محتاجه رايك وادعولي ياقمرات
baata
24-07-2010
39 رد
1,563 مشاهدة
دلوقتي يابنات انا بقالي سنتين مخطوبه يعني ع شهر 10 هكمل سنتين والشقه لسه ماجاتش ومش عارفين هنستلمها امتى والمفروض اننا نتعاقد على الشقه اخر الشهر ده
بس حتى لما نتعاقد مش عارفين ممكن نستلمها امتى المهم ان خطيبي قال لبابا سنتين ونتجوز بس الفكره ان خطيبي بيحب يلتزم بكلامه وهو مش عارف الشقه ممكن تيجي امتى
لاننا بقالنا سنتين الناس بتوع الشقق ربنا يسهل كمان شهر وكمان شهرين وع كده وانتوا عارفين يوم الحكومه بمليون سنه فمش ضامن حتى ان الشقه نستلمها بعد اما نكمل سنتين ب 6 شهور حتى
وانا رافضه موضوع الايجار علشان انا هعمل جهازي عموله فلازم اعمله ع مقاسات الشقه وانا لسه مش عارفاها فمش ينفع اناجر شقه واعمل العفش ع اساسها وبعدين نستلم الشقه مش هتظبط معانا ويعدين الايجارات عاليه اوي وانا بصراحه بستحرم اني ادفع فلوس كل شهر اد كده وفي الاخر مش هتبقى شقتنا والراجل صاحب الشقه الايجار ممكن يستهبل ومش يجدد العقد ووافضل اعزل وعفشي يتبهدل وانا لسه مابقتش في شقتي
وكمان احنا لسه في بدايه حياتنا والحمد لله مرتب خطيبي معقول بس الايجار هيطير كتير منه
بس في اقتراح عايزين نعمله وهو ده اللي عايزه اخد رايكوا فيه دلوقتي هو عنده اختين مجوزين وماماته بس اعده لوحدها وبتشتغل والشقه اوضتين بنفكر نعد معاها لحد اما ربنا يسهل
بس في جزء هو اللي مقلق ماما ان اخته الكبيره شقتها في محافظه تانيه بس شغلها هي وجوزها عند بيت مامتها فبتعد عندها طول الاسبوع وتمشي اخر يومين وساعات مش بتمشي واخته التانيه متجوزه بس كتير جدا بتفضل اعده عند مامتها
هما ناس كويسن موووووووووووووووووووووووووووووووووووووووووووووت وبيحبوني جدددددددددددددددددددددددددددددا لان ده كمان الولد الوحيد وهما ناس محترمه جدا وماحصلش منهم من ساعه مااتخطبت اي حاجه غلط والله بس ماما بتقولي ممكن مش تستريحي وكده بس انا عايزه اريح نفسي انا وخطيبي
وبقول ممكن نبتدي حياتنا بالطريقه ديه بس باذن الله نستريح بعدين وفي حاجه تانيه ممكن تخليني اوافق ان اخته الكبيره مقدمه في الشقق معانا ومستنيه برده فلو الشقق مش هنستلمها قريب هتروح تأجر شقه جنب مامتها معلش رغيت كتير وده تقريبا اختصار الموضوع بس بجد انا تعبت انا وخطيبي جداااااااااااااااااااا عايزه ارائكم اعمل ايه ؟نكلم بابا في الموضوع ولا اعمل ايه؟
في حاجه تانيه احنا كده كده كنا ناويين ناجل الاطفال لمده سنه لما نتجوز في شقتنا وده مخليني اوافق ع الفكره ها رايكوا ايه؟
حبيبتي دام انهم ناس كويسين وانتي بترتاحي ليهم كتير، عادي جداً لو سكنتي مع مامتو في البداية على ما تستلموا الشقة، وافضل بكتير من الاجارات العالية وفي الآخر على ما قلتي مش ليك، يعني حرام غير العفش
فاتوكلي على الله وسهلي الأمور وريحي خطيبك واسكني معاهم في البيت لغاية ما ربنا يفرجها
دا رأي طالما هم ناس محترمين وبيجبوك
ربنا يوفقك ويوسع عليك ويسهل امورك ويسعدك في حياتك ان شاء الله ويرزقك الذرية الصالحة وكل الي نفسك فيه يا رب
أ
أميرة في قلب حبيبي
مشرفة سابقة
24-07-2010 | 03:31 PM
اختي انا رايي اذا هما ناس كويسين و طيبين ومافي مجال للخلافات و النكد وانت قابلة الوضع دا فتوكلي على الله و لا تنسي كمان تستخيري والله يوفقك لما فيه الخير
)
)(Miss Swiiso )(
عروس برونزية
24-07-2010 | 03:41 PM
حبيبتي توكلي على الله و صلي صلاة استخارة و ربي يقدم اللي فيه الخير
و رددي هاد الدعاء دائما
حسبي الله الدي لا اله الا هو عليه توكلت و هو رب العرش العظيم
اولا يا بطوط ربنا يكرمك و يسهلك امورك يارب و تفرج من حيث لا تحتسبي:)
بس انا هقولك حاجة انا عندى ابن خالى اتجوز و قعد مع مامته فى نفس الشقه( عشان هم قاعدين فى شقة جميييلة و كبيييرة فى مدينة نصر ايجار قديم و هو مش عندة شقه و مرتبة كويس بس لو كان اجر كان مش هيحوش مليم كان هيبقي يدوب ايجار و مصرفهم) و ماماته كويسة اوى بردة بس اللى حصل ان قبل ما هو يتجوز كان عندة 4 اخوات تقريبا اغلب الوقت قاعدين عند مامته و الاطفال تبات و دا رايح تمرين فى النادى قريب منها يقوم يبات المهم بعد ما تجوز كل دا اتغير :|
اخواتة اتفقو ان العروسة دى ليها خصوصيتها و مش بقو يروحو غير يوم واحد فى الاسبوع و الله يا بطة هم اللى اتفقو على كده من نفسهم يعنى اليوم اللى كانو بيتجمعو فيه كانو كان بيكون يوم حلو ف انتى بتقولى ان الحمد لله اهله كويسين معاكى ليه لا ؟؟ استخيري ربنا و ربنا يوفقك للى فيه الخير :biggrin::D
كمان انا ليا تعليق على حاجة مرات ابن خالى اول ما اتجوزت كانت مرات خالى تقول لماما دى بتصحى متأخر و براحتها اوى و انها دمها بيتحرق من البرود دا و انها اياميهم كانت الواحدة تقوم الفجر تخلص اللى وراها :'(
ربنا كرمها و خلفت بنوتة زى القمر متتصوريش حماتها فرحت اد اييه و بقت تقدرها اكتر و حتى كانت بتكلم ماما مرة راحت قايلالها دى مروة بتصحى الساعة 4 ربنا يكون فى عونها بنوتتها بتسهرها و ان هيا اللى بتقوم بدرى تعمل كل حاجة فى البيت ف بجد مدام الامور كويسة ربنا يكرمك و اتجوزى معاهم و ان شاء الله ربنا هيديكي اكتر من اللى اتمنتية
اه معلش فى حاجة كمان عاوزة اقولك عليها مرات ابن خالى كانت اتكلمت معايا فيها و دا احد عيوب القعده مع حماتها و هى ان مش بتكون براحتها اوى يعنى مش ينفع تتطلعى بقميص بره اوضتك و لا حاجة قصيره و لا الكلام دا
بس كده يا قمر معلش طولت عليكي بس انا كنت بقولك من واقع تجربة شفتها قدامى و ربنا يقدملك اللى فيه الخيرF:F:
لأ يابطه بلاش
شايفه رد حنين
اه الست كويسه وبقت تقدر مرات ابنها
بس اخدتي بالك
الست متابعه حياه مرات ابنها بالثانيه صحيت امتي نامت امتي
عملت ايه سوت ايه
لأ وبتحكي كمان
ها هتستحملي تبقي حياتك تحت الميكروسكوب كده
لو حماتك ملااااك لازم يحصل مشاكل احنا بشر
عمرك ماهتبقي براحتك
مش هتعرفي تلبسي ولا تنامي ولا تاكلي براحتك
يعني معلش يعني ممكن جوزك ياكلك او العكس قدام مامته
او ياخدك في حضنه وانتوا قدام التليفزيون مثلا
ده ابنها الوحيد وهتغير عليه غصب عنها
والله مهما وصفتلك انا بعمل ايه مع مرات اخويا مش هتصدقي ايدي في ايدها في شغل البيت وتربيه محمد والتسوق دا انا مابيهونش عليا اخليهل تشيل حاجه وهي شايلاه بشيل التسويقه كلها وانا اصلا ضعيفه ومابقدرش اشيل اكتر من لتنين كيلو
ومع كل ده برضه غصب عني باخدد بالي من تصرفاتها او لو زعلت مع اخويا او زعلته
هي اصلا بتحكيلي ادق التفاصيل لاننا اصحاب قوي
بس برضه احنا بشر
لأ وده كله وهي في شقتها لوحدها امال بقي لو في نفس الشقه
هتتعبي قوي
فكروا في حل تاني
مش لازم تاجري في حته غاليه
دوري علي قريه واجروا فيها وهيبقي الموضوع مؤقت
في ناس بتاجر للابد مش بيبقوا ناويين يطلعوا المستأجر
او استنوا وربنا هيحلها من عنده
واكيد باباكي هيقدر الموقف
لأنه عارف ان خطيبك كويس ومش بيستهبل مثلا
دول سنتين يعني عشره
وبرضه اعملي استخاره وشوفي
ربنا معاكي
ي
يارب وفقني مرمر
عروس ذهبية
24-07-2010 | 04:50 PM
بصراحه يا بطوط مش عارفه افيدك اووي بس كنت عايزة ادعيلك
بصي انا لو مكانك مش هرضى بس ده عشان شخصيتي يعني انا مش هقدر خااالص و عيله و كده و هتخانق مع الكل
لكن انتي طيبه ما شاء الله و ف حالك
ف لو كده و اهم حاجه انتي مقتنعه مش مجبره فاتكلي على الله
انا مش قادره اقولهالك بقلب لان مش عاجبني الوضع و ربنا ما يحط حد فيه
بس انتي طالما مبسوطه و وااثقه يبقى تمام
بصي انا بقول روحي قضي معاهم يوم طويل كده من اوله
ف البيت
اما يكون الكل متجمع
شوفي نفسك كده هتلاقي نفسك و مرتاحه ولا اعصابك مشدوده
لانك مش هتقعدي يوم ولا 2 لا فتره و يارب الشقه تيجي على طول
انا بقول لو تستني مش تتجوزي ناو يبقى احسن يعني خلي اخركم نص السنه مثلا بعد كده تتصرفوا لكن مش تستعجلي
ده راايي
الموضوع ده بصراحه صعب شويه بسبب اخته اللي هيا بتيجي علشان شغلها ده اتكلمي معاه في الموضوع ده واعرف من بعيد كده اللي ممكن يتغير ولازم عندك في البيت يعرفوا بعد متعرفي من خطيبك كل حاجه علشان مفيش استفسارت تانيه تظهر وتعقد الموضوع غير كده مفهوش اي حاجه انك تعدي مع حماتك غير العيوب اللي متعارف عليها بس دا هيكون بشكل وقتي مش هيطول ان شاء الله وربنا يسهلك الحال وحتي لو الموضوع في صعب شويه ان شاء الله ربنا هيعوضك وخطيبك هشيلهالك انك وقفتي جمبه
حبيبتى انا رايى برضة بلاش لان فعلا احنا بشر والانسان بيتشاكل مع اخواتة مابالك اخوات زوجك وحماتك انا عارفة انك طيبة وهما كويسين بس الواحد بيجيلة لحظات ببيقى مودة مش كويس او متعصب غير ان السكن معاهم هيفرض عليكى حاجات كتير انك مش هتعدى براحتك مش زى مايكون فى بيتك والمعاشرة والعيشة بتختلف كتير قوى عن الزيارات الصغيرة والحب اللى كل طرف من الطرفين بيظهرة للتانى انا رائى تاجرى واستحمو شوية على نفسكم لحد ماشقتكم تجهز وربنا يسعدك وتقبلى مرورى يارب مااكون ضايقتك
معلش غلطته انا قصدى تستحملو شوية مش تسحمو هههههههه دة غلطة مطبعية حبيت اوضحها لتفهمينى غلط ياقمر
بصى يابطوط هو انتى صحيح فى موقف صعب ومش عارفه اديكى حل بس ده قرارك انتى هتستحملى ولا لا
يعنى مهما كان هما كويسين معاكى انتى برده متعرفيش
انا بنت خالتى كانت حماتهاطيبه جدا معاها وبعد الجواز لو صحيت متاخره تفضل مضايقه منها طول النهار بالرغم انى بنت خالتى شايله البيت كله لوحدهاوهى شاطره اصلا ما شاء الله ولو نزلت خرجت متاخر او اتاخرت بره تفضل مضايقه منها وتقلب عليها مع ان خروجاتها ايه عند مامتها عند الدكتور عند اختها كده يعنى
انا مرات اخو خطيبى عايشه معاهم فى البيت لان جوزها مسافر وهى اللى بتعمل كل حاجه غسيل اكل تنضيف دىه غير انها قاعده بالحجاب طول اليوم مبيتقلعش ولو حصل مشكله بينها وبين جوزها لما بينزل الكل بيعرف
علشان كده انا عن نفسى بقى شقتى فى بيت عيله بس قولت لخطيبى ان عشتنا تبقى منفصله مفيش اختلاط يعنى شوفى ليا شقتى الخاصه ومع ذلك بتمنى لو اعيش بره وقولتله اول ما يبقى معانا امكانيه نشترى شقه نشتريها بره البيت
انا حكيتلك عن نفسى واللى اعرفه بس نفسى اقولك بلاش توافقى وفى نفس الوقت مش عارفه انا لو مكانك ممكن اضحى التضحيه دى واقبل مدام بحب خطيبى
بس حطى فى بالك انك لو وافقتى اعرفى انك هتعقدى فتره طويله ممكن سنين لان الشقه حاجه مش مصضمونه وممكن بعد كده جوزك يقولك خلاص ماما اتعودت على قعدتنا ومينفعش نسيبها لوحدها وكده يعنى بصى فكرى كويس وشوفى البنى ادم اللى معاكى ده يستحق التضحيه دى ولا لا وهيحافظ على كرامتك وسط اهله لان دى اهم حاجه وربنا يهديكى للقرار السليم
الله ييسر لك الظروف كلها حبيبتي
بطوط ياقمر ربنا يسعدك دنيا وآخره والشقه تيجي بسرعه بأه وتتجوزي يااااااااااااااااااااااااااارب
بصي يا بطوط انا مش هأدر افيدك لان كل واحده حسب طبيعتها لو انتي شيفه انك هتأدري تستحملي وتعيشي مع حماتك واهل جوزك وانتي بتقولي الشقه اوضتين يبأه ده اختيارك بس انتي متعرفيش ال ادامك الا لما تعاشريه صح وكمان مش هتكوني مرتاحه في لبسك وكده فبلاش تستعجلي يا بطوط وان شاء الله خير
وزي ما قالت مريم روحي اقعدي عند حماتك يوم كامل وشوفي هتحسي انك مرتاحه وكده ولا ايه
وياااااااااااااااااارب ربنا يقدملك ال فيه الخير يااااااااااااااااااارب وتفرحي وتفرحينا ان شاء الله
مفيش مكان عند امك انتى وعند عيلتك احسن؟؟؟؟
مش هتاخدى راحتك خالص هقولك على حاجه تخيلى طالعه من الدش وعايزه تروحى اوضتك ونسيتى حاجه هتعملى ايه وجوزك مش موجود ؟؟؟
بصراحه ان مع راى البنات ان لا
عارفه انك تعبانه بس صدقينى مش هتستريحى لو اخدتى ايجار يبقى ارحم لك صدقينى
بطوط مهما كانوا هما كويسين معاكى انتى مش هترتاحى
لا هتعرفى تلبسي براحتك او تقعدى براحتك والعين هتبقى عليكي اوى وعلى تصرفاتك
وكمان انتى مش كبرتى يعنى علشان عايزة تتجوزى بسرعة اصبرى شوية وربنا يسهل والشقة تيجي
انا من رأيي تستنوا او لو تقدروا تسحبوا الفلوس اللى دفعتوها وتحطوها فى ايجار قديم يبقي احسن لكن تقعدى مع حماتك وكمان اخواته بييجوا يقعدوا مش هتستحملى خااااااااااالص
يعنى فى واحدة ااعرفها كانت قاعدة فى ايجار جديد وكانت مرتاحة ومبسوطة وقاعدة تقول على اهل جوزها انهم كويسين وبيحبوها وكانت تحب تقضى يوم الجمعة عندهم حصلت ظروف لجوزها واضطروا يقعدوا فى بيت مامته ماتتخيليش كرهت العيشة هناك قد ايه
ولما تتخانق هى وجوزها طبعا هما بيسمعوا وبيتكلموا بصراحة الوضع صعب اوى
فبلاش واستحملى شوية
meramia;12738863:
لأ يابطه بلاش
شايفه رد حنين
اه الست كويسه وبقت تقدر مرات ابنها
بس اخدتي بالك
الست متابعه حياه مرات ابنها بالثانيه صحيت امتي نامت امتي
عملت ايه سوت ايه
لأ وبتحكي كمان
ها هتستحملي تبقي حياتك تحت الميكروسكوب كده
لو حماتك ملااااك لازم يحصل مشاكل احنا بشر
عمرك ماهتبقي براحتك
مش هتعرفي تلبسي ولا تنامي ولا تاكلي براحتك
يعني معلش يعني ممكن جوزك ياكلك او العكس قدام مامته
او ياخدك في حضنه وانتوا قدام التليفزيون مثلا
ده ابنها الوحيد وهتغير عليه غصب عنها
والله مهما وصفتلك انا بعمل ايه مع مرات اخويا مش هتصدقي ايدي في ايدها في شغل البيت وتربيه محمد والتسوق دا انا مابيهونش عليا اخليهل تشيل حاجه وهي شايلاه بشيل التسويقه كلها وانا اصلا ضعيفه ومابقدرش اشيل اكتر من لتنين كيلو
ومع كل ده برضه غصب عني باخدد بالي من تصرفاتها او لو زعلت مع اخويا او زعلته
هي اصلا بتحكيلي ادق التفاصيل لاننا اصحاب قوي
بس برضه احنا بشر
لأ وده كله وهي في شقتها لوحدها امال بقي لو في نفس الشقه
هتتعبي قوي
فكروا في حل تاني
مش لازم تاجري في حته غاليه
دوري علي قريه واجروا فيها وهيبقي الموضوع مؤقت
في ناس بتاجر للابد مش بيبقوا ناويين يطلعوا المستأجر
او استنوا وربنا هيحلها من عنده
واكيد باباكي هيقدر الموقف
لأنه عارف ان خطيبك كويس ومش بيستهبل مثلا
دول سنتين يعني عشره
وبرضه اعملي استخاره وشوفي
ربنا معاكي
انا شايفة ان رأى مريمية مقنع جدا بلاش اليأس من موضوع الشقة يخليكى تخدى قرار تندمى عليه بعد كدة حتى لو مامته كويسة بردة هيكون فى مشاكل حتى لو صغننة بعدين هتحسى انك متقيدة مش عارفة تتصرفى وتتحركى على راحتك وكأن فى مراقب عليكى وبعدين انتى مش عارفة اخته هتعمل ايه بعد ماتتجوزى دول كمان أختين يعنى تخيلى البيت كدة لو الاتنين أتجمععوا علشان يباتوا عندكم الوضع هيكون ازاى وانتى وجوزك هتكونوا عاملين ازاى اكيد هتحسى بالخنقة وهتلاقى نفسك عاملة حساب فكل حاجة علشان مامته فى القعدة والنوم والحركة والكلمة وكللللللللللللللل حاجة دورى على شقة يكون ايجارها بسيط وخلاص واقعدى فيها على ما الشقة تخلص وتستلوها وربنا معاكم وبردة صلاااااااااااااااااااة الاستخااااااااااااااااااارة صليها قبل ماتخدى اى قرار وربنا يهديكى للصح وتتجوزى ونخلص منك بقى ههههههههههههه لا بهزر معاكى ياقمر ماتزعليش ويارب تتجوزى قريب وكل مشكلاتك تتحل والدنيا تبقى كلها وردى
السلام عليكم
بطوط يا قمربصي ان مع راي انك متسكنيش مع حماتك حتي لو هما ملايكة لسبب بسيط جدا
ان دا بيت عيلة
فاهمة يعني ايه بيت عيلة؟
يعني ابسط حاجة لاقدر الله واحده فيهم اتخانقت مع جوزها ملهاش مكان هي وولادها غير البيت دا
انتي تضمني ان حاجة زي دي متحصلش؟
وخدي دا بقي مقياس لكل حاجة وحشة او حلوة
وبعدين انتي ليه رافضة الايجار ؟انا شايفة ان دا حل كويس انا اختي فضلت ايجار جديد 3سنين وبعدين خدت شقة تمليك
انا شايفة لو ان ظروف خطيبك تسمح انك تاخدي ايجار جديد يبقي احسن وكمان الايجارات دلوقتي بقت مدتها طويلة مش اقل من خمس سنين
وفي الاول والاخر صلي استخارة
وربنا يوفقك يا حبيبتي
والله انا مش عارفة اقولك ايه
يعنى انا لو مكانك حصبر شويه كمان
بس انت شوفى ايه اللى يناسبك لو حتقدرى تقيدى نفسك يبقى توكلى على الله
وبرضه استخيرى وسيبى امرك لله وان شاء الله فرجه قريب