انا وزوجي ع وشك الانفصال والسبب امه

السلام عليكم ورحمة الله وبركاته

اخباركم يا بنات؟؟؟؟؟
بنات نفسيتي في الحضيض مش عارفة ايه اللي عملته عشان يحصل معي كده ومن الانسان اللي حبيته وانتظرته سنين حتى تتعدل ظروفه ورفضتك عرسان كتير عشانه وكانوا من قرايبنا وما ههمني شيء ولا صلة قرابة زي ما همني اعيش معاه وتتوج قصة الحب بالزواج وبعد سنين ارتبطنا بالخطوبة وكتب الكتاب وفضلنا سنة مخطوبين
خلال السنة دي ومن اولها عند شراء الشبكة امه واخته الكبيرة عملوا مشكلة واتخانقوا مع البائع واتعاملوا معي بقرف امام الناس مع العلم اني اخترت شبكة ذهبية بالسعر اللي حددوه

وامه صممت تخرج من المحل وماتشتريش لكن هو صمم يشتريلي الشبكة اللي عجبتني وةانا افتكرته عمل ده عشاني لكن بعدين اتضحلي انه علشان منظره قدام اهلي لاننا الحمد لله مرتاحين ماديا
المهم عدى الموضوع ده
خلال فترة الخطوبة كنت بتصل بمامته واخواته وابعتلهم مسجات و ولا واحدة كانت بترد ع مسجاتي ولما كنت اشكيله كان يتحجج بحجج محدش يصدقها ويزعق فيا بانهم طيبين وتلقائيين واني انا اللي ضميري وحش ونيتي وحشة وكنت بقول معلش واستمر الحال ليوم الزفاف وكنت سعيدة لدرجة ماخدتش بالي الا لما شفت فيديو الفرح كانت امه مكشرة جدا وزعلانة وكان شكلهالافت للنظر واخواته قاعدين بعيد عني وبيتحاشوني الا اذا اخوهو وقف يتلموا حواليه وفي اول سفر له بعد الزواج رحت بيت اهله اقعد يومين بعد الحاح منه لاني عارفة كرههم ليا وغيرتهم مني ع ابنهم لكن رحت وقعدت وانا ماشية اجاركم الله من اللي حصل
امه واخته الكبيرة قعدوا امام بيتهم و ردحولي ورموا التهم عليا وحاولوا يغلطوني عشان يفتنونا انا وهو سوا ومن عصبيتي قلت كلمة مقصدش بيها حاجة راحوا قالوله وقلبوا الدنيا عليا وهو صدق اني قاصدة احرجه ولما شكيتله انهم قالولي ماتجيش تاني عندنا صدمني ب انه عاجبه وغلطني انا.........

احنا لينا سنتين متزوجين في السنتين دول انا بكيت كتيييييييير وندمت على عمري اللي ضيعته في انتظار شخص شخصيته ضعيفة وممحوة امام امه واخواته
لو قالوله حاجة عني يصدق وييجي يزعق ويتخانق معايا ومايسمعش مني ولا كلمة

ولو انا شكيت يطلعني غلطانة بالباطل وهو شايف الحق بعينه وبرضه يتخانق معايا بدل ما يطيب خاطي بكلمة طيبة ويقول ما تزعليش لدرجة انه سقط من نظري لانه شخص باطلي وضعيف الشخصية
وغير ده كمان معاملته ليا بقت من اسوأ ما يكون بقى يزعق لي في الشارع امام الناس على اتفه اتفه اتفه الاسباب اللي تتخيلوها


والله يا بنات انا مش حاسة اني اتزوجت لاني مفتقدة الامان عمري ماحسيت منه بالحنان او انه حضن وسند ليا دايما حاسة بالغربة معاه وبالظلم طول الوقت والمرارة ملياني
يوميا دموعي نازلة المشكلة اني اتغيرت من ناحيته مابقتش اشتاقله وهو مسافر ولا افرح لما ييجي ولا بقيت بخاف عليه وصارحته بكده تصدقوا فاكرني بمثل عليه علشان يتغير وهددني لو مارجعتش زي ماكنت هاشوف منه قرف فحياتي ماشفتوش منه قبل كده..........
انا خايفة يا بنات خايفة انه باهمله ليا يخليني افكر في غيره غصب عني بفكر في الطلاق من زمان بس خايفة ياخد بنتي مني وهي البسمة الوحيدة في حياتي
ااااااه يا بنات تعبانة وكرهت الحب والزواج وكرهت نفسي اللي عملت فيا كده وكرهته هو قبل كل شيء

معلش طولت عليكم بس حسيت عايزة افضفض مع حد يسمعني
دلوني اتصرف ازاي