أمس السبت ولدت أختي الوحيدة، وجابت بنوته مثل القمر ما شاء الله تبارك الله:D (الفال لش يا أم هادي):o
من عرفت إنها في المستشفى قمت أراكض في البيت مو عارفة وش أسوي:biggrin::biggrin:
إتصلت على مرت أخوي (تصير بنت خالي وصديقة أختي مرة) وعلمتها السالفة، بس قلت ليها لا تقولي لأخوي، عشان ما يخاف ويقعد يحاتي:-o
كنت أبغى أروح ليها على طول، بس المشكلة هدوي عنده تطعيم لتكميل السنتين، قلت لمرت أخوي تعالي ويايي المركز الصحي نطمعه وبعدين نقول لأخوي ودينا المستشفى عشان عندي موعد (لا تقولوا خرطنا عليه، لأنه يخاف وبيقعد يحاتي ويصيح علينا:'()، عاد هو ما حب يسألني ليش باروح (فرحان على باله إني حامل):D
إتصلت أمي يا عمري عليها (خفنا نقول ليها بنروح المستشفى وتحس إن في شي (قلنا ليها بنروح الصالون، لأن أساساً كانت هذي الخطة من الصبح، بس بعدين تغيرت خطتنا)
رحنا المستشفى إلا زوجها وعمتها وحماتها معاها، بس دخلوها غرفة الولادة وهم في غرفة الطلق:-o
قلت أبد إلا أدخل أشوف أختي، قالوا ممنوع، ما جبت خبر، فتحت الباب ودخلت عليها، طلعتني الممرضة عشان البس ثوب أصفر، وبسرعة ربطّه بس من النص ودخلت، وداخلي ضحكة عليها، بس بعد لما شفتها خفت على حالتها، وتصارخ
(هلا هلا أم هادي حصلت شي تضحك عليه هههههههه):D
طلعوني بعد دقيقتين تقريباً وضلينا ننتظر في الخارج، بس نسمع صوتها، وشالت المستشفى شيل، صرخت من قمة قمة راسها (تراني ما سويت ولا ذرة من اللي سوته، ما صحت ولا صارخت "شاطرة أم هادي"):D:D
وكل شوي نقول بس هذي صرخة الولادة، ونطالع في الساعة، والدكتورة إنتهى دوامها وجت الدكتورة الثانية، والحالة مطولة:(، وهي يا عمري حالتها وصلت حتى صوتها تغير، وزوجها كأن هو اللي يطلق، وعمتها صارت صفرة من التعب، ومرت أخوي توها من شهر مسوية قيصرية وتعبانة يا عمري (هذي اللي قلت ليكم جابت ولد وتوفى يوم ثاني "أدعوا الله يعوضها يارب")
ولما وصلت الساعة 5 بدأ صوتها يخف، وأسمع الدكتورة تعلمها كيف تدفع ومتى تدفع، وهي من التعب خلاص مو قادرة، وأتسمع على الباب أبغى أسمع صوت النونة تصيح، وأخيراً جات أحلى بنوتة:biggrin:
(تشبه خالتها أم هادي هههههههههههه) وناديت على زوجها وفيي الصيحة، وشوي بغيت أتنطط، بس قدام الرجال ما يصير:D
خمس دقايق وجابوها عشان نشوفها، وصورناها فيدوا (طبعاً هي عرفت خالتها على طول، طالعتني بعيونها الحليوة "قولي قسم") ههههههههههههههههه:lol::lol:
وبعد ساعة طلعوا أختي من الغرفة وتطمنا عليها، وفيي الضحكة مرررررررة:D على شكلها، وأول شي سألتها بتولدي مرة ثانية:-o؟؟
قالت لا،،، أحمل إيه، بس أحد يولد عني هههههههههههههههه
وتوته توته وأختي جابت أحلى بنوتة
"]
