قلت لابي انى بكرهه

السلام عليكم ورحمة الله وبركاتة
اخواتى الاعزاء
عندي مشكلة واحب اطرحها عليكم
انا بنت ترتيبى ال4بين اخواتى ال7
الحكاية قديمة جدا من اول ما بدئت اميز ان في فرق في التعامل بينى وبين باقى اخواتى من ابى وامي
المهم
انى تغاضيت عن حجات كتير ابى وامى بيعملوها بس بحاول اوضحلهم انى زعلت وانى اخد بالي من الموقف وعديتة كالسااااابق
انا اقل واحدة في التعليم بين اخواتى لذالك كنت اساعد ابى في تجارتة حوالى11سنة متواصلة والموضوع دة اثر عليا صحيا جدا لان تجارة ابى محتاجة للمداومة طول اليوم وحمل اشياء ثقيلة كنت بروح المعرض من الساعة9الى الساعة11يوميا ودة خلانى قريبة جدا من ابى واحبة كتيييييير اكتر من امى وكنت اعتبرة صديقى لدرجة انى بحكيلة على كل شئ يخصنى بينى وبين خطيبى ولانى مخطوبة لمدة اكتر من 4سنين واقترب وقت كتب كتابى ان شاء الله(تانى يوم عيدالفطر)وخطيبي مسافر من حوالى سنة ونص وهيوصل ان شاء الله قبل الفرح ب10ايام فقط
حبيت انى اخد اجازة من الشغل لمدة طويلة شوية لارتاح فيها من المجهود الي كنت اقوم بة يوميا وفعلا قررت بعد محاولات مع ابى انى اجلس في البيت مع العلم انى كنت بتعالج علاج طبيعى لانى اصبت بالم في مؤخرة العمود الفقري في نفس الوقت الي كان الدكتور بيقول انى احتاج لراحة تامة كنت استريح يوم وانزل يوم لذالك لم ياتى العلاج باي نتيجة
المهم
اقترحت على ابى انى اقلل من الايام ومن ساعات العمل لدية
فاذهب من الساعة9 للساعة5وكمان يوم الجمعة اجازة
بصراحة هو وافق بس لمدة قصيرة جدا وبعدين بدء يتاخر اوى عليا ويجي مثلا الساعة8او9ويقولي يلا لو هتمشي طبعا كنت بتنرفز اوى واقولة لا مش لازم الموصلات هتاخد وقت طويل لغاية ما اوصل للبيت فكنت بفضل تكملة اليوم معاه وعدم ذهابى لانة هيكون بدون جدوى وهو استغل النقطة دية وبقى يجي دايما متاخر
ومن اول شهر6قولتلة انى قررت الجلوس في البيت لابدء في تحضير لوازم فرحي فاعترض ولكنى اصريت وبدئت المشاكل بينى وبين ابي واختلفت المعاملة من النقيد للنقيد
فبدء بالابتعاد عنى ومنعى من الخروج ومنعنى من المصروف ومن التليفون لكى لا اتواصل مع اصدقائي واقاربي وازداد عنادى لذالك واصريت على عدم الذهاب للمعرض
ومرت ايام وتحدد فرح اختى بسرعة لان زوجها كان عندة ظروف تخلية يقدم ميعاد الفرح
من10\10\2010
الى5\7\2010
وفي تلك الايام كنت دائما انزل مع اختى لتحضير اغراضها وتحضير شقتها وفستنها و...الخ
ولانى كنت دائما اخرج معها فحجزت كل ما يخصنى
اشتريت الفستان الخاص بفرحي وحجزت الكوافير والاستوديو وكل ما يخصنى
ولم اكن اعتقد ان بهذا ساكون قد وضعت اخر حجر في الجدار بينى وبين ابي
فبعلمة باننى حضرت اغراضي بدء بزيادة عداوتة لي وامتنع عن الكلام معى نهائيا
فذهبت لخالى الكبير وحكيت له على كل شئ وطلبت منة ان يحادث ابي ويجعلة يحسن معاملتة لى ولكن دون جدوى
فذهبت لعمتى وطلبت منها ان تحادث اخاها وفعلا حادثتة وانا امامها فسمعتة يقول لها
(انا خلاص مش طايق اشفها قدامى ولا عايز اسمع صوتها انا بكرهها امتى ربنا يخدها ويريحنى منها)
لم اشعر بنفسي الا وانا ابكى بكل قوتى لدرجة ان جسمى اتشنج وكانى مصابة بشلل نصفى وكنت اصبت بهذة الحالة سابقا وايضا بسبب ابي
المهم جلست عمتى معى وتحدثت معى كثير وقالت انة زعلان منى لانى تخليت عنة بعدما كان معتمد على اعتماد كلى لمدة السنين الماضية
فقلت لها ان هذا من المفروض ان يشفع لي عندة فانا تنازلت عن اشياء كثيرة جدا لاكون بجوارة في تجارتة ولم افعل كما فعلن اخواتى كل منهم عندها مصلحتها اولا
فقالت لى لانة يحبك جدا زعل منك جدا لما تخليت عنة
مرت ايام على هذا الموضوع وايضا بقيت معاملة ابى لي كما هي وبالعكس زادت سوء
وفي الامس فقط كنت امرح مع اخي الصغير10 سنين وكنت بغلس علية كتير وهو كمان كان بيغلس عليا فضللت ازغزغة وهو يضحك بهستيريا ولم يتمالك نفسة من الضحك لدرجة انة لم يتمكن للوصول للحمام في الوقت المناسب واخذ يبكي لان اخواتى الاخريات ضحكن علية
فلم اجد من ابى الا ان قام علي وانهال ضربا قائلا كفايا غل بقى ان قلتلك متضربيش اخوكى كذة مرة قبل كدة
وانا لم اتمكن من الكلام من شدة الاندهاش من الموقف
فاسرعت اخواتى ليمنعوه من ضربي وهم يقولوا (مضربتهوش دول كانوا بيهزروا مع بعض)
فلم اشعر بنفسي الا وانا اضع يدي الاثنين لامسك وجة ابي بينهما لاركز بصري في عينة وضللت اقول له انا بكرهك مش طايقاك ولا طايقة اعيش العيشة دية بكرهك وانت السبب انت السبب الي خلتنى اكرهك
وتركتة وذهبت لاغرفتى وانهرت في البكاء فوجدتة يتحدث بصوت عالى ولكن لم اميز ماقالة
واذا بة يدخل غرفتى ليضربنى بكابل الكمبيوتر فوقفت امى بينى وبينة لتمنعة من ضربى
والى الان لم اكف عن البكاء
وكلما تخيلت ان ابى تغير بهذا الشكل بعدما كان صديقى وحبيبي
جاء الوقت الذي اسمح لنفسي ان اقول له انى اكرهه
اكره نفسي بشدة اعلم اننى غبية وهو اكيد مش بيكرهنى وانا عارفة انى مش بكرهه دة حبيبي بش مش عارفة اعمل اية
انا تعبت من جفائه من معاملتة الجافة من عدم محادثتة لي وكل هذا بسبب انى فكرت في نفسب بعدما كان تفكيري السنوات السابقة كلها له هو دون ان اطلب لنفسي شئ




في يوم كنت اشكى لاختى الكبيرة من ابى بعد تغيرة
فقالت لي
(الي اتعود انة يدي لغيرة ويجي اليوم انة يطلب لنفسة بيبقي وحش والناس بتزعل منة لانة معودهمش انة انسان زية زيهم لا عودهم انة ملاك بيدي وصعب انة ياخد)