كيكه الشوكولاته بالصور

السلام عليكم
كيفكم صبايا وستااات
اليوم الظهريه قلت بسوي كيك حق العصريه مع القهوه من اختراعي واللي يطلع يطلع
بصراحه ماتوقعتها كذا لذيذه كنها جاهزه
طبعا المقادير من اختراعي
اول حاجه سويتها
حطيت 3 بيضات بلخلاط وخلاطتهم لين صارو زي الرغوه
وبعدين اضفت نص كاس سكر واستمريت بالخلط
اضفت بعدها ملعقه حليب بودره بكاس بمويه وخلطتها صار زي الحليب السايل
اضفته على البيض والسكر وخلطتهم شوي بعدها اضفت ربع كوب زيت وخلطتهم
وبعدها ضفت كاس ونص طحين (دقيق) وملعقه كبيره بكنج بودره
وخلطتهم سوا
جبت الصينيه ودهنتها بزيت ورشيت رشه طحين
وحطين نص الخلطه والنص الثاني اضفت عليه ملعقه كاكاو وحطيته على الصينيه
ودخلتها الفرن

وعلى ماتستوي جهزت الصوص
عباره عن ملعقه جبن سايل وحبتين جبن كيري وربع حليب نسله وملعقه صغيره نسكافيه وملعقه كبيره كاكاو وخلطتهم سوا
ويوم طلعت الكيكه من الفرن حطيت الصوص عليها ورجعتها بحراره الفرن
معليش بنات هل مره ماصورت الخطوووات
بس صورت لكم كم صوره
هذي يوم حطيت الصوص

هنا طلعتتها من الفرن

هذا شكلها النهائي

ان شاء الله تعجبكم كيكتي
واذا استاهل قيموني وابي ردود موتطالعون وتمشوون ترى نزلتها لعيونك
تعبت بالمطبخ :badly::badly:واحترقت اصابعي وانااطلع الصينيه :badly::badly:
حتى اكتب بيدي اليسار شفتووو كله لعيونكم يعني ردو ان كان عجبتكم ولاماعجبتكم ردو