الله يسعدكم اي وحده زوجها عسكري تدخل حتى لو مو عسكري : (

الامورة شجن;12810308:

حبيبتي بقولج شي ,,

بحكم إن زوجي عسكري يعني عايشة الواقع .. الكلام اللي انقال لج كله غلط ×غلط ليش لأن الرجال في العسكرية ايكون ملتزم باوامر رؤسائه وغصب عنه ايسويها او يلتزم بطبيعة عمل يعني مثلج انتي كزوجه مسؤوله انج اتسوين حق زوجج الغدى والعشا وتجهزين له ملابسه و.... الخ ..

وبالعكس العساكر أكثر ناس في حياتهم العادية خفيفين دم وروحهم حلوة لأن يعوضون الشي اللي ما يحصلونه داخل العمل يطبقونه داخل بيتهم ولما ايحسون باي غلط اكيد راح ما يعجبهم الوضع لأن الرجال بطبيعته اياً كانت وظيفته ما يحب الغلط في بيته سواء كان عسكري او غير عسكري ..هذه نقطه

والنقطه الثانية الحين الرجال وإن فرضنا إن متحكم في زمام بيته هذا بالعكس ايخليج تفرحين مو اتقولين لا ما ابيه لأن اللي ايعرف يمسك زمام الامور راح ايكون مسؤول عنج ولا راح ايكون مقصر معاج في شي ..

والنقطه الثالة هذيلين اللي اسمهم دكتورات في الجامعه يعني هالشهادة اللي ماخذينها ايحطونها في الماي ويبلونها ويشربون مايها (مع إحترامي للجميع طبعاً) تدرين ليش لأنهم ما يفهمون شي .. لأن الحياة الزوجية تعتمد على الزوجه وكيف إدارتها لزمام امورها الزوجية بأنها اتخلي زوجها سعيد او تعيس في حياته معاها ..

تمنياتي لج بحياة سعيدة وموفقه حبيبتي وتركي عنج وساوس ابليس واتوكلي على الله مدام تسهلت لج من البداية معناته الخير مكتوب لج وياه وذها رزقج من الدنيا ..