بعض :)

كلام البنات اووكي بس لو اي وحده مكانها مابترضاها !!

اممم

تعرفي انتي عاقله .. لانك مسكتي نفسك وقت ما شفتي الكلام بينهم وما رحتي على طول تواجهيه وتخربي الدنيا .. احييكِ على هالشخصية

لا تفكري تواجهيه ابدا .. انتي الادرى شو هو التصرف الانسب لشخصية زوجك .. والافضل ما يعرف انك فتشتي تلفونه عشان ما يقلب السالفة ضدك ..

حاولي انك فهالفتره تهدي عالاخر وتفكري زين زين .. كيف تتصرفي .. دامك عارفة زوجك ومتأكده من حبه لك .. باقي بس انك تعززي علاقته فيكي اكثر وتكرهيه في اي بنت غيرك

ابششششششششششششششششششششششششرك

وقفوا البلاك بيري

في دول الخليج

بس انتبهي ترى هذا حل مؤقت للمشكله مو حل جذري

الله يصرفه عن سواك ويخليه لك

الله يريحك ويهدي بالك

الله يريح بالك يارب ويسخر لج زوجج

الله يهديه

مادري الصراحه هل تصارحينه والا لا .. ادري صعب تتجاهلين بس ماعندي تعليق بـ هالخصوص

بس من ناحيه ثانيه حاولي كثر ماتقدرين تكونين قريبه منه عشان مايفكر في غيرج أبد

وإذا تقدرين تروحين معاه دبي .. أخير وأحسن بعد

الله يسخره لج يارب

:f:

سبحان الله والله كأنج ترمسين عن وحده اعرفها

اختي ليش انتي وين ساكنه ؟؟؟ في ااي إمارة ؟؟ لان دبي مب بعيده وايد ؟؟ ليش ما تسكنين معاه .؟؟ والله الصراحة ماادري كيف اتخلينه برروحه طول الإسبوع ..؟؟ اتعرفين والله البنات المنحرفات هم اللي يركضون وراء الرياييل .. من كلامج فهمت إن البنت هي اللي لاحقة وراء ريلج .. واترمسه ..
الغالية حتى لو رمسه عادية بين زوجج وهاي البنت اللي ما تخاف الله الرمسة العادي بتتحول لرمسه مب زينه عقب ..

الحقي عمرج بسرعه قبل لا يروح زوجج وبنات ها الايام عادي عندهم يسرقون رياييل الناس بس المهم يعرسون .. اتعرفين العنوسة في الإمارات منتشرة .. وشوفي بنات اللي في المولات كيف ؟؟ .. والله عندي اعرف وحده قريبة نفس قصتج من سنة متزوجين وخطبها لانه كان يموت عليها عقب سنة اكتشفت ان زوجها يرمس وحده فيالبلاك بيري انزين وسكتت عنه والمسكينة كانت اتقول لا يحبني ما يسووي والمسكينة كانت اتقول نفس رمستج انه يصارحها وانهم شرات الربع وانه يموت عليها .. تدرين ان علاقته ببنت البلاك بيري تطورت من البلاك بيري وعقب صدمها زوجها اللي كان يحبها موت على قولته اصلا ان اسمها نفاق الزوج على زوجته. لان الحب مب بالرمسة بس والشعر والغزل والكلام الفاضي.. الحب يبان بالإخلاص وحفظ غيبة كل واحد للثاني ..بقول لج شي بتستغربين منه شو رايج لو قلت لج ان زوجها ذبح روحه عشان اهلها يوافقون عليه !!! وين الحين لو يحبها صدق ما تزوج عليها بنت البلاك بيري ؟؟ صح كلامي ولا لا ؟؟ ..اتخيلي تزوج بنت البلاك بيري عليها !!!!!!!!!!!!!!! واللي كان يقول لزوجته انا ودرت هاي السوالف خلاص ماارمسه بنات ابليس ..... واللي كان يقول لها انا احبج موت ..والله جذاب اللي يقول لزوجته احبج موت .. لو يحبها ما يخونها وما بيرمس من وراها .. اصلا ما بيرضى ..

بقول شي في إذنج :: والله ثم والله ان الريااييل حتى لو يقولون لزوجتهم أنهم يحبونهم موووووووووووت وما بخونج والله انهم يخونون وما لهم امان والدليل قصة هذي اللي اعرفها من قريباتي انتهت بزواجه من بيت البلاك بيري ..


الله المستعان الزوج الي متعود على سوالف البنات والله لو حتى قطعوا خدمة البلاك بيري بيخون بطريقة ثانية .. يعني العلة فيه مب في البلاك بيري .. والمخلص هاي الايام وايد نادر


انا صدق خايفة احس نفس سالفة ربيعتي يستوي عليج ..

مرحبا : انا نفس اختي فطووومه الحبوبه @بالكلام عداها العيب صراحه لازم توقفينه عند حده شلون تستكتين لاحقي علي عمرج لا تطييح الفأس بالراس ويتزوجها وقتها شبتسوين إنتي عاجل من كلامج بس انتي لو مو عارفه أو خايفه إنه بيصيير شئ جان ما حطيتي الموضوع هذا كله ,, اله قلبج معورج لازم يعرف قيمتج منو هذي اللي يكلمه شنو الداعي شنو ناقصه علي كلامج ,, انتي راح تخليني أقولج سالفت رفيجتي هم تعور القلب يمووووووووووت عليها سوا حادث عشانها تخييل انتحر بعد ههههه وأخر شئ شنو لقت؟؟؟ وحده بغرفة نومها’’ وين الحب وين اللي بغي ينتحر هذا اخرت السكوت وكل اشوي تسامحه تمادى لأخر درجه وشوفي انا كل شئ اسامح فييه اله الخيانه لو شنو ما أسامح هذا شئ يمس كرامة الأنسان معناه انا فيني شئ ناقص واهو الحقيقه اهم ما يدورن شنو يبون هذي ولا هذي ولا هذيك يالله ’’ هذي الدنيا والبقاء بالأخير للأصلح وأنتي بيض الله ويهج صبووور وهذ شئ زين بس لازم تشوفين حل الحين :K:الله يحفظج ويهديييه

الله يهدي زوجك لك ويسخره ومايشوف غيرك ابد

انا عن نفسي مستحييييييييييييل اسكت له يعني يتكلم مع وحده وامشي الموضوع عادي ولا انتظر لين تجي ست الحسن والجمال تأخذه مني وانا نايمة في العسل ..
واعرفي شي واحد زوجك او الرجال بصفة عامة مايتجرون يكلمون وحده الا اذا هى عاطيه الضوء الاخضر..
افتحي معاه الموضوع بهدوووء وبالاخير خليه يحلف بالقرأن انه مايرجع يكلمها ..

وهذا الدعاء يخلي زوجك خاتم في ايدك ..
اللهم اني استودعتك قلب زوجي وسمعه بصره ولسانه وفرجه في ودائعك فاحفظها لي يامن لاتضيع ودائعه اللهم اجعله لي قرة عيني الوحيده واجعلني له قرة عينه الوحيد اللهم حببه فيه وحببني فيه اللهم اطمس على قلب زوجي وسمعه وبصره ان لا يرى من نساء الدنيا غيري اللهم سخره لي في سمعه وبصره وقلبه وماله اللهم استر عيوبي عنه واقنعه فيه وجملني في عينيه واجعلني اجمل من الحور العين في عيني زوجي اللهم اره الحق حقا واره الباطل باطلا يارب العالمين .

الله يساعدك

الله يهدي بالش