هذي حياتي

سلام عليكم ورحمة الله وبركاته

شخباركم ؟؟

بصراحه بنات مدري من وين أبتدي كل اللي أعرف أني أبي أفضفض ضايق خلقي موت الحمد لله رب العالمين على كل حال

شوفوا بنات أني نفسي مدري شنو بالضبط مضيق خلقي أحسن أشياء وايد تجي بالبال وتخنقني ودي أتكلم

شوفوا أنا بنت عمري 21سنه أدرس في كلية الهندسه المدنيه ساكنه مع أبوي وأخواني أثنين أخوي الصغير 11سنه والكبير 28 سنه أبوي هاجر أمي صاره تقريبا 11-12سنه وكل واحد فيهم ساكن بشقه بيت أمي ساكنين معانا بنفس العمار أحنا بالطابق الثالث وهم بالطابق الاول وعندي خوات ثنتين أصغر مني ساكنين مع أمي وخواتي 3 متزوجات المشكله بصراحه مدري وين فيني ولا في خواتي ولا في أمي ولا أبوي طبعا آنه أقرب شخص لي في عائلتي كلها أبوي صديقي الصدوق ولكن ما أقدر أقول له كل شي لعدة أسباب أهمها أنه ريال والسبب الثاني لان من أقول له شي يروح يقوله لختي الكبيره متزوجه 32وعندها 5عيال (الله يحفظهم )عشان جدي أتحفظ أقوله بعض الاشياء أنزين أختي الكبير هذي أنه أقرب وحده لها في خواتي وأسرارها كلها عندي وتحب تتكلم وياي وتفضفض لي مع فرق العمر من بينا بس أهي تقول آنه أرتاح لما أفضفضلج أحسج كتومه وما تطلعين لحد وأحب أستشيرج أحسج عاقله آنه مع خواتي كلهم أوكي الحمد لله وما بينا مشاكل وحتى مع أمي أوكي ما عندي معاهم مشاكل وكل شي يبونه يجوني آنه سوق أغراض مدارس أي شي صالون مستشفى أي أي شي يبونه يجوني يعني معتمدين علي بكل شي أنزين حتى خواتي المتزوجات يعتمدون علي في مستشفى سوق صالون مو إعتماد كلي بس أكثر شي يتصلون فيني مرينا بنروح المكان الفلاني وآنه لانهم خواتي الكبار ما أحب أرفض لهم طلب وأستحي أردهم إذا طلبوا مني شي مدري ليش مع اني معاهم عادي أمزح وأضحك بس بعد يبقون خواتي الكبار اللي لهم كل الاحترام ما أقدر أتجاوز حدودي وياهم مثل ربعي اللي بسني المهم كل شي يطلبونه ألبيه ما أقصر معاهم في أي شي حتى لو حدي مرهقه وتعبانه وتوني جايه من الجامعه وآنه في العائله كلها ما عندي أحد في سني من البنات كلش ولا وحده وصديقات صديقات من قلب بعد ماعندي عندي زميلات أشكثر واتواصل معاهم عادي بسمو صديقات ورغم معاملتي الحلوه وطيبتي مع خواتي وأحسبهم مثل ربعي يعاملوني غير أحسهم ما يحبوني أحسهم يتمصلحون من وراي يعني يبون مصالحهم تمشي من جذي يجاملوني المشكله كلهم من صغيرتهم لين كبيرتهم يطلعون مجمعات حدائق مطاعم من غير ما يقولون لي ولا حتى يذكرون عندهمأخت قاعده بروحها خلنا نتصل فيها ونقول لها أصلا هم ما يذكروني الا إذا يبون شي وايد يجرحوني ويقطون علي حجي وآنه أطوف وأحترهم ما أرد بالعكس أرجع وأضحك وياهم وأمزح عادي بس أهما تعودوا يقطون كلام وما يحسون بقيمته ما يحسون أصلا انه يجرح أختي اللي عمرها 29 سنه تقول لي أول ما تخرجت من المدرسه للحين محد تقدم لج ؟! مع العلم الحمد لله رب العالمين أتقدموا لي أيام المدرسه بس آنه كنت أرفض أبي أكمل دراستي وهيا تقط هالحجي كأن النصيب بيدي وما تحاسب فيه ووايد يقارنوني بأختي الصغير 17 سنه على أنها أحلى مني وملامحها حلوه ومرسومه وجدي وآنه الحمد لله رب العالمين ماني قاصره وناس وايد يشهدون لي بس مقارنتهم تستفزني وآنه ساكته يعني ما أدري هل هم يتعمدون أو ما يحسون أصلا أيام أخوي الكبير يبي يخطب إذا تقدموا لبنت وما عجبتهم قالوا لي اتشابهج وإذا تقدموا لبنت حلوه قالوا لختي الصغيره تشابهج وهذي المواقف طبعا كلها في ويهي حتى مو محترمين مشاعري .أنزين من فتره تقدم لي شاب وجاءوالدي يستشيرني صوب أختي اللي عمرها 29 سنه طبعا همشت رايي وطلبت من والدي يجون مقابله أنه ساعات أقول عنها لقافه
طبعا آنه دخلت المقابله ما أرتحت ولا كنت أحس بالراحه مع هذا واصلت وأخذنا الفحص وطلعت النتايج وآنه مو مقتنعه أصلا بقرار الموافقه لعدة أسباب أهمها ما كنت مرتاحه والولد كان غامض يبون كل شي بسرعه ولكني واصلت وكنت أدعي ربي وخايفه إذا أهوا صلاح يتممه لي وإذا شر يبعده عني وربي الحمد لله يحبني أستجاب دعائي وأبعد الولد عني الدنيا أرزاق والزواج قسمه ونصيب وكل واحد ياخذ رزقه .
أنزين بعدما أبتعدت آنه عن هالولد تقدم لي واحد من العائله عمر 45سنه مطلق خطوبه آنه أعرفه كانت أمه تقول لنا دوروا له على عروسه وكنت أدعي ربي يتقدم لي مع أني كنت أدور له على عروسه بس كنت إذا أشوفه أستحي منه ولا إراديا أنزل راسي مدري شنو هالشعور بس أحس روحي منجذبه له وفعلا تقدم لي وأستانسة وايد وفرحة حتى أني بديت أخطط لحياتي معاه أهما أخطبوني من أختي الكبيره اللي 32سنه جات شاورتني وتعرفون تغلي البنات وشوي كبير علي بس بالنهايه عطيتها قرار أني مؤافقه وبعد ثلاث أيام تقريبا أو أكثر تقول لي أنه أتصلت فيهم وقلت لهم أنج رافضه الريال ما تبيه لانه كبيـــر وايد عليج فرق كبير وايد بينكم أنه عادي طوفت الموضوع لا ن مو أول مره تتصرف وتاخذ قرار عني بالرافض كنت متعوده . آنه مشاعري أحسها متعبتني وساعات أقولأني حساسه وايد

ولكن والله العظيم وقسم بالله خاطري أصير زوجه وأم وربي يشهد علي خاطري أتزوج وأستقر وأعيش مع زوج صالح يحبني وأحبه يفهمني وأفهمه يحترمني وأحترمه

دعواااااااااتكم