كـيفكم ؟ إنشالله كل أموركم تمام F:
موضــوعي اليـوم عن " العـنآية الـعلاجية + العنآية اليـومية " للشفاه
الشي اللي خلاني اكتب هالموضوع , هو حب البنات للحصول على شفاه صحيّة و لونها وردي
وكمآن مشآكلهم مع الشفاه من جفاف و خطوط و لون باهت :thumbs_down:
اللي بتشعر انها استفادت من الموضوع يا ريت تدعيلي بالـنـجـاح
___________
خلصت مقدمتي الــحلوه :o
___________
بسم الله ,
الـعنآية العلاجية :
مشآكل الشفاه بتتلخص بـ ( الجفاف , الخطوط الرفيعة او التشققات , اللون الباهت , سواد حول المنطقة )
اسباب المشاكل بتتلخص بـ :
قلة شرب السوائل و قلة الترطيب(تسبب)جفاف + خطوط رفيعة وتشققات + لون باهت
لعق الشفاه باللسان (تسبب) سواد بالمنطقة و حول المنطقة
طريقة حلّ المشاكل :
1)شرب السوائل (ماء - عصائر طبيعية - شوربات )
2)الترطيب الدائم , و احلا و افضل مرطب نهاري & مسائي هو " لابيلو "
3)عدم لعق الشفاه باللسان
طبعا الفترة آكيد رح تآخد وقت , ممكن شهر وممكن اقل وممكن اكتر , رح تلاحظو انه شفاهكم صارت صحية اكتر , ولونها طبيعي اكتر
______________
الجزء التآني من الموضوع
هو " العناية الوقائية " او "العناية اليومية ", حتى نتأكد انه شفاهنا ما رح يصيبها اي ضرر او مشكله
كل يوم بعد غسل الوجه , لازم ترطيب للشفاه , و آحلى مرطب " لابيلو " موجود بـ جميع الصيدليات بالعالم :lol:
انا عندي 3 اقلام لابيلو , وكلهم نفس اللون ( احمر ) بطعم التوت
قلم بخليه بالبيت , كل ما اتذكر برطب شفافي , و قلم بيكون بـ حقيبتي , يعني لما اطلع عالمدرسة او لما اطلع مشوار , بضل ارطب شفافي
و قلم للضرورة , :o , يعني بخاف يخلص من عندي , بصيبني جنوون :hysterical:
نرجع لموضوعنا , يعني باختصار لازم ترطيب في كل وقت و كل زمان ومكان
هلا كل يوم قبل النوم , بآخد قطنه عليها فازلين وبمسح فيها شفافي
و يوم بعد يوم , ( يوم اه و يوم لا ) , بعمل تقشير لـ شفافي بالسكر , مشان يبقو نآعمين و رطبين و خاليين من التشقق
و مرة وحده بالاسبوع , لما اعمل مآسك لـ وجهي , بحط شوي من الماسك على شفافي , كـ تغذية
بتمنى يكون هآد برنآمجكم للعنآية بـ شفاهكم الحلووه , آكيد شايفينه سهل , بس ياريت تداومو عليه , ;)
_______________
هاي شوية طرق يمكن تعجبكم , حتى تطبقوها , انا صراحة بطبق بعضها , بس مش كل وقت " الكسل دابحني "
1)قبل النوم , رطبي شفافك بالفازلين , و جيبي فرشاة اسنان , و افركي بحركآت "يمين شمال" , و بعدين هآتي فوطة فاترة , وامسحي فيها شفافك , ورطبي بـ اي مرطب عندك ,ونامي
2)عمل مآسك العسل والسكر , اول شي تأكدي انه شفافك نظيفة من اي مستحضر تجميل , وبعدين حطي شوية عسل وفوقه شوية سكر , و خلي الماسك من 15 لـ20 دقيقة وبعدين اغسليه بالمي الفاترة , ورطبي بـ اي مرطب
بس هآد موضوعي ,
ادعولي بـ النـجآح ,
حبيبتكم May$on