لـ آحلى مـنتدى و آحلى عـرآيس
,,
حبيباتي انآ بحب اعتني بـ نفسي , و بحب دآيما آكون بـ آحلا صـورة
مشآن هيك عندي عنآيتي اليومية و الاسبوعية والشهرية :o
,,
اليوم المغرب , عملت جلسة إنعاش وتنظيف و تغذية لـ بشرتي
*هالطريقة لازم مرة وحدة بالاسبوع وبس
و كآن مزآجي رآيق ,, قلت خليني اصوّر الخطوات مشآن البنوتات يستفيدوا
,,
فوآئد الجلسة بـ شكل عآم
1) تنظيف البشرة من الشوائب و الاوساخ المتراكمة دآخل الخلايا
2)تطهير البشرة وتعقيمها
3)تغذية البشرة بـ شكل مكثف عن طريق المآسك
4)نعومة و ترطيب و لمعة عذاب
5)بشرة موّردة و نضرة وصحية
,,
قبل ما ابدى بـ طريقتي , بحب اقول انه الشي اللي رح اعمله بناسب البشرة الجآفة والمختلطه , لكن ما بناسب البشرة الحساسه ( لانه في ليمون)
كمآن بتمنى انه تعملو الطريقة بـ فترة المسآ , مشآن تضمنو انه البشرة تستفيد وتمتص كل شي , لانه بالنهار بتتعرض البشرة للميكروبات والباكتيريا
وبحب اقول انه موضوعي جهد شخصي مني انا May$on ,, في صورتين او تلاته نقلتهم من Google , اللي بتحب تنقل الموضوع تنقله عآدي , اهم شي تذكر اسم منتدى عروس , انا بحب انه الفائدة تعمّ على الجميع
اللي بتشعر انه استفادت من موضوعي , يا ريت تدعيلي من قلبها:L: بالسعادة والنجآح
,,
يلا بسم الله
قبل كل شي نظفي بشرتك بالتونيك الموجود عندك , او اي منظف متعودة عليه
بعدين حطي (قدر/ إناء / سطل/ ..) على النآر , وحطي عليه ميّ (مقدار نص لتر)
وهآتي ليمونة صفرا , اقسميها نصين ,,
النص الاول اعصريه وحطيه فوق الميّ ,
والنص التآني اعصريه و اتركيه على جنب ( رح نستعمله بـ المآسك )
بعدين هآتي اوراق نعنع ( كمية وسط ) متل الصورة
ملاحظه : عآدي لو استعملتي بدل النعنع , ميرامية او بقدونس او بابونج
و هآتي قشور الليمون اللي عصرناه , ضيفهم على المي الفاترة يللي عالنار , وضيفي معهم اوراق النعنع, متل الصورة
و حطي فوق الاناء , صحن زجاج ( ضروري )
بعدين نترك كل شي يغلي على النآر :clock:
,,
رح نستغل هالوقت في تحضير الماسك ( مآسك العسل)
المآسك عبارة عن نص عصير ليمونه(نص الليمونة اللي قسمناها في الاول) , نضيفله
4 معالق صغار عسل
ونخلط تماام التمام وبعدين نضيف
معلقة صغيرة طحين
وبعد الخلط و التحريك , رح يكون المآسك جاهز للاستخدام , ( رح نتركه على جنب )
,,
في هالوقت بتكون المي صارت مغلية
رح نشيل الصحن الزجاجي , و رح نعرّض بشرتنا للبخار ( اتأكدوا انكم طفيتو النار )
البشرة رح تبقى معرّضة للبخار لـ مدة 7 دقايق ( حتى تعرق ويصير لونها احمر )
بعدين خدي شوية سكر بإيدك ,
وافركي بـشرتك بـ كل الاتجاهات و بحركات دآئرية , حتى تتقشر و تتخلصي من الاوساخ المتراكمة بالمسام
ويا ريت لو تآخدي وقتك بالتقشير :clock: , علشان بشرتك تنظف منيح
,,
بعدين , هآتي كوباية مي , و حطي فيها شوية ماء من ماء المحلول اللي غليناه , وضيفيلها مي باردة , (مشان تتجانس وتبقى فاترة على بشرتك )
اشطفي بشرتك بـ خليط المحلول و المي ,
يا ريت لو تشطفي بشرتك اكتر من مره ( مثلا استعملي 3 اكواب او كوبين اوك؟)
خلي المي على بشرتك , وهآتي قشور الليمون و افركي بشرتك فيها ,
وما تنسي تعكفي الليمونه بهالشكل
يعني لازم تفركي بشرتك بالجزء الابيض الداخلي
,,
بعد الفرك ,اشطفي وجهك بـ كوب من المحلول و نشفيه بـ طريقة التربيت
وهآتي المآسك يللي جهزناه (مآسك العسل ) و وزعية على بشرة وجهك
ودلكي بشرتك شوي ( على شكل مساج ) و اتركيه ينشف
,,
الخطوة الاخيرة :
باقي المحلول حطيه في علبة صغيرة , واحفظيه بالتلاجه
,,
انتظري المآسك ينشف , ( الافضل تخليه على بشرتك 30 -45 دقيقة )
بعدين اشطفيه بـ المحلول البارد اللي حفظناه بالتلاجه
ولو ما كانت الكمية كافية , اشطفي بالمي العادية و نشفي بـ طريقة التربيت
و هاتي شوية فازلين ( ما تكثري مشان بشرتك تمتص ) , رطبي بشرتك منيح
,,
حبيباتي من اول مرة رح تشعري بـترطيب و نعومه و رح تلاقي بشرتك موّردة و لمعتها روووعه
وتآني نهار , رح تشوفي الصفاء والنقاوة
,,
العسل : مرطب ومغذي طبيعي
الليمون : مطهر و بيعطي نضارة للبشرة
الدقيق : مقشر خفيف
حبيبات السكر : للتقشير و التخلص من الخلايا الميته والاوساخ
المحلول (نعنع & ليمون ) : إنعاش للبشرة و بيفتح المسام و مطهر
,,
بتمنى الفائدة للجميع
ادعولي بالسعادة والنجاح
حبيبتكم May$on