اللى تعبت من حب الشباب تدخل عندى البشاره

هلا وغلا

حبيت اسئلك هل هي مفيده للاثار

انا وجهي صافي بس فية اثار شوي

وهل ينفع استخدمه كمنظف يومي

وشكرا على الموضوع:up:

انا فى خدمتكم على قد ما اقدر
عاشقه الرياض
يصير حبوبه انك تستخدمينها كمنظف يومى لانها راح تحميكى من الحبوب فى المستقبل وهى طبيه ولا توجد بها اى ماده كميائيه مضره بالبشره
ام الزييييييييييييييييييين

اختي العزيزة

انا بشرتي الحمد لله صافية

لكن اعاني واااااااايد من حبوب في ظهري

اذا عندج الحل فيديني ويزاج الله خير

تحياتي لج

نبراس الحياة

أنا والله سالفتي سالفة..

في طول السنة وجهي ناعم و صافي إلا بس لما يجي فصل الصيف يصير بين الحبة و الحبة حبة لأني بشرتي حساسة واااااااايد من أنا وصغيرة حتى إني ما اقدر البس إكسسوار أو ذهب أو فضة او جلد أو حتى ساعه إلا اللي تكون مغطاه بشي يمنع الحساسية ........

وأنا ما استخدم اي كريم ولا مرهم بس اغسل وجهي و جسمي بصابون الطاووس المغربي واسوي ماسكات طبيعية بس

و كل الناس يجلسون يقلون لي على أسماء كريمات بس أنا اخاف استعمل أي شي من غير استشارة طبيب أو صيدلاني


لكن الدواء الفعال اللي لقيته هو البابونج .. هو الوحيد اللي حسيت له نتيجه بس هو يطول شوي على ما تبان النتيجة و المثل يقول اسأل مجرب ولا تسأل حكيم

و على العموم أختي ام الزين2000 أنا رح أسأل صيدلاني عن إذا كان يناسب البشرة الحساسه وأنا اتمنى إنه يكون نتيجته سريعة ولك جزيل الشكر على إنك افدتيني بأسم الكريم وأتمنى إنك لو تعرفين أسم كريم للبشرة الحساسة تفيدني فيه أذ ما فيه تعب عليك وشكراً مرة ثاني ما تقصرين

مرحباااااااا

تسلمين يام الزين:up

تحياتي لج

اختج

بنوته رومانسيه:shy:

تسلمين ياام الزين ،،

وانا بعد بجربها وعلى يدش إنشاء الله افتك من هالعقدة


وبدعيلك


وشكرا

مشكوووورة اختي ام الزين.. بس بسألج انتي بشرتج دهنيه ولا جافه؟

لان انا بشرتي جافه بس فيني شوووووووووي حرار عاد خبرج لازم الطمع:p

***********

اختي جهينة اليقين عن جد الله يكون في عونج .. لهدرجه!!!! انا صج بشرتي حساسه بس مو هلون :)

اختي نوره

دام انج في البحرين هني لا تضيعين وقت ولا شي روحي عند الدكتور حرب العمري احسن دكتور جلد و الله شاطر شاطر شاطر و لما تروحين له بتشوفين حتى كلامه يريحج قبل الادويه :o

انا الحمد الله الحين مافيني شي بس قبل كنت في اذيه و الله و كنت كل ما اجرب اي كريم تزيد المشكله بس ما ارتحت ولا افتكيت الا معاه هو

كل شي جربته و كل دكاتره البحرين رحت لهم لكن هو اللي ريحني و فادني و فكني بالاخر :D

على ردودكم
اختى نبراس الحياهمشكوره على ردك يالغاليه بس بالنسبه للظهر انا زوجه اخوى كانت تعانى من نفس مشكلتك واستخدمت الصابونه الحمره لايف بوي وهى وايد مفيده

جهينه حبوبه انا اللى اقصده مو كريم صابونه حبوبه واذا تبين كريم للبشره الحساسه هو يولاى وايد عجيب فيه منه للنهار وفيه لليل واتمنى تستفيدين

بنوته رومانسيه مشكوره على مرورك وكلماتك الطيبه
ام احمد لا خلا ولا عدم من مشاركتك الغاليه معاى وانا اتفاءل من اشوف النيك نيم الخاص فيج
campoochaيارب انشاء الله يكون لي نصيب من الدعوات
نوره
حبوبه انا بشرتى جافه تميل للعاديه والله جربيها وماراح تخسرين بس عطينى النتيجه
sambosaمشكوره على تواصلك

السلام عليكم ورحمه الله وبركاته
هلا اخواتي كيفكم ..

حبيت تساعدوني بمشكلتي انا فتاه جامعيه وبشرتي صافيه الحمد لله الا بمناطق الجبين وتكثر بيها الحبوب بالحر من النوع المخفي وبعضها بارزه وايضا بمنطقه الكتف .. للتعرف مستحضر او مرهم لا تقصر معااي ....

مشكوورين