السلام عليكم ورحمة الله وبركاته
إزيكم يا بنانيت
:)
عاملين إية
يارب تكونوا بخير كلكم يارب
أنا عايزة آخد رأيكم في شكل مطبخي
دية ف الأول كدة رسمة كروكية ليه
Uploaded with ImageShack.us
المستطيل اللبني اللي ع إيديكم اليمين دة شباك
والحوض عين واحدة مش اتنين
والأخضر دة بقى هتبقى التقفيلة الخشب .... هتبقى من عند البوتوجاز لحد الباب .. بس طبعا هيسيب مسافة قبل الباب
وزي ما أنتم شايفين مش هعرف أقفل الحيطة اليمين ولا أعمل فيها أي حاجة لأن مطبخي ضيق جدااااا
ماشي
دلوقتي بقى أنا محتارة ف كذا حاجة
أولهم شكل الضلف
تانيهم ترتيب الضلف
هقولكم تخيلي وعايزة أسمع آرائكم كلكم
التقفيلة هتأخد شكل حرف L تقريبا
هيكون ليه ضلع صغير اللي هو جنب البوتوجاز
وضلع كبير اللي هو هيوصل لحد الباب
وطبعا التقفيلة هتكون من فوق وتحت
نبدأ بالضلع الصغير
الراجل قاللي يأخد 3 ضلف بعد ما قاس المقاسات
فأنا فكرت إني أعمله كالآتي
تحت : صف أدراج فوزق بعضه جنب البوتوجاز + ضلفتين
وفوق : ضلفة سينجل + ضلفتين
معايا .. ؟؟؟
يارب تكونوا فاهميني
:)
نيجي للضلع الكبير
تقريبا كدة هيأخد 6 ضلف
هعمله من تحت : ضلفتين + ضلفتين + ضلفتين
ومن فوق نفس النظام
وممكن أعمل فوق نظام المستويات اللي بيتعمل ف كل المطابخ دة
يعني الضلف اللي ف النص مثلا أعلى من اللي حواليها
وبالنسبة للجزء بتاع الحوض
قاللي هيأخد 3 ضلف بردة
فقلت أعمله فوق ضلفتين + ضلفة
بحيث أحط ف الضلفتين المطبقية وأعملها فيهم فتحة من تحت
وتحت بردة ضلفتين + ضلفة
يتبقى حاجة مقولتهاش
الخط المايل اللي مرسوم عند التقاطع بين ضلعي حرف ال L
وهيكون مكانة ضلفة واحدة لكن هتبقى من جوة واسعة علشان الميل اللي هتيجي بيه دة
وممكن أخليها للخزين من سكر وشاي و أرز و...... إلخ
دلوقتي أنا تقريبا قلت كل تخيلي
لكـــــــــــــــــــــــــــــن
حاسة إنه تقليدي جداااااااااااااااااااااااااا
نفسي أعمل أي افتكاسات كدة لكن مفيش ف دماغي أي أفكار
ودلوقتي عايزة أسمع آراءكم كلكم
إن شاء الله حتى تقلبوا اللي أنا قلته دة كله رأسا على عقب
:)
علشان ألخص تاني اللي أنا محتاجاه
نقول
شكل الضلف
ترتيب الضلف
محتاجة شكل للأرفف اللي بتبقى شابكة في التقفيلة اللي فوق علشان الشاي والسكر والتوابل وكدة يعني
وعايزة أعمل رولة مناديل أحطها فين وشكلها يبقى إية
وبس كدة
:D
اللي مفهمش أي حاجة من كلامي يستوضح مني
وياريت تلحقوا تردوا علي الله يكرمكم
لأني مفروض أروح للراجل بكرة أديله كلامي النهائي إن شاء الله
وجزاكم الله خيرا مقدما على مساعدتكم لي في حيرتي الوحشة دية
في رعاية الله يا بنات
سلام عليكم