ابيكم تساعدوني في كيفيت التعامل مع اخواتي

ح

حنونه بس مغروره

عروس متألقة

25-07-2010 | 09:44 AM

السلام عليكم ورحمةالله وبركاته

اتمنى مساعدتكم في مشكلتي لاني مره محتاره فيها

انا عندي اخوا تي صغار بنتين و
وحده عمرها 11 وهذي مره بارده وماتسمع الكلام وطنش كثير وهي الحين في سن البلوغ ولاكني اعرف اتعامل معاها ولاكن مو مره
والثانيه عمرها 9 سنوات طالعه لصف الثالث هذي البنت عصبيه مره وما تسمع الكلام وما تحترم احد
لاكن تحب الشخص الي يدلعها

<FONT size=5>بس المشكله اني اليوم تخاصمت معها وضربتها بشده معني انا ما%2

ح

حنونه بس مغروره

عروس متألقة

31-07-2010 | 02:45 AM

يالله لهاذي الدرجه تطنيش ما اتوقعتكم كذا لاكن شكلي جيت للمكان الغلط

لدرجة انكم نقصتو من الكلام الي كتبتو

مشكورات عسى ربي يجزاكم خير الجزا

S

SHREEFA

أخصائية اجتماعية

01-08-2010 | 04:44 AM

السلام عليكم ورحمة الله وبركاته
اختي العزيزه
توني اكتشف ان الموضوع قمت بالرد عليه والله العظيم رديت عليه بس الظاهر وقت ارسال الرساله انمسح او ماشابه
كلش ولا زعلك

ومايصير خاطرك الا طيب ارد عليج بدال المره عشر مرات

حبيبتي سامحيني على عدم الانتباه على هذه النقطه

لاني متأكده كتبت كلام بخصوص خواتج

اقولج مره ثانيه

غاليتي
البنت الكبيره تمر في مرحلة مراهقه وماشاءالله عليج مسيطره على الوضع معاها وعارفه شلون تتعاملين معاها

اما بالنسبه للبنت اللي عمرها 9 سنوات
هي مازالت طفله .. واكبر خطأ عملتيه هو ضربها ... اهنتيها واحرجتيها .. والضرب لا يحل المشاكل ... فهي في نظر نفسها انها كبيره .. الآن فمستحيل ان تمد اليد عليها

وانتي احرصي يا غاليتي على هذه النقطه بان الضرب لايحل المشاكل

بخصوص العصبيه .. اذا بدأت الصراخ .. طنشيها ولا تلتفتين لها .. كأنك لا ترينها واعملي نفسك بأنك مشغوله باي شيء في يدك .. واذا هدأت قولي لها
تفضلي الآن و قولي ما ترغبين فيه بدون صراخ وبكل هدوء لاني لا استطيع ان افهم ما تقولين

سوف تهدأ ... وتتعلم في المرات القادمه ان هذا هو اسلوب التفاهم لان اذا صرخت فلن تجد مجيب لها ولصراخها ....

تحاوري معها ناقشيها دائما .. ولديك المفتاح وانتي اللي قلتيه تحب الدلع فأذن هي تريد الاهتمام الزائد وتريد من يدلعها .. ويحسسها بوجودها .. يمكن تكون اصغر طفله بالمنزل فهذا الشعور طبيعي او هناك طفل اخر لذلك ترغب بالفوز في نصيب الاسد :)

وابتعدي انتي عن العصبيه سوف تبتعد هذه الطفله
واياك والمقارنه بينها وبين اختها اللي اكبر منها
بانها افضل منها وانها احسن منها و و و ......

لان هذا يزيد فتيل الغضب عندها ... ويكرهها في اختها عدم المقارنه بين الاخوان او الاهل او الاصحاب كل انسان له شخصيته وعقليته

وان شاءالله اكون كفيت معاك ... وبانتظار ردك غاليتي

دمتم سالمين
اختكم شريفة

ح

حنونه بس مغروره

عروس متألقة

06-08-2010 | 06:41 PM

مشكوره غاليتي عساك على القوه وجزاك الله خير الجزاء بصراحه استفت كثير وقريته اكثر من مره عشان استفيد اكثر

واسفه على الكلام الي كتبته لك

لك مني كل الشكر