ضروري ياأمهات

السلام عليكم

مساكم ورد وجوري

امهات عروس انا عندي مشكله وابي الحل لو سمحتوا

انا مربيه صارلي شهرين تقريبا .. بنتي عافت صدري بعد ماجربت الصناعي اول الايام

شريت شفاطه وقمت اشفط الحليب واحطه في مرضاعتها عشان اقص عليها وتشربه

المشكله ان اقعد بالساعات اشفط واخر شي يطلع شوي حليب يعني شفتوا المرضاعه الصغيره ام 60 يصير اقل من رقم 20 الموجود عالمرضاعه

جربت شفاطه يدويه واليه بس نفس الشي
اول الايام يمكن كان حليبي اكثر الحين صار يقل
وانا صرت يوم ارضع وعشره لا

الحين كل هالكلام اللي قلته جزء من المشكله لكن المشكله الحقيقيه هي اني لما اضغط على صدري بيدي يطلع حليب يعني صدري فيه حليب وممكن يعبي المرضاعه لكن لما اشفط بالشفاطه مايطلع شي
يعني
اذا هوست بيدي على صدري يطلع حليب
لكن بالشفاطه يمكن اتم ساعه ومايطلع الا قطره
والله من شوي جربت وهذا اللي صاير
لو حليبي ناشف كان تقبلت الامر لكن دام في حليب ويطلع ليش بالشفاطه ماقام يطلع شي ؟

هل العيب من الشفاطه ولا مني ولا خلص حليبي ولا شنو ؟؟؟؟؟؟؟؟؟؟؟؟؟؟؟

للتوضيح
الشفاطه الكهربائيه ماركة ايفنت
واليدويه ماركة شيكو

تتوقعون العيب من الشفاطه؟