عفوا زوجى العزيز أنا طيبه أه بس مش عبيطة

بصي يا قمر مدام نيتك لله و بتعملي كل ده علشان ربنا يبقي اوعي تندمي ابدا و اكيد ربنا حيجازيكي خير علي اللي بتعمليه

اصل انا زيك كدة عبيطة بس بردوو بقول لربنا و كل ما افتكر ان انها لربنا استريح نفسيا

عندك حق للاسف الطيبه فى زمانا ده ماتنفعش انا بردو طيبه كده والناس بيخدوها على انها عيب مش ميزه بس اهوه بنعمل لربنا مش عشان حد تانى
ربنا معاك ويسعدك

دودى معلش طبعا على كل اللي بيحصلك
بس انا مش شايفه ان الطيبه هبل او عيب انتى بس هتلاقيكي كنتى متسامحه زياده عن الازم و ده اللي الناس بتستغله و بتفتكره عبط بس انا شايفه ان مش معنى ان كزا حد غلط فيكي انك خلاص مش هتبقي طبيه و لا متسامحه مع اى حد طبعا المسامحه ليها حدود بس اهم حاجه انك قبل ما تسامحي اللي قدامك تفهميه انك عارفه انه غلط فيكي و غلطوا مكنش صغير عشان كده سمحتيه لا غلطوا كبير و انتى اللي سامحتيه بمزاجك و بطيبه قلبك و لو الموضوع اتكرر يبقي ساعتها اه متسامحيش تاني
و الحمد لله انك راجعتى نفسك في موضوع الانفصال ده اتصافي مع جوزك و حاولى تبدئ معاه صفحه جديده عشان تربى ابنك مع ابوة و امه
ربنا يهديلك الحال و ييسرلك كل امورك ان شاء الله

انا عن نفسي بردو طيبتي بتطمع كل الناس فيا حتى اقرب الناس ليا بس فعلا حاولي توزاني بين الامور كلها بعقلك و من بعدها قلبك عشان ما تخسريش

ده فعلا اللى انا عملته بوازن وبفهم اللى قدامى انى مش هبله على فكرة
الموضوع ده مش من جوزى بس ده فى الشغل كمان

لا يا حبيبتى الطيبة عمرها ما كانت هبل

لكن لكل شىء حدود واللى يزيد عن حدة ينقلب ضدة

ربنا يهديلك الحال ويهديلك زوجك ويحفظلك بيتك

والله يا بنتى الطيبه فى الزمن دى بجد بتخلى الناس تفتكرك سهله

ربنا يهديلك كل عاصى يارب

لاحول ولا قوه الا بالله ...............شنسوي بعد الزواج شر لابد منه.....والله حاله


لاالعزابيه مستانسين ....ولا المتزوجين مرتاحين.....يعني شلون.....مانتزوج....


الي يسمعني يقول كلش ميتين علي خخخخخ

عارفة يا دودي كل اللي قلتيه كانك بتتكلمي عني.. في بيتي مع زوجي و في شغلي كمان.. مش مهم الشغل المهم زوجي اللي اتغير ١٨٠ درجة بعد الزواج ربنا يهديه.. أنا حامل في نص السابع الحمدلله و أكثر من نصف فترة حملي في خصام و زعل.. و كل ما يصالحني يقولي كل ده علشان بحبك و بغير عليكي.. كل ذنبي ان حد وصله كلام غلط عن الناس اللي معايا في الشغل.. بقي بيحاسبني علي تصرفاتهم مع ان ماليش دعوة بيهم من يوم ماتجوزنا.. و طبعا فيلم كل يوم و لا بقي يفرق معاه زعلي ولا دموعي لدرجة اني يوم سبت البيت و روحت لبابا لما غلط اوي.. بس رجعت ريما لعادتها القديمة و بيعاملني بعدم احترام لأقل سبب و مش عارفة أعمل ايه.. اسفة بس مش لاقيه حل ولا لاقيه حد أحكي له.. ربنا يفرج كربك و كربي

bosy_md;12786017:
عارفة يا دودي كل اللي قلتيه كانك بتتكلمي عني.. في بيتي مع زوجي و في شغلي كمان.. مش مهم الشغل المهم زوجي اللي اتغير ١٨٠ درجة بعد الزواج ربنا يهديه.. أنا حامل في نص السابع الحمدلله و أكثر من نصف فترة حملي في خصام و زعل.. و كل ما يصالحني يقولي كل ده علشان بحبك و بغير عليكي.. كل ذنبي ان حد وصله كلام غلط عن الناس اللي معايا في الشغل.. بقي بيحاسبني علي تصرفاتهم مع ان ماليش دعوة بيهم من يوم ماتجوزنا.. و طبعا فيلم كل يوم و لا بقي يفرق معاه زعلي ولا دموعي لدرجة اني يوم سبت البيت و روحت لبابا لما غلط اوي.. بس رجعت ريما لعادتها القديمة و بيعاملني بعدم احترام لأقل سبب و مش عارفة أعمل ايه.. اسفة بس مش لاقيه حل ولا لاقيه حد أحكي له.. ربنا يفرج كربك و كربي

جمدى قلبك وخدى موقف
شوفى ردى على الخاص يا قمر

ربنا يهديلك جوزك ويخليلك ابنك ويسععدك يارب

ههههههههه احلي حاجة ان معظم المشاركات من مصريات ليكون المنتدي قلب مصري خخخ
ربنا يعينك يا حبيبتي والطيبة مش حلوة في كل الاوقات ومش كل غلطة عذرها مقبول

عندك حق والله .الطيبه بقت عييييييب
انا مقروصه واهلي من الموضوع دا

السلام عليكم
ازيك يا دودى يارب تكونى بخير
هقولك على حاجه هى الطيبة مش غلط ولا تربية امك فيكى غلط
احنا اللى فهمنا معنى الطيبة غلط
لاننا فهمناها تنازل و استسلام و ضعف و وهن
الطيبة ما بين الراجل و مراته معناها الموده و الرحمه و الاحترام
الاحترام كاساس فى الحياه و متبادل ما بين الاتنين
الاحترام حتى فى الهزار لانها بتبدأ غالبا بكده
يجى يهزر فيشتمها و هى تقول عادى ماهو بيهزر والموضوع طبعا مش عادى لسببين
اول سبب ان لسانه هياخد على كده و هتبقى لازمه فلما تحصل مشكله حقيقيه بمنتهى التلقائية لسانه هيردد الالفاظ دى
ثانى سبب ان ده مؤشر خطير لشكل العلاقة ما بين الراجل و مراته فهى فى الهزار تنازلت عن احترامها و طبعا الموضوع مش هيقف لحد كده هيتطور اكتر و ممكن يوصل انه يمد ايده وهى هتسكت

انما لما تنبهه بلطف من الاول و بابتسامه و فى ساعتها انه ما ينفعش يمد ايده حتى لو بهزار او يقول الفاظ مش كويسه وانها ما تحبش ان شكل العلاقة ما بينهم يبقى كده انها تحب الاحترام المتبادل و لو قال ده انا بهزر يبقى تفهمه ان الهزار يكون بدون اى كلمات جارحه
يعنى من الاول احط قواعد ومش بالكلام لا بالفعل
يعنى ما اعليش صوتى على جوزى و احترمه و لو عمل موقف هزار او جد يزعلنى اقوله ان ده مش هينفع وانا مش قابلاه و لو الموقف جد ما اديلوش وعد انى سامحته الا لما يبين العكس بس اقوله بالراحله و بمنتهى الهدوء و بصيغه ما تقللش من قيمته او تحسسه انه ارتكب الخطايا السبع او حتى صيغة لوم او نقد لان النفس البشرية بطبيعتها بتكره جدا اللى ينتقدها وما فيش حاجه اسمها نقد بناء ده هبل بناء نقد معناها هدم - انصح بالحسنى و اتكلم باسلوب يليق بشخصية و عقل اللى قدامى
ساعتها انتى هتكونى من جوه صفيتى تماما وما حستيش انك بتتساهلى فى حق الاحترام ليكى
وارد ساعتها لما تعبرى عن ضيقك من الموقف اللى حصل فى لحظة مناسبة و بهدوء يرد يقولك انا كده و ان كان عاجب
ساعتها تنهى المناقشة بلطف مع ملاحظة ان لسه فى حاجه مضايقاكى وانك مش صافيه من ناحيته
بس برده باسلوب كويس و مع اداء كل واجباتك
صدقينى والله قصاد احترامك خصوصا وانتى مضايقه و زعلانه منه
طالما هو انسان اصله و اساسه كويس و محترم (بناء على اسباب اختيارك ليكى)
اكيد مش هيصمد كتير و لا هيتمادى فى غلطه و هيعترف بيه ويعتذر عنه بس بطريقته
فى مثل فرنسي بيقولك ايه
لا أحد يستطيع ان يمتطى ظهرك الا اذا انحنيت له
يعنى من الاخر احنا اللى بنعمل فى نفسنا كددده احنا اللى مسؤولين عن افعالنا مش حد تانى
احنا اللى لغبطنا الدنيا فى بعض و فهمنا المعانى غلط و فهمنا ان الاحترام و تعبيرنا عن رأينا و عن اللى بيزعلنا و مضايقنا حتى لو باسلوب كويس فده بيتعارض مع الحب
ماهو الحب مش معناه انى احبك و انت تعمل فيا اللى انت عايزه وانا ما انطقش و كفايه عليا حسك فى الدنيا
الحب = اقتناع و احترام و تفاهم و مسؤولية
حتى فهمنا معنى التغافل غلط
التغافل ما بين الزوجين معناه انى ما خدش بالى من عادات مش مريحه بالنسبه لى بس هو اعتاد عليها واحد بيشخر واحد بياكل كتير او التغافل فى اختلاف الطبايع و السلوك
بس مش اتغافل عن اسلوب حياة ما بينا دى كده سلبية
لازم يبقى فيه تسامح ما بين الزوجين لانها من نتائج المودة و الرحمه
طيب يعنى ايه تسامح
هتسامحينى يبقى طبيعى ان فيه حاجه انا عملتها زعلتك منى وانتى عبرتيلى عن زعلك ده و بالتالى انا هحاول اصلح اللى ربنا يقدرنى عليه فانتى هتصفى فهتسامحينى
مش انى اغلط فيكى ومن غير حتى ما توجهينى انى غلط و تسامحينى ما بينك و بين نفسك
طب افرضى انا مش حاسس ان اللى عملته زعلك او حاسس انه زعلك بس طالما ما قولتيش يبقى انتى نسيتى الموضوع فانا كمان هنساه مانا مش هشم على ضهر ايدى
اه فى درجه اعلى من التسامح اللى هى العفو
بس حتى العفو بيكون بعد ما اوجه الانسان اللى غلط فيا انه غلط و انه جرحنى و احسسه بده و باسلوب كويس برده و لو ما اعترفش بغلطه و اصر انه مش غلطان و ظلمنى و بغى يبقى لو ربنا كرمنى بالعفو ده خير كبير
انى ساعتها ما اشيلش من البنى ادم ده و اطلق سراحه و اطلعه من دماغى و افوض امرى لله
مشكلتنا اننا مش بنتكككككككككلم و فاكرين اننا لو ما اتكلمناش فى اللى يزعلنا ان ده الصح وانا كده بضحى و باجى على نفسي و بسامح
لا كده غلللللط
لانك فى وقت هتنفجرى و اول حد هتنفجرى فيه هو و هطلعى عليه القديم و الجديد
لما نخلص المسائل اول باول افضل كتير اوى ليا قبل غيرى

ديلسى رد رائع

عزيزتي: الطيبه عمل جميل يندر في زمننا فأنتي تعتبرين من المميزين!!!!
ماأعجبني فيك طيبتك والذي لم يعجبني قولك بإن امك لم تربيكم صح اهذا جزائها علمتك على خصله حميده..كونك وجدتي ردت فعل الاخرين هي استغبائك وعدم احترام طيبتك وفسروها بشي اخر أردتي تغيير طيبتك لارضاء هولاء حتى لو كان زوجك منهم
فهذا عمل مشين ويعتبر استلام لهم....
عزيزتي كوني كما انتي ولا تكوني كما هم,,,اعلمي ان رضاء الناس غايه لاتدرك...دعي ماتفعلين لوجه الله ومن اراد استغبائك والاستخفاف بك عليك بالرد الذي يناسب اي اظهري مع طيبتك شي من الثقه بالنفس ولا عليك بما يعمل الاخرين,,,,
اعلم بما تشعرين ولكن اخيه لا تحطمي شيئا من قدرك فانتي جميله تمتلكين روح اجمل فلا تخسريها.....دعواتي لك بالتوفيق والسداد بالدارين تحياتي لك أيتها الطيبه...........تقبلي دائما حبي وأحترامي
أختك:متحدية الصعاب

انا رايي في الموضوع ده ياجماعة ، ان الطيبة صفة جميلة خسارة الواحد يخسرها عشان الناس اللي حوالينا، وكانها خير لسه باقي في الدنيا ،اللي احنا عمالين نقول عليها مبقاش فيها خير
بصراحة انا مريت بتجارب كتير في حياتي ، في تجارب خلت عودي يشتد شوية وغيرت فيا فعلا، بس بعد كل تغيير بقعد اقول لنفسي مش انا بتلقائيتي وبساطتى وبرائتي كنت احلي من دلوقت، وارجع ارد على نفسي ماهي دي تجارب كان لازم اتجاوب معاها واخرج منها بخبرات ، اللي هوه بيسموه النضج
بس بصراحة اخر ما زهقت قلت خلاص انا احاول اصلا محتكش بالبشر كتير عشان كل ما احتك بيهم كل ما هتتغير فيا حاجات للاسوا، طبعا مش كل الناس انما في الغالب بيكونوا مثلا زملاء العمل والجيران واحيانا بعض الاقارب
خلاصة كلامي ان طول ما الانسان عايش طول ما بيكتسب خبرات وبيقابل ناس وبيفهم حاجات وبيتعلم حاجات برضو، وعشان كده الناس الكبار ابهاتنا وامهاتنا بنلاقيهم اكثر حرص وحذر وتوجس في التعامل مع البشر مننا، ودي الحاجة اللي بيحمونا بيها احيان كتيرة من حاجات احنا مبنشوفهاش عشان صغيرين.
مش عارفة بصراحة هل رايي واضح ولا لا ، بس اجمالا اهي دنيا وبنعيشها بنعافر فيها وبتعافر فينا ودي سنة الحياة ، طول ما بتقاومي وتراجعي نفسك وتشدي حبه وترخي حبه يباه كده انتي صح
بالنسبة لبوسي ومشكلتها مع زوجها ربنا يهديهولها
انا عايزاكي ياقمر تعرفيه ان احترامه ليكي ده حاجة مهمة اوي عندك، وفي سبيل كده انتي مستعده تعملي اي حاجة تكفل لك احترامه ليكي، يعني شوفي ايه اللي عايزك تعمليه ويرضيه وابذلي اقصى جهدك عشان تثبتيله انك بتعملي اللي هوه عايزه، عشان يحس ان فعلا احترامه ليكي حاجة مهمة عندك وانتي بتحاولي بكل ما تملكي عشان تحافظي عليها.
يعني اعتقد انتوا دلوقتي في مشكله بينكوا بس المشكلة متعالجتش لسه من اي طرف، هوه مش راضي عن حاجات في شغلك وانتي مش عارفة تخليه ازاي يرضى، خلاص قوليلي اامر ياسيدي عايزني اعمل ايه ، واعملي اللي يقولك عليه ، ريحيه يعني عشان ميبقالوش حجة يعاملك بيها مش كويس، انا طبعا مش عارفة كل جوانب المشكلة بس دي حاجة خطرت في بالي اول ما قريت المشاركة

انتي لا هبلة ولا عبيطة لكن الطيبة و القلوب المليانة محبة و خير صارت نادرة في زمننا و ينظر اليها على أنها حالات شاذة هالأيام و الدليل على أن طيبتك في محلها أنك تصرفتي صح يوم غلط معك زوجك الغلطة الكبرى و وقفتيه عند حدو وان شاء الله يكون استوعب الدرس مليح. لا تتغيري أبقي على طبعك الطيب الجميل لكن فقط تجنبي الثقة العمياء في الناس ولا تسمحي لأحد أن يقلل من احترامك وربي يوفقك ويعطيك على قدر قلبك الابيض يادودي يا جميلة.