اختي 11 سنة ااخخخ تعالوا سمعوا

دقات قلبFي;12732337:
من وجهة نظري

كلام الأخت ام علي هو الأرجح

ولو تسمحين لي بأتعمق بكل نقطه ذكرتيها بالتفصيل ...

من رأيي

اذا ظروفكم تسمح ابنوا لها غرفه مستقله مو لازم تكون باهظه وفخمه المهم مستقله

حركة انها تجي عندك البيت ماشوف لها داعي وامها وابوها موجودين حتى لو كانت اختك بعدين ما شا الله عمرها 11 يعني شوي وبتكبر مو حلوه تقعد ببيت زوج اختها

واهلها موجودين ....


اخوانك المفروض توقفينهم عند حدهم قولي هذي اختكم لحمكم ودمكم مو زين اللي تسوونه ترى تاليتها البنت بيصير فيها شيء وهذي اختكم

علميهم وفهميهم هالشيء اخوانها لازم اسلوبهم يتعدل وياها

وعلى فكره اختك بهالسن يبيلها حرص ورعايه من امها وابوها وحركة الكمبيوتر افضل استخدامها له يكون فقط للبرامج الموجوده على الجهاز بدون استخدام الانترنت

اختك بسن مراهقه الافضل تقعد تحت نظر امها وابوها ولازم بعد يفرغ لها غرفه خاصه فيها كبنت ....

مو حلوه صراحه تنام مع امك وابوك لازم يفرغ لها غرفه من البيت اذا ظروفكم ما تسمح لبناء غرفه لها ,, مثلا" غرفة الجلوس اذا كانت غرفه مستقله او اي غرفه مستقله بالبيت

بس انصحك ماتاخذي اختك هي محتاجه لامها وابوها اكثر من احتياجها لكمبيوتر وغرفه

وأرى إن الأشياء اللي المفروض تقدمين على فعلها ....

* تكلمين اخوانك وتوعينهم ان اختهم ممكن يتسببون لها بشيء اذا استمروا على تصرفاتهم معاها ,,, علميهم فهميهم هالشيء وبعدين شلون يتعاملون معاها بهالطريقه وهم اخواااااااانها ؟؟؟؟؟ لازم توقفينهم عند حد يعرفونه ويحترمون اختهم

* اختك لازم يصير لها غرفه خاصه بالبيت عند اهلها امها وابوها سواء يفرغ لها غرفه من غرف البيت او يسوون لها غرفه خاصه حتى لو كانت عاديه جدا"

* ما انصحك تاخذيها لأن زوجك مهما كان بيتحمل فالبدايه بس ما بيسكت يوم من الايام حتى لو كان طيب .... يبي يستقل بزوجته مو مع اهل زوجته !!!!!!

* احسبي حساب اختك انها سنه سنتين وبتصير بنت كبيره فاهمه وبتدخل سن مراهقه يبيلها حرررررص وانتباه وراح تمر بفترة كثيرة الحساسيه يعني معاملة اخوانك لازم تتعدل

النوم مع امك وابوك ؟؟؟؟؟؟؟ اشوف انه اكبر خطا هالتصرف !!!!!!

وافضل ان يكون استخدام الكمبيوتر لأختك بحدود المعقول ولو دخلت الانترنت تكون تحت رقااااابتكم كلكم .....



هذي وجهة نظري والله يوفقك يالغلا ويفتح لكم ابواب الرزق يارب


تقبلي مروري


دمتي بحفظ الرحمن

تمنيت;12732865:
أنا مع الأخت دقات قلبي في ردهــااا ..

كون أنج تاخذينها عندج فالبيت هذا مو حل ابداً ..

مردها بتكبر والوضع بيكون صعب .. الأفضل مثل ماقالوا تحاولين تسوين لها غرفه بروحها

مب معقوله بنت عمرها 11 سنه تنام مع امج وابوج في الغرفه

ولااازم تقعدين مع اخوانج وتعلمينهم اسلوب المعامله معاها بشكل صح ..

واحد بيدخل الجامعه ويعامل اخته جذي ؟؟ ماشاء الله هو رجال ولازم يكون عارف

حاولي تساعدينها وربي ييسر

:f:

.. أمــ عــلــيــ ..;12731736:
الله يشفي جدتكم .. ويشفي اختك وجميع مرضى المسلمين ..

جزاك ِ الله خيراً على رعاية ابن اختك ..

انا سالفة أختك .. اذا امورك المالية كويسه ليش ما تفاجئينها تسوين لها غرفة تناسب عمرها وتناسب ميزانيتك .. منها تصيرين ساعدتيها على انها تستقل بروحها .. ومنها تكون مع امها وابوها في نفس البيت .. ترى أحسن لها من انها تعيش في بيت غير بيت امها وابوها حتى لو كان بيت اختها ....!!!

الله يكون في عونك ويسهل لك امورك

.. أمــ عــلــيــ ..;12731736:
الله يشفي جدتكم .. ويشفي اختك وجميع مرضى المسلمين ..

جزاك ِ الله خيراً على رعاية ابن اختك ..

انا سالفة أختك .. اذا امورك المالية كويسه ليش ما تفاجئينها تسوين لها غرفة تناسب عمرها وتناسب ميزانيتك .. منها تصيرين ساعدتيها على انها تستقل بروحها .. ومنها تكون مع امها وابوها في نفس البيت .. ترى أحسن لها من انها تعيش في بيت غير بيت امها وابوها حتى لو كان بيت اختها ....!!!

الله يكون في عونك ويسهل لك امورك